想食優質和牛? 推介你去質素有信心保證嘅「和牛燒肉·純」，將和牛融入日式料理，十幾年嚟一直係和牛迷必到之地！
「和牛燒肉純」於2012年，由日本全國農業協同組合聯合會(簡稱日本全農) 集團旗下公司成立。2013年2月，銅鑼灣分店喺恩平道開業，直至2023年9月搬到現址，木系環境又有大量卡位坐得舒服。尖沙咀分店就喺2014年8月開業至今，精緻裝潢好有日本氣氛。
銅鑼灣分店部份位置可望靚VIEW~
銅鑼灣分店以簡約木系設計，有少量房間，並有大量卡位坐得舒服。
尖沙咀分店裝潢精緻，好有日本氣氛。
室內以木質裝潢與柔和燈光營造溫馨的氛圍。
了解和牛特色
「和牛燒肉·純」嘅和牛肉質細膩如絲、入口即化，油花分佈均勻好似大理石紋咁靚。入口唔只有油香，仲保留和牛嘅鮮嫩多汁，絕對係牛迷福音呀！有日本全農支持，呢度有多達10款和牛肉位—西冷、肉眼、牛排肉、肩眼、三角牛排、赤肉、三筋牛排、特選牛排、上牛排、牛柳等。如果你想試多幾款肉位，嚟呢度就啱晒喇。
「和牛燒肉·純」於香港作為只賣日本和牛嘅元祖級餐廳，雲集日本多個縣城、唔同產地嘅和牛，透過日本全農引入最新鮮優質和牛。全部都係正宗和牛並擁專業認證，和牛嘅來源、產地清晰，,確保質素。店家都有豐富經驗處理和牛，以多元化烹調方法—燒肉、壽喜燒、涮涮鍋，品嚐和牛各種滋味。
【和牛燒肉】秘訣大公開
想喺「和牛燒肉·純」食到完美和牛燒肉，原來秘訣係火候同技巧，即睇詳情啦～
首先，當然要有優質和牛!! 大家嚟到「和牛燒肉·純」唔使煩惱點揀，因為呢度有嚴謹控制，全部和牛都係最佳A5等級，由屠宰、日本空運過程溫度皆嚴格保持喺2-3度，確保新鮮肉汁唔會流失，絕非一般雪藏肉㗎。因為係上等靚和牛，所以唔會過度調味，師傅只會用鹽同胡椒粉提鮮，保留和牛天然風味。
終於嚟到最重要嘅燒肉環節喇，我哋可以將燒烤網燒熱到微微冒煙，放上和牛後快速煎烤兩面，燒到外層焦脆同鎖住肉汁。千祈唔好太頻繁翻動，避免破壞肉質紋理。呢個燒法會入口即刻化出油脂，鍾意嘅話可以配搭山葵或醬油已經好好味!!
【壽喜燒】日本經典食法
「和牛燒肉·純」店名聽落得燒肉食!? 其實呢度都有Sukiyaki(壽喜燒) 㗎。因為大廚持哥覺得，壽喜燒可以呈現和牛嘅細膩油花同入口即化特色。
持哥主理嘅和牛Sukiyaki 最重視調味，獨家秘方以醬油、砂糖同味醂等等調製出濃郁湯底。食嗰陣將頂級和牛片涮煮至柔嫩多汁，吸飽湯汁精華後，蘸上滑順生蛋液，和牛口感更加嫩滑！食落瞬間爆發甘甜同脂香，層次豐富，和牛迷必試啊。Sukiyaki 會配搭埋豆腐、蔬菜同水芋絲一同涮煮，食材浸潤喺日式風味中，每一啖都好有濃厚醬汁嘅溫暖，係好療癒嘅暖心料理。
【特別推介】涮涮鍋套餐
呢個「涮涮鍋套餐」都好抵玩，有幾款靚肉仲有蔬菜拼盤，歡迎到店查詢。
和牛燒肉‧純 (銅鑼灣店)
地址: 銅鑼灣邊寧頓街8號HDH 中心7樓
電話: 28070103
和牛燒肉‧純 (尖沙咀店)
地址: 尖沙咀東部加連威老道96號希爾頓大廈1樓3號舖
電話: 27233868