台式火鍋飲足料靚湯 食埋酸菜魚·麻辣小龍蝦!
打邊爐就係鍾意嗰種暖笠笠嘅滿足感,所以湯底真材實料到可以飲埋就最正。「養心殿台式養生鍋」就主打足料湯底,連麻辣鍋都係用多款香料、藥材熬製,少油到可以飲碗湯先打邊爐。每次加湯都係同款原湯,就算食得耐湯底都夠濃厚,唔會愈加愈淡㗎。

除咗台式打邊爐,大廚於上海學師後引入酸菜魚、麻辣小龍蝦,佐酒一流!酸菜魚都可以追加各款火鍋配料,即睇有咩食啦!

【經典湯底推介】
麻辣鍋 (大、中、小辣選擇)
有別四川、重慶做法,湯底以多種香料及藥材熬煮,唔重油、唔燥熱之餘仲好滋補,打邊爐前一定要飲碗湯呀。湯底本身已附台灣直送鴨血、凍豆腐,口味地道唔膩。
麻辣鍋必食埋大大件鴨血!

美人鍋
以多款養顏滋陰熬煮,特別加入平民燕窩—桃膠,含豐富膠原蛋白。湯底則以元貝、杞子、南棗及金華火腿熬煮4小時,並特別配以2斤以上原隻竹絲雞,好有雞味。

【佐酒一流】
酸菜魚
以自家製酸菜入饌,魚肉無骨無刺啖啖肉,並有多款配料,CP值高,好推介追加牛肉。

【Share小食】
麻辣小龍蝦
小龍蝦份量夠多,重麻但唔會太辣,佐酒一流。

鹽酥蚵仔
粒粒蚵仔好飽滿!同樣依據台式做法,惹味有蛋香。

【火鍋配料推介】
手切牛肉
選用頂級Prime 牛小排,師傅手切牛肉會將肥膏、牛根切走,每片都係靚位。

厚脂黑毛豬梅花肉
軟腍梅花肉一向好啱打邊爐,肥瘦適中、肉味重,零羶味。

黃喉
特別選用牛黃喉,比豬黃喉更厚身,食落更彈牙輕爽。

黑毛肚
麻辣火鍋必備配料。

油豆腐
比一般油豆腐更短、更厚身,吸湯力十足,入口爆湯。

【手工自家製丸餃】
呢度有多款自家製手打丸,鵝肝墨魚丸、黑松露蝦丸、芝士牛肉丸等,都係真材實料打至起膠,絕無額外添加劑。「手工丸類拼盤」共12粒可以試勻多款丸類。

餃子都係自家人手包製,確保食材足料安全,麻辣牛肉餃、韭菜餃都好人氣!而「餃子拼盤」同樣有12件,可以試多幾款口味。

野生竹笙
好厚身,來貨價已不平,口感清爽紮實。

日本長芋
比一般山藥貴,味道爽口,不過黏性極重,味道偏淡,但清新鮮甜。豐含維他命及多種營養。

開飯仔依家仲有好野益大家!於2022年4月29日至6月9日期間,到【養心殿台式養生鍋】消費並上載有效收據到指定網頁, 隨時贏取豐富獎品! 食得愈密, 得獎機會愈大,超過200份獎賞等梗大家!快啲約埋飯腳開餐啦!

* 資料由客戶提供