有無諗過喺香港都可以置身於法國凱旋門下享受浪漫晚餐？ “Royal INN”以巴黎凱旋門為靈感，設計出純白浮雕拱門，配搭水晶吊燈、歐式花境佈置，令人感覺置身於法國一樣。
“Royal INN”以純白凱旋門、乾花、落地玻璃打造法國浪漫感覺。
而家 “Royal INN” 更推出「1週年活動優惠」。晚市雙重優惠，惠顧主菜送前菜同$188無限任飲2小時雞尾酒/法國紅白酒及氣泡酒。無論二人浪漫約會；抑或一班朋友慶祝相聚都好啱feel !
「1週年活動優惠」詳情
1) 惠顧主菜送前菜 日期: 即日起至12月18日 價值: $118至$168/份 優惠詳情: 每位點選主菜/扒類，2至3人送前菜一份；4人以上送前菜兩份。
2) $188 Chill住2小時無限任飲 日期: 即日起至12月18日 優惠詳情: 包括即調雞尾酒/指定法國紅白酒及氣泡酒
(需按全檯人數計算，設加一服務費) |
唯美環境 | 儼如法國人悠閒細味美食
“Royal INN”主打輕法國菜，以每日空運直送新鮮生蠔、活龍蝦等烹調一系列精緻海鮮料理，連法式煙肉芝士焗蠔都係用上新鮮即開生蠔焗製㗎！最新酥皮焗法式海鮮煲更將平時嘅酥皮湯巨大化，鋪上鬆脆酥皮嘅大鐵鍋熱辣辣直接上枱，入面爆滿海鮮好有驚喜。
室內有多盞水晶燈，浪漫唯美；室外眺望彌敦道，欣賞開揚都市景。
大廚擅長歐洲菜系，同場更可品嚐各式歐洲料理 : 辣炒西班牙八爪魚、大蒜蘑菇忌廉烤雞、意大利松露小雲吞等等... 趁優惠期間，配搭無限暢飲各款雞尾酒、法國紅白酒，享受一個微醺晚上。
【浪漫輕法國料理】
酥皮焗法式海鮮煲
巨大酥皮海鮮煲一出場已經好搶眼，真係未見過咁巨型嘅酥皮湯呀！未食已經聞到好香牛油酥皮味。海鮮湯更係用法國普羅旺斯著名料理— Bouillabaisse海皇湯煮法，用大量洋蔥提鮮，再加入藏紅花、香草、海鮮高湯煮製，每啖湯都係濃郁海鮮精華！
巨大化酥皮焗法式海鮮煲，未食已經聞到好香牛油味。
我哋先食啖香噴噴酥皮，新鮮出爐好酥脆鹹香。之後再將其餘酥皮浸一浸海鮮湯再食，輕脆又滲出熱湯好滋味。爆多嘅海鮮份量，有每日空運直送嘅新鮮波士頓活龍蝦、新鮮有殼扇貝；以及鮮蝦、法國麵包蟹、鮮魷魚、法國藍青口、美國馬尼拉蜆，就算今晚淨係食呢道酥皮海鮮煲都好滿足喇。
足料海鮮連同酥皮入爐烤焗，完美結合鮮味同酥香。
每日飛機運到 | 即開生蠔·法式煙肉芝士焗蠔
當然，一場嚟到點可以唔食多幾款。“Royal INN”選用法國Saint Martin生蠔，每日法國直送。生蠔肉色奶白，肉質豐滿、口感爽滑。入口先有海水鮮味，再慢慢滲出甜味，最後更有種牛油果清香，極富層次。
每日法國直送Saint Martin生蠔，無論做生蠔定係做焗蠔都一樣咁正。
你可以揀即開生蠔，又或者香口嘅法式焗蠔。大廚將即開生蠔灑上煙肉、芝士烤焗，入口爆出蠔汁又有輕脆煙肉、拉絲芝士，鹹香惹味，啱哂用嚟送酒㗎。
經典必試 | 法式芝士焗洋蔥湯
