Odelice! 由灣仔小店做起，法國人老闆想大家喺輕鬆氣氛下，一嚐地道法國料理。不賣花巧、價錢貼地，感覺就好似喺巴黎街頭casual地行入小館用餐咁，唔侷促又唔驚out budget，而家喺香港已有多間分店啦。
Odelice! 知道香港人追求新鮮感，鍾意試吓新料理。所以好有心思定期設計新菜式，等大家每次嚟食飯都滿足感爆棚。今次新menu 登場首推「$738 雙人晚餐」，包括開胃菜、頭盤、2道主菜、甜品，全以高質食材入饌。無論份量、煮法都誠意十足，CP值高。
開胃菜
一開始先有餐湯／沙律開開胃。餐湯每日新鮮煮製，廚師發辦以當日時令食材入饌。餐湯特別配搭酸種麵包，比一般麵包更煙韌健康，絕不馬虎。沙律則有露筍、雞蛋以及各式小蔬菜，最後淋上香橙芫荽醋汁，輕甜微酸好清新。
頭盤3選1
呢度為大家介紹一下，升級版嘅「主廚拼盤」。
主廚拼盤集合8款料理，絕對係開心share首選，一次滿足8個願望。當中吞拿魚他他迷你撻加入柚子汁，日式醬料香甜美味。而自製鴨肝醬多士一直極高人氣，口感細膩，齒頰留香。當然不得不提高級西班牙白毛豬火腿，火腿鹹香味濃，佐酒一流。
同時一嚐富獨特風味嘅法國聖馬羊山羊奶芝士配迷迭香；枝豆蘸醬則加入中東風味醃料，配餅乾條一齊食好惹味。炸黑松露蘑菇球及醃辣椒輕脆香口，好啱一邊同朋友chit-chat、一邊享用。
主菜1 (3選1)
今次套餐包括2道主菜，份量大滿足。「主菜1」係3選1，特別推薦新品意粉—煎鴨肝油封鴨腿意粉+$30，集合兩款法國料理靈魂食材，絕對超越大家對意粉嘅期望，可謂意粉中嘅傑作。
肥美煎鴨肝，撞上肉嫩油封鴨肉；再配搭綿滑香甜嘅鴨肝醬汁，每啖意粉都係滿滿鴨肝精華，實屬難得一嚐多層次鴨香滋味。鴨肝醬汁更加入法國西南部甜白酒(Monbazillac)，巧妙地以白酒突出鴨香，味覺變化更有驚喜。
主菜2 (2選1)
「主菜2」則有兩款重中之重嘅皇牌新菜式選擇，要2選1真係唔識揀，最好就係嚟多幾次試晒佢哋呀。
爆汁龍蝦燴飯
單單擺盤已經好搶眼嘅爆汁龍蝦燴飯，鮮活加拿大龍蝦好大隻，龍蝦肉仲好清甜彈牙，完全係呢道燴飯嘅靈魂！龍蝦肉伴海鮮濃湯汁食，更有畫龍點睛效果。濃湯汁係用龍蝦頭及殻、西芹、紅蘿蔔、香草、白蘭地熬足3個鐘。
意大利飯則加入自製惹味番茄醬烹調，飯粒Q彈綿滑，吸滿龍蝦精華鮮味滿溢。再配上雜菌、洋蔥、香草營造豐富口感。
烤牛脊肉配鴨肝汁
另一道皇牌主菜—烤牛脊肉，選用腰部最嫩牛肉部位，脂肪較少，肉味更帶陣陣柔和奶油味道。同時，Odelice! 對牛隻選擇都好嚴謹。選用飼養於阿根廷Buenos Aires 市中La Pampa 草原嘅純安格斯血統。寬廣平坦草原給予牛隻足夠活動空間，有利肌肉發展令肉質特別彈牙，係生產頂級牛肉嘅完美地方。
主廚以濃厚鴨肝砵酒醬汁，配搭烤牛脊肉。利用鴨肝油香，以及砵酒獨特甜味突顯牛脊肉細嫩肉香優點。配菜有脆口香草薯粒、扒露筍，簡單而不單調，完美配搭充滿奢華感。
甜品3選1
甜品選擇有全新甜品—羊奶芝士蛋糕。每日新鮮烤焗，限量供應。
羊奶芝士蛋糕質地綿密，輕焦邊邊更加香口。有真正芝士鹹香之餘，更有種羊奶芝士獨特嘅堅果甜味。香醇濃郁滋味，為晚餐作結非常完美。想試嘅話，記得訂位嗰陣預訂埋呀。
【野餐 @巴黎】
「$738 雙人晚餐」係唔係好吸引呢？但等一等，睇埋落去以下介紹嘅主廚匠心呈獻「野餐 @巴黎」，係必試打卡high tea嚟㗎。
「野餐 @巴黎」只需親民價$258/2位，即享受酒店級high tea。包括4款鹹點、4款甜點，無論擺盤味道都好精緻，絕對甜鹹大滿足。午茶以象徵巴黎嘅艾菲爾鐵塔呈上，貴氣夢幻。跟餐飲品係法國Tisarôm花草茶，採用法國南部有機種植原材料，每一啖茶都散發獨特難忘茶香，滋潤身心。
只要優惠價+$40，即享女生大愛嘅Sparkling Wine。產自法國勃根地，屬於世界最貴葡萄酒產區。以Chardonnay提子釀造，果味成熟、口感豐厚，下午茶high tea更有儀式感。
介紹就到呢度，約定朋友仔經以下訂座專頁訂位，好好chill住嘆番餐啦！