暑假要諗行程畀小朋友放電，真係一大煩惱嚟。有無諗過東涌呢個選擇? 空曠又近海邊，仲可以睇埋飛機𠻹。想食飯有新鮮感，可試埋黎巴嫩餐廳“Maison Du Mezze”，2024年7月25起新推限定套餐“Summer Seafood”只係$288，有地中海海鮮、生蠔、哈羅米西瓜沙律、鷹嘴豆蓉八爪魚等。其實適合家庭樂之餘，都好啱情侶或朋友遠離市區唞吓氣㗎。
限定套餐“Summer Seafood”只係$288，包括多款地中海料理。
餐廳裝潢曾入圍國際餐飲設計大賽。大空間好啱家庭樂、拍拖或朋友聚會。
外籍大廚Samer主理，利用外國食材、香料煮製驚喜味道。
限定套餐“Summer Seafood”$288
開胃菜(Amuse Bouche) 地中海海鮮泡芙(Mediterranean Seafood Puff)
前菜(Starter) 生蠔配中東香料醬(Oyster Sumac Sauce) 哈羅米西瓜沙律(Halloumi Watermelon Salad)
中東冷盤前菜(Cold Mezze) 鷹嘴豆蓉八爪魚(Hummus Octopus)
主菜2選1(Choose one Main) 虎蝦配哈拉醬(Tiger Prawns with Harrah Sauce) Or 檸檬蒜味烤澳洲盲曹(Baked Barramundi with Lemon Garlic)
甜蜜結尾(Sweet Ending) 黃金餃配雪糕(Qatayef with Ice Cream) |
【開胃菜】
地中海海鮮泡芙
第一眼仲以為係甜品，無諗過開胃菜都咁靚!! 金黃酥皮好似泡芙咁，放滿酸酸甜甜嘅地中海海鮮，又脆又creamy幾有新鮮感。
【前菜】
生蠔配中東香料醬
即開生蠔一向吸引，今次特別跟配中東香料醬(Sumac Sauce) 更驚喜。Sumac係地中海沿岸嘅漆樹果實，輕酸微澀，加埋漿果、酸橙再磨成香料粉末。味道層次豐富，配海水味重嘅生蠔別有一番風味啊。
哈羅米西瓜沙律
平時好少見沙律有西瓜，爽爽甜甜幾啱夏天食。芝士亦唔係常見嘅巴馬臣芝士，而係外韌內軟嘅哈羅米芝士，獨特鹹甜味好特別。
【中東冷盤前菜】
鷹嘴豆蓉八爪魚
今次套餐都有當地好出名嘅鷹嘴豆蓉，綿密質感幾有豆香，亦唔會濃到難以接受，平時少食豆類都會鍾意。連埋Q彈八爪魚一齊食嘅話，又綿又彈牙啊。
【主菜2選1】
虎蝦配哈拉醬
“Maison Du Mezze”全店用外國食材，海鮮都特別鮮甜㗎。加埋地中海菜擅長嘅香料、醬汁，每啖都食到層次變化好有記憶點。好似呢道虎蝦蝦肉已經好鮮，配埋阿拉伯嘅哈拉醬，當中嘅辣椒、香料、水果令佢辣得深沉，又有後勁嘅檸檬同蒜香。
檸檬蒜味烤澳洲盲曹
平時食魚都係著重魚味，而黎巴嫩人就帶嚟更多變化。將出名鮮嫩嘅澳洲盲曹烤到魚皮焦脆，再淋上檸檬、大蒜醬汁，又酸又惹味嘅效果幾深刻。而且烤爐火力夠猛，可以將魚皮烤到脆卜卜之餘，魚肉仲係好嫩㗎。
【甜蜜結尾】
黃金餃配雪糕
最後嘅甜品都有驚喜，唔係普普通通一件蛋糕了事，而係當地人齋月會食嘅黃金餃。外層炸到金黃香甜，入面就係滿滿低鹹芝士，喺香港真係好少機會食到。
Maison Du Mezze
地址: 東涌怡東路9號灣景薈地下G10號舖
電話: 23300131