【$100任飲生啤】邊飲邊食刺身/壽司/牛腸鍋5折!

【限定優惠】全場清酒半價，各級數、口味都有得選擇。

8、90年代尖東紙醉金迷，高質正宗居酒屋林立，吸引一眾居港日本人嚟食飯飲酒，其中一間就係營業至今嘅「八海山」。老闆年輕時於日本留學，趁放假會去日本各地遊歷。返到香港後，忽發奇想將日本味道回憶煮返出嚟。所以你會發現，呢度嘅料理選擇好豐富—刺身、壽司、鍋物、燒魚、串燒等都有，大人氣鍋物牛腸鍋更有東京、福岡兩地口味選擇。

【限定優惠】兩個任飲方案都好吸引，女生大推一試人氣Highball呀！

平時去日本居酒屋，最開心係咩都有得食，唔只食刺身；又或局限食串燒。「八海山」真係做到呢種居酒屋文化，難怪一班居港日本人熟客都話好似返咗日本食飯咁，有時連續食足6日都得呀。而家「八海山」限定優惠4選1！無論想嚟食刺身、食牛腸鍋、飲酒都享受到優惠，即睇詳情～

【今期最HOT】限定優惠4選1

1) 雜錦刺身(大/特上/上)／雜錦壽司(特上/上/吞拿魚腩手握壽司)

任選一款5折

最高級「雜錦刺身(大)」激減$445！CP值好高

2) 全場清酒半價

全場清酒任選2合、300ml、720ml、1.8L，飲得盡興！

3) 日本生啤The Premium Malt's任飲2小時$100/人或；

升級日本人氣Highball任飲2小時$138/人

Highball大受日本女生歡迎，0醣、0脂、0蛋白質減肥恩物

4) 牛腸鍋5折$125(原價$250)

香港罕見人氣鍋物，提供東京清湯或福岡麵豉湯底選擇

PS: 優惠4選1，不可與其他優惠同時使用

1)【雜錦刺身/雜錦壽司5折】

全部級數嘅雜錦刺身/壽司，任選一款5折！「八海山」魚材主要嚟自北海道、大阪、九州、福岡；日本出口及香港入口均會測試輻射水平，絕對可以安心食用。

雜錦刺身5折優惠價: 雜錦刺身(大)$445 (原價$890)、雜錦刺身(特上)$345 (原價$690) 、雜錦刺身(上)$240 (原價$480)

雜錦刺身有(大/特上/上)3種級數。最高級嘅雜錦刺身(大)激減$445係減得最多！集合咗多款貴價刺身有拖羅、赤身、油甘魚、季節魚、池魚、海膽、牡丹海老、縞鰺。中級嘅雜錦刺身(特上)都好吸引，價錢只係$345(原價$690)，就有拖羅、赤身、油甘魚、牡丹海老、赤貝、縞鰺，入門價已經食得好滿足。

【限定優惠】雜錦刺身(特上)好豐富，入門價$345(原價$690)就食到。

雜錦壽司5折優惠價: 雜錦壽司(特上)$260 (原價$520)、雜錦壽司(上)$195 (原價$390)、吞拿魚腩手握壽司$310 (原價$620)

最高級嘅雜錦壽司(特上)有拖羅、海膽、三文魚籽、甜蝦、赤身、深海池魚、赤貝、油甘魚、香蔥拖羅卷。吞拿魚fans必揀吞拿魚腩手握壽司只係$310(原價$620)，有齊大拖羅、中拖羅、赤身、香蔥拖羅卷㗎。

【限定優惠】最高級嘅雜錦壽司(特上)，5折優惠只需$260(原價$520)。

2) 【全場清酒半價】

日本人最鍾意去居酒屋飲酒，所以「八海山」搜羅咗各級數清酒。大受歡迎獺祭、山羽櫻、久保田、八海山等，原支清酒300ml至1.8L都有半價優惠，就算想開支八海山大吟釀720ml都只係$575(原價$1,150)，減幅極大！二人約會淺嚐微醺，好推薦開支獺祭(五割純米大吟釀)300ml，5折只係$125(原價$250)咋。

3)【日本生啤/人氣Highball任飲】

日本人真係好鍾意飲酒，好多當地居酒屋都有任飲優惠。「八海山」延續呢個飲酒文化，推出兩款2小時任飲方案。

任飲頂級生啤The Premium Malt's真係一大享受！超綿密泡沫造就極佳口感，難怪被稱為頂級啤酒。近年大受日本女生、年輕人歡迎嘅Highball，其實真身係威士忌+梳打。「八海山」依正統用日本Suntory三得利威士忌沖製，大大杯Highball清甜多汽勁暢快！0醣、0脂、0蛋白質，完全係減肥恩物，去日本居酒屋必飲㗎。

4【人氣牛腸鍋5折$125(原價$250)】

日本人冬天必食名物牛腸鍋！早前「八海山」一推出時瞬即賣晒，今冬特別引入足料美國牛腸，嚟到一定有得食！牛腸Q彈不膩，越咬越滲出油脂香，冬天滾住食又暖又過癮。同場兩款自家熬湯底選擇，東京清湯以昆布、鰹魚水熬煮，高湯清甜富層次；福岡麵豉湯則較濃郁，完美還原九州濃郁口味。