又係時候諗情人節食咩啦，腦海餐廳list都係西餐法國菜? 其實印度菜都好精緻浪漫㗎。呢間印度餐廳“Chutney”走宮廷風，用餐區嘅半拱形天花儼如皇宮大廳，牆壁則掛上印度皇宮主題藝術作品，高貴地享受情人節晚餐。
半拱形天花儼如皇宮大廳，情人節晚餐更有氣派。
Tandoori大窯爐 | 親見炭烤肉·印度烤餅新鮮出爐
“Chutney”依傳統用多種香料，煮製印度北部至南部料理。透過廚房落地玻璃可以見到兩大個Tandoori窯爐，外籍廚師會用嚟炭烤肉、海鮮同印度烤餅，新鮮出爐高溫炭烤好惹味。
即刻睇吓“Chutney”情人節套餐有咩食啦～
STARTER 印度開胃菜(Tikki Chaat) 耶路撒冷雅枝竹餅 配薄荷酸辣醬 及 酸梅醬
SOUP 粉紅番茄大麥湯 (Pink Tomato Barley Shorba)
TANDOORI 印度窯爐烤蝦 (Tandoori Prawns) 配茴香蓉 及 三文魚籽
MAIN COURSE 2選1 M5和牛喀什米爾咖喱 (M5 Wagyu Beef Kashmiri Curry) 配喀什米爾胡椒 及 自製印度香料
香辣牛油烤本地雞 (Chutney Butter Chicken)
NAAN 3選1 大蒜烤餅／松露芝士烤餅／甜烤餅
DESSERT 玫瑰朱古力蛋糕 (Rose Chocolate Cake)
$688/人 |
“Chutney”情人節套餐，有印度窯爐烤蝦、M5和牛喀什米爾咖喱、香辣牛油烤本地雞等，配埋新鮮出爐印度烤餅好滿足。
SCARCER | 印度開胃菜(Tikki Chaat)
首先有經典印度小食—Tikki Chaat，金黃香脆炸餅入面會有各種香料。今次大廚將耶路撒冷雅枝竹、粉紅紅菜頭壓成蓉再炸至金黃色，健康得嚟又香口，可以蘸薄荷酸辣醬、酸梅醬一齊食，酸酸地更加開胃。
SOUP | 粉紅番茄大麥湯(Pink Tomato Barley Shorba)
今次情人節套餐充滿浪漫紅色，女仔一定鍾意。好似呢道粉紅番茄大麥湯，紅卜卜係用外國番茄煮製而成，再以輕脆麵包條點綴。
TANDOORI | 印度窯爐烤蝦(Tandoori Prawns)
“Chutney”比一般印度餐廳吸引之處，係有兩大個Tandoori窯爐可以新鮮出爐烤物，陣陣炭香真係好正呀!! 情人節套餐就有印度窯爐烤蝦～連蝦殼都烤到好香口，配埋茴香蓉、三文魚籽更有層次。
MAIN COURSE 2選1 · NAAN 3選1
套餐包咗1款印度烤餅—大蒜烤餅／松露芝士烤餅／甜烤餅，所以兩道主菜都好濃郁掛汁，配印度烤餅一流。食食吓真係忍唔住想追加多份烤餅，一滴汁都唔放過呀!!
主菜之一有M5和牛喀什米爾咖喱(M5 Wagyu Beef Kashmiri Curry)，呢款喀什米爾咖喱以濃郁、豐富香料聞名，用喀什米爾胡椒、薑黃、小豆蔻、紅辣椒、胡椒等香料賦予獨特層次。最後加入乳酪，濃稠微甜平衡辛辣味道，就算唔嗜辣都會好鍾意。
另一道香辣牛油烤本地雞(Chutney Butter Chicken)，一向係“Chutney”人氣料理。本地黃雞煮到好入味，每啖都聞到好香牛油味，雞肉又嫩又juicy㗎。
DESSERT | 玫瑰朱古力蛋糕(Rose Chocolate Cake)
同女神過情人節點少得甜品，半透明紅色果凍造型好靚。外層滑嘟嘟，連埋入面嘅朱古力蛋糕一齊食好夾。
CHUTNEY
地址: 中環雲咸街75-77號嘉兆商業大廈4樓
電話: 23300027