千呎Party Room食日本Fusion菜! 唱K+露台極隱私空間
新年想一班人開party,梗係想搵個隱私度高又靚嘅地方啦。中環呢間日本fuison食店「肉料理とワインCARVING」就有1000呎全層Party Room,可容納20至25人,有齊卡啦OK、露台、大餐枱、獨立洗手間等設施,並有大廚、員工全程服務,完全係高級VIP享受呀。
1000呎全層Party Room位於高層27樓,可容納20至25人(16人起)。

CP值極高Party Room!一個價錢包全場&套餐
「肉料理とワインCARVING」由曾任米芝蓮星級餐廳、六星酒店總廚主理,擅於取各菜系特色創作fusion菜,每月都會更新菜單。

1月全新「八道菜新年套餐」融合日本、法國、香港等元素,和牛+魚子醬係點?釜飯+煲仔飯飯焦仲過癮?Party Room $1,000/位已包全層&「八道菜新年套餐」(套餐淨價$898/位),CP值極高。同場更可追加單點、佐酒小食、各種酒類㗎~
Party Room環境典雅、設備齊全,價錢已包高級料理套餐,盡情邊食邊玩。

日本銀座氣氛用餐區 
三五知己聚餐book唔到Party Room唔緊要,店家UG樓層都有用餐區,係日本銀座嘅溫馨優雅氣氛,同樣可以一嚐「八道菜新年套餐」。
「肉料理とワインCARVING」猶如日本銀座食店,氣氛溫馨優雅。

吧枱位可欣賞大廚手藝。

餐枱座位具私人空間。

日本酒廠傳人親自設計Wine Paring
今次「八道菜新年套餐」+$478即可追加Wine Paring。是次店家聯同300幾年歷史酒廠日本大湖清酒合作,由大湖清酒第18代傳人—吉川浩幸先生、資深清酒侍酒師一同搭配Wine Paring,純序奉上”100%純梅酒”雞尾酒、大吟釀、本釀造、純米大吟釀無濾過金箔、100%純蜜柑酒,利用各種酒品特性豐富料理味道,就算對酒無深入研究都有驚喜。
「八道菜新年套餐」$898/位,同時享用Party Room只需$1,000/位。

即睇「八道菜新年套餐」有咩食~

和風粟米吉士湯·自家漬前菜
員工首先端上自家漬前菜。大廚會定期引入唔同蔬菜,再以各種香料醃製,味道比一般漬菜清爽。而且可無限免費追加,方便食客喺各料理之間清味蕾,相當細心。

熱湯則以新鮮日本粟米打成蓉,再加入自家高湯、忌廉、牛油煮製,最後灑上頂級本枯節柴魚。湯身黏稠猶如吉士,每啖後續又有柴魚濃郁鮮味,作為冬天湯品相當暖胃滿足。

法國Kaviari Kristal魚子醬, 半熟日本A5和牛沙侓
當法國、日本兩大高級食材撞埋一齊,真係好令人期待。大廚特選經典法國Kaviari Kristal魚子醬,加埋炭燒半熟和牛一齊食。魚子醬卜卜爆開,鹹香恰好平衡和牛油香,加上特製柚子酸甜醬汁好豐富。

塩漬原隻北海道蝦夷鮑魚配高湯涷
蝦夷鮑魚每隻約150g重,size好大隻。大廚先用海鹽水慢煮,令鮑魚海水味更突出外,口感更柔嫩帶嚼勁。

配菜啫喱亦大有來頭,其實係頂級本枯節柴魚、上等昆布熬煮嘅傳統日本出汁。望落晶瑩剔透卻醇厚鮮味,矛盾般存在反而有驚喜。

三文魚子約克郡布丁 (招牌約克郡布丁, 三文魚子, 明太子慕斯)
單睇菜名,三文魚子同布丁好似毫不相干。其實約克郡布丁比較接近麵包,係英式料理常見前菜。

今次大廚將內餡換成新鮮明太子慕斯,即叫即焗做到外脆內軟綿,一熱一冷玩味十足。鋪上嘅三文魚子則以清酒輕烤,入口卜卜脆開。

燒A5日本和牛 (時令日本蔬菜)
大廚會定期引入各種日本靚和牛,所以日和牛產地都可能唔同㗎。不過每次都會係和牛稀有位,例如被外國人視為全牛最貴肉位—上肩脊,可以一嚐和牛油香之餘,濃郁肉味亦唔會覺得好膩。

雖然和牛貴為主角,但自家製牛醬汁都好有驚喜,完全估唔到大廚會用香港生曬蠔豉,配上日式醬油、味醂煮製。食落好似燒汁又略帶蠔豉輕甜鮮味,估唔到同和牛好夾。可以用日本野菜蘸汁食埋,真係值得汁都撈埋。

季節の魚介釜飯 (舞茸, 高湯醬油)
日本釜飯煮法可以令米飯吸滿食材鮮味,店家每朝會聯絡日本魚商引入最新鮮魚材,所以嘅釜飯海鮮都會唔同㗎。

今次我哋就食到香港較少見嘅大赤蝦釜飯,蝦味極濃嫩滑~大廚先輕燒大赤蝦,再放入自家高湯及蝦汁、舞茸慢煮。平時亦有機會食到鯛魚、鯖魚、三文魚、銀雪魚等等。

炙燒水牛芝士紅豆燒餅
甜品都係全自家製~即叫即做燒餅內餡爆滿北海道十勝紅豆、意大利手造水牛芝士。一鹹一甜,輕鹹芝士反而更突出紅豆甜香,而且水牛芝士好creamy,鬆軟燒餅更有口感又唔乾身。

肉料理とワインCARVING
地址:上環皇后大道中338號338 ApartmentUG樓1號舖
電話:65530938
* 資料由客戶提供