召喚各位馬拉菜迷!! “makan makan”外籍大廚團隊受馬來西亞之旅啟發，將當地熱鬧街頭美食文化搬到嚟香港。而且唔係普通嘅馬拉菜，而係融合馬來西亞香料、泰國清新風味、越南草本氣息嘅新派菜式，就算成日食東南亞菜嘅老手都好有新鮮感啊。
全新優惠套餐—「正宗東南亞風味2人餐」、「大滿足東南亞風味5人餐」，有齊沙律及頭盤、新鮮即烤、主菜、甜品。兩款套餐都有大人氣嘅沙嗲、仁當牛肉，一次過食晒兩種辣風味!! 經OpenRice訂座預購仲有85折優惠㗎。
OpenRice訂座預購85折優惠
凡經OpenRice訂座預購，指定套餐即享85折優惠 - 正宗東南亞風味2人餐: 優惠價$423/2位 (原價$498/2位) - 大滿足東南亞風味5人餐: 優惠價$848/5位 (原價$998/5位) |
裝潢從經典遊戲《食鬼》汲取靈感。店內鮮明色彩、古怪細節均向懷舊嘅調皮玩味致敬，好有歡樂氣氛。
店內顏色繽紛，飲酒飯聚好有氣氛。
新出兩款套餐，包括多款東南亞風味菜式。
有齊沙律及頭盤、新鮮即烤、主菜、甜品。
兩款套餐都有大人氣仁當牛肉!! 以傳統印尼式椰奶燴牛。
【正宗東南亞風味2人餐 SPOTLIGHT】
2人餐頭盤有馬來西亞經典嘅娘惹小金杯，以辣椒醬、香料打造濃郁味道超惹味!! 而馬來西亞特色沙嗲就有牛肉 / 雞肉 / 羊肉揀，全部燒到焦香多汁，沙嗲醬微辣香甜，花生醬味都幾重，夠晒開胃。主菜除咗有仁當牛肉外，亦有泰式紅咖喱河蝦啱晒海鮮迷，香辣鮮甜。最後，就有黑芝麻湯圓做甜品。
娘惹小金杯
直接拎住脆筒食，一啖咬落去爆餡爆醬好過癮。內餡有蘿蔔、蝦米、蛋、花生等。自製辣椒醬香辣唔嗆，飲啖酒中和辣度幾正。
娘惹小金杯。
「正宗東南亞風味2人餐」OpenRice訂座預購優惠價$423/2位 (原價$498/2位)
【大滿足東南亞風味5人餐 SPOTLIGHT】
5人餐頭盤嘅泰式牛肉沙律好推薦，香烤牛肉有炭火風味，咬落又軟嫩juicy。將烤牛肉夾住乾蔥、辣椒一齊食，又係另一風味!! 而5人餐嘅新鮮烤物有雜錦沙嗲之餘，亦多咗香烤黃花魚配叁巴醬，總有一款啱大家口味～
3款主菜有人氣仁當牛肉外，唔少得經典海南雞～半隻本地養殖三黃雞啖啖肉，雞皮薄而且雞味十足。另一款甘香醬炒啦啦都好有驚喜，用咗咖喱葉、洋蔥、蝦米等炒蜆，鮮甜惹味又唔會膩。最人仲有貓山王榴槤布丁、泰式芒果糯米飯做甜品𠻹。
海南雞，係本地養殖三黃雞。
「大滿足東南亞風味5人餐」OpenRice訂座預購優惠價$848/5位 (原價$998/5位)。
MAMTOM
地址: 尖沙咀麼地道62號永安廣場地下1-6及45-46號舖
電話: 27213600