【2023超強優惠】半價濃湯花膠雞&9折龍蝦+蟹! 新春照常優惠
今年1月就係農曆新年喇,一班人食新年飯梗係想食豪啲,有龍蝦又要有蟹~「翠林辣蟹舫」2023第一炮就有超強1月優惠(包括新年假期),半價食濃湯大花膠雞(原價$788)、6款口味龍蝦、5款口味招牌蟹之餘,仲有一系列手工菜9折

【1月優惠】新春期間都有!

1) 「滋補濃湯大花膠雞」半價(原價$788)

2)「鎮店招牌蟹」9折(原價$688)

3) 「澳洲龍蝦」9折(原價$688)

4) 多款手工菜9折


濃湯大花膠雞
手掌咁大花膠,加埋多隻原雞熬足4個鐘,湯底好濃郁!雖然雞肉已煲到融入湯中,但上枱時會額外上半隻三黃雞㗎~三黃雞一向肉質輕彈、雞肉味香,配埋湯一齊食好正。
冬天飲啖花膠雞湯好滋補暖身,半價優惠真係激抵。

花膠同三黃雞都好足料,熬出濃厚熱湯。

【9折鎮店招牌蟹】
呢度每日引入游水蟹、龍蝦同各種海鮮,新年想爽食海鮮就啱晒喇!招牌蟹仲有多款口味揀—避風塘炒蟹、黃金流沙蟹、黑白胡椒蟹、椒麻香辣蟹、香辣蟹醬炒蟹
游水大蟹好生猛鮮甜。

香辣醬油蟹。將多種香料磨成粉爆炒蟹,入口充滿香料味又完全無渣。

避風塘炒蟹以滿滿香蒜、辣椒炒香,勁惹味!

【9折鎮店澳洲龍蝦】
澳洲龍蝦都係游水,仲好大隻多肉~6款口味—黃金流沙龍蝦、避風塘龍蝦、芝士焗龍蝦、香辣宗谷瑤柱炒龍蝦、川味椒麻龍蝦、水煮龍蝦
澳洲龍蝦好大隻,你都可以親身去魚缸揀海鮮㗎。

流沙鹹蛋黃龍蝦,爆多鹹蛋黃好酥脆。

新口味水煮龍蝦,麻中帶辣突出龍蝦味。

香辣宗谷瑤柱炒龍蝦特用北海道瑤柱,長輩都會鍾意嘅鮮甜味。

【9折手工小菜】
新春要食得豐富過肥年~「翠林辣蟹舫」1月有超過30款小菜小食都有9折!多款暖身香口小菜—黃酒煮雞(半隻)、秘製麻辣雞煲(半隻)、麻辣海參花膠、黃金鱔球、避風塘魚毛蝦仔、金醬煎焗生蠔等。

新年飯有長輩、小朋友同行,水蜜桃咕嚕肉、咕嚕脆小魚、百花蒸釀魚肚、黃金豆腐等,一家大細都啱食,即睇詳情~

客家黃酒煮雞(半隻)
黃酒煮雞補氣暖身,就算雞肉都有淡淡酒香。如果女仔氣虛或手凍腳凍,呢道菜好有幫助㗎。

水蜜桃咕嚕肉
小朋友一定鍾意嘅水蜜桃咕嚕肉~即叫即炸咕嚕肉好香脆,水蜜桃又甜甜酸酸好開胃。

黃金豆腐
豆腐炸到金黃色好薄脆;內裡豆腐又好水嫩,一脆一軟好有衝撃感~廚房一炸起就要即刻按鐘「叮叮叮!」提示員工盡快出餐,等大家可以趁熱食到呢種極端脆軟口感。

話梅涼瓜
估唔到涼瓜都可以咁清甜!! 因為涼瓜用咗大量九製話梅浸,入口輕甜再慢慢滲出微酸甘香,最後先有好淡嘅苦味,就算唔食涼瓜都會鍾意㗎。

【人氣推薦·正價餐牌】
新春必食 客家碌鵝
同場加映,由老師傅主理嘅新年意頭菜—客家碌鵝。呢道手工菜因手工繁複已逐漸消失。原隻鵝要放上熱鑊碌4個鐘先可以逼出鵝油,再加南乳醬煎香,鵝肉極嫩~想食記住預訂呀。

原隻起殼 黃金拆肉瀨尿蝦
其實瀨尿蝦一直都好多fans鍾意食,但係又硬又𠝹手嘅蝦殼令唔少人卻步。所以大廚索性將瀨尿蝦原隻起殼,一夾起瀨尿蝦即刻食得。而且瀨尿蝦超大隻,大大啖都要3、4啖先食完,鹹蛋黃脆脆加埋超厚蝦肉,食一隻已經勁滿足。

米香濃湯煮鮮鮑魚
好少見到鮑魚係呢個做法,用米水浸過鮑魚後,再用自家濃雞湯熬煮,最後加入脆米。鮑魚入口彈牙,有時又會食到脆卜卜脆米,最後飲埋足料雞湯好暖胃。

黃金流沙蝦球
滿滿鹹蛋黃包住勁大隻虎蝦球!外層好酥脆鹹香,入面係超彈牙蝦肉。拳頭咁大嘅炸蝦球,真係幾啖都食唔晒。

食神炒飯
由電影《食神》戴師傅親教,分4次倒入3種米再用醬汁炒香。飯粒食落乾身輕韌,係好少遇到嘅高質炒飯。食神炒飯炒製需時,想食最好預訂。

「翠林辣蟹舫」有大圓枱同卡位,一班人新年聚餐宦坐得好舒服。


翠林辣蟹舫
地址: 尖沙咀亞士厘道24-38號天星大廈1樓A號舖
電話: 26289888
* 資料由客戶提供