嚟緊春夏，想喺大露台飲杯凍嘢、食件拉絲薄餅真係人生享受。呢間手工薄餅店“Abbraccio”嘅中環店就有個大露台，喺靚環境望住中環街道曬吓太陽或月光浴都幾chill，可以用意大利文講句“Dolce
手工薄餅店“Abbraccio”中環店，大露台寬敞開揚。
俯瞰紅磚大館同中環街道，飲杯凍嘢、食件拉絲薄餅正啊。
“Abbraccio”北角店環境就比較意大利風，深色木、紅磚打造大空間，約pizza飯局就啱晒喇。
北角店以深色木、紅磚打造大空間。
店內充滿空間感，適合飯局聚會。
【升級爆芝批底】
“Abbraccio”兩間分店都食到人氣那不勒斯薄餅!! 呢度用意大利00麵粉搓製麵團，配合特製石窯爐450°C高溫即叫即焗。批底中間較薄、邊緣厚實，經高溫烤焗就會膨脹做出蓬鬆、氣孔豐富口感。微焦外層有炭香；內層又輕韌彈牙。
中環店有大塊落地玻璃。
中環店內仲可以隔住落地玻璃，見證成個手製薄餅過程。望住大廚拋起麵團再搓成薄餅入爐，真係幾療癒。全店經典(Classiche)、白薄餅(Bianca) 或 創意(Creazioni) 系列薄餅，現可升級訂製Fior Di Latte Mozzarella芝士餡邊；又或幾有新鮮感嘅薄餅餃(Calzone)*。
*自訂批底服務全天提供，午餐及晚餐皆可。
特製石窯爐，以450°C高溫即叫即焗薄餅。
爆Cheese｜Fior Di Latte Mozzarella芝士餡邊
芝士迷一定好鍾意Fior Di Latte Mozzarella芝士餡邊!! 一咬落去批邊就爆出芝士，加埋薄餅嘅柔軟口感好正。
人手包製Fior Di Latte Mozzarella芝士餡邊，芝士迷一定鍾意。
每件薄餅都爆多芝士。
一咬落批邊即爆出芝士。
意大利經典｜薄餅餃(Calzone)
香港好少見嘅薄餅餃(Calzone)，原來起源於18世紀意大利，當時嘅打工仔或者旅客為咗方便攜帶就將佢整成月亮餃外形。將麵團放入餡料後摺成半月形，有種食緊餡餅嘅感覺～ 比普通薄餅厚啲又酥脆啲，包住咗嘅餡料都特別熱同濃郁，滿足感大增。
新推薄餅餃(Calzone) 起源於18世紀意大利，全店薄餅均手工製作。
將麵團包實餡料。餡料特別熱同濃郁，滿足感大增。
比普通薄餅更厚更酥脆。
切開入面爆晒餡。
【外籍主廚手藝: 意大利料理】
“Abbraccio”唔只手工薄餅出名，呢度嘅外籍主廚都準備咗多款意大利料理㗎。
生牛肉薄片(Carpaccio)
呢道經典意大利菜係用安格斯牛柳製成，生牛肉肉質細膩又有原始牛肉風味，追求肉味嘅話必試!! 食嗰陣，將生牛肉薄片配搭火箭菜、酸豆、24個月陳年帕爾馬芝士薄片，再淋上主廚秘製嘅芥末帕爾馬醬汁，好啱作為溫暖晚餐嘅前菜。
鋪滿安格斯牛柳生牛肉薄片，一嚐原始肉味。
將生牛肉薄片、火箭菜、酸豆、24個月陳年帕爾馬芝士薄片一齊食，口感味道豐富。
菠菜沙律(Spinach Salad)
同場想食啲健康沙律解吓膩，呢度新推菠菜沙律就係純素、無麩質、無乳製品選擇。用咗幼嫩嘅幼菠菜葉，配搭烤番薯、烘焙鷹嘴豆，加埋有檸檬清香嘅薄荷gremolata、濃郁微酸嘅芝麻醬汁，配上烤南瓜籽、芝麻籽，味道口感都好豐富。
新推菠菜沙律，純素、無麩質、無乳製品。
海鮮意粉(Pasta Frutti di Mare)
召喚一眾海鮮迷！記住留肚食埋呢道海鮮意粉。用白酒煮製每日新鮮直送虎蝦、蜆、帶子、八爪魚同魷魚，最後撒上新鮮檸檬皮、卡拉布里亞辣椒碎(Calabrian Chili) 同番荽，堪稱「餐碟上嘅大西洋夏天」啊。
意粉集合多款海鮮，好啱春夏享用。
烤羊排(Grilled Lamb Chops)
飯局點少得鋸扒，呢度嘅炭火烤羊排好有煙燻香氣，微焦外層仲鎖住肉汁。切開羊肉幾軟嫩，配埋番荽gremolata醬汁幾有層次。食啖羊肉，再食啖烤番薯蓉解吓膩幾正。
炭火烤羊排大碟足料。
羊肉粉嫩，又有煙燻香氣。
黑朱古力蛋糕(Sacher Cake)
最後想食個甜品，好推薦呢道黑朱古力蛋糕。外層黑朱古力好濃郁，咬開入面又有杏桃果醬，濃