講到最經典嘅法國料理，不得不提法式洋蔥湯，係坊間好少機會飲到！因為傳統製作過程相當繁複，要先將洋蔥慢炒至焦糖化，再加入牛湯、洋蔥煮製，最後要放上法包、Gruyère芝士入焗爐烤焗。
經典法式洋蔥湯做法繁複，坊間好少地方有。
呢道洋蔥湯又要煮又要焗，但飲一啖就知功夫相當值得。法包焗至輕脆，同時又吸滿熱湯，每啖都充滿濃郁嘅洋蔥味，鹹甜交匯，一試難忘。
法包連同洋蔥湯一同烤焗，做出獨特風味。
身價矜貴 | 大蒜蘑菇忌廉烤雞
法國羊肚菌烤雞係當地傳統料理之一，羊肚菌帶有獨特清甜菌香，加上極豐富營養價值令身價長期高企，屬於矜貴菌類食材。大廚先將羊肚菌浸水，再將羊肚菌、大啡菇、乾蔥等炒香，再加入芥末籽忌廉汁、羊肚菌水令雞肉吸滿香料味道。雞肉先煎後焗做出香口肉嫩效果，撈埋忌廉汁一齊食真係一大享受呀。
烤雞配以矜貴羊肚菌焗製，記住連埋芥末籽忌廉汁一齊食。
【歐陸風味料理】
“Royal INN”環境歐式唯美，不但可以品嚐精緻法國料理外，亦有多道風味十足嘅歐陸菜式，Chill住飲Chill食。
經典Aioli煮法 | 辣炒西班牙八爪魚
西班牙地理鄰近海洋，海鮮料理一向相當出名。今次Royal INN大廚更用上Aioli大蒜蛋黃醬，依傳統將大蒜、橄欖油、蛋黃、檸檬汁等放入缽中烹調，令八爪魚、紅尖椒、蒜片等吸滿蛋黃醬，香濃輕甜。再將八爪魚放上墨汁西米脆脆一齊食，又脆口又Q彈。
辣炒西班牙八爪魚，用上經典Aioli大蒜蛋黃醬煮法。
將八爪魚放上墨汁西米脆脆，又脆口又Q彈。
意大利松露小雲吞
相信大家對意大利小雲吞絕不陌生，"Royal INN" 就將呢道經典料理升級。於小雲吞灑上香脆煙肉，煙肉係即場炒香逼出油份，所以好焦脆鹹香㗎。食嗰陣將小雲吞蘸上黑松露忌廉汁，輕韌小雲吞，口感豐富又帶松露香，同時又食到脆脆煙肉乾，每一啖都好滿足。
“Royal INN”將經典小雲吞升級，口感豐富又帶松露香。
儀式感滿滿 | 火焰雪山
經典甜品火焰雪山，出場時會淋上冧酒點火，好有儀式感，特別日子必食呀。切開入面有蛋糕、雪糕，伴以新鮮雜莓一齊享用。
火焰雪山即場點火，充滿儀式感。
【經典雞尾酒】優惠期間2小時任飲
Royal INN調酒師嚴選以名牌酒品、新鮮水果及自家製材料，調製一系列經典雞尾酒，而家更推出任飲優惠真係好划算。
清新風味 | Appletini雞尾酒
Appletini係感覺清新愉悅嘅雞尾酒，以Zubrowka野牛草伏特加、Midori碧綠色蜜瓜酒；結合Elder Flower折骨木花糖漿、新鮮青蘋果、蛋白等調出平衡口感。獨特草本芳香、鮮甜水果、迷人花香會喺口中層層變化。
品味經典 | Clover Club雞尾酒
經典優雅嘅Clover Club雞尾酒，結合英國品牌Sip Smith Sloe Gin、新鮮檸檬、蛋白同新鮮覆盆子。口感柔滑，並富濃郁野莓風味、清新酸甜、果香豐富。
(左)Appletini雞尾酒、(右)Clover Club雞尾酒
Royal INN (尖沙咀店)
地址: 尖沙咀彌敦道100號The ONE 1樓L121號舖
電話: 23218289