【85折】韓燒x麻辣火鍋 成本價韓牛&SRF美國和牛
鍾意食辣嘅話,一定聽過好早期就引入重慶麻辣火鍋嘅「川婆婆」,獨特牛油香、麻中帶辣確 實過癮。最近呢度唔只食麻辣鍋,一入座就免費用晒兩個爐,一邊係打邊爐;一邊係韓燒超 正!而家仲有火鍋85折優惠㖭*!
 *優惠只適用於火鍋及配料(不包括小菜、小食、醬料及服務費) 

香港最早期引入重慶麻辣火鍋嘅「川婆婆」。

唔使加錢就可以韓燒x打邊爐。必食多款韓牛、SRF美國和牛。

【Why not both】食齊兩大靚牛!韓牛.SRF美國和牛
為咗大家更Enjoy 韓燒x打邊爐,老闆特別引入多款靚牛!平時睇韓劇主角食燒肉食得咁爽,皆因烤肉比火鍋更突顯油香,所以新加靚牛就有烤肉必食韓牛,同埋坊間少有SRF美國和牛

6款韓牛 韓燒&打邊爐都好正!
早年大家都爭住食和牛,係就係入口即融。但優點亦係缺點,就係油花太多好易膩,仲會蓋過牛味……所以後起之秀韓牛就引嚟一班Fans。韓牛以乾草、濟洲橘子汁同粟米為飼料,加上天然牧場令肉質鮮嫩,油花豐富平均突出牛味。入口先化出油香,後續就係特濃牛味,肉味更實在呀!

呢度足足引入6款韓牛之多,啱韓燒嘅有頸脊上肉、腹脅倆側肉、後三角側肉,油花偏多、纖維豐富更有咬口;打邊爐可揀金錢展、牛肩胛里肌、半白肉,肉質嫩軟、牛味更濃。最正係可以兩樣一齊食,一邊韓燒一邊打邊爐,一次過食勻幾種韓牛~
多款韓牛,韓燒同打邊爐都好正!

靚牛一放上鐵板即滲出油花,唔使特別用牛油起鍋。

牛肉味濃唔使奄製,直接食或灑上海鹽最正。每張枱都放咗3款海鹽免費用。

必試重慶麻辣鍋 滿滿牛油香嘅麻辣
當然不得不提一直大受熟客歡迎嘅重慶麻辣鍋。麻辣湯底以麻香為主,麻中帶辣,牛油香吊出肉味,用嚟配高級SRF美國和牛勁正!
重慶麻辣鍋麻中帶辣,仲好重牛油香。

牛控必愛!SRF=日本和牛x美國安格斯
SRF簡單嚟講就係日本和牛x美國安格斯牛混種,係早年日本將和牛引入美國養殖後嘅品種,可以話盡取兩種高級牛嘅優點—油花豐富細緻、肉質軟嫩多汁。呢度足有4款SRF美國和牛揀—SRF牛板腱、SRF封門柳、SRF牛肩脊肉、SRF三角肥牛。優點平均,烤肉或打邊爐都好啱。

接近成本價 滿足一眾肉控狂食!
老闆透露因為成本高,一般火鍋店好少有齊SRF美國和牛同韓牛。不過打邊爐同韓燒有靚牛食真係爽好多,所以呢度定價都接近成本價,志在食客可以試多幾款靚牛,食得開心最緊要。
坊間少有,接近成本價食SRF美國和牛,軟嫩又有油香。

台灣淡水名物 必試皮蛋紅薑貢丸
除咗牛肉,呢度仲有多款台灣火鍋配料—皮蛋紅薑貢丸、鴨血、台灣阿給(冬粉釀油豆腐)等。當中「皮蛋紅薑貢丸」可以話聽都未聽過呀,原來係台灣阿中出產嘅淡水名物嚟㗎!

最初係日本人託台灣阿中製作,將皮蛋x紅薑呢個夢幻組合變成餡料。入口清爽又有皮蛋香,老闆都一試愛上,專誠引入召喚一眾皮蛋控~
必試麻香貢丸,配麻辣湯底超正!

Q彈台灣鴨血,唔使諗即刻嗌呀。

同場仲有多款火鍋配料,新鮮蔬菜清清味蕾又可以再作戰!

火鍋多選擇!可換烤魚/雞煲
值得一提嘅係,火鍋除咗有重慶麻辣鍋外,仲可以換上烤魚、雞煲,食住烤魚食韓燒都過癮㗎。烤魚有4款口味揀—鮮椒、香辣、十三香麻辣、酸菜檸檬。原條鱸魚厚身多肉好抵食。
火鍋可換上烤魚、雞煲。原條鱸魚厚身多肉好抵食。

一大鍋酸菜魚都有!

必飲大大杯檸檬茶、水果茶,三十幾蚊勁大杯好抵飲!

川婆婆 (寶勒巷)
地址: 尖沙咀寶勒巷26-36號地舖
電話: 23698616
* 資料由客戶提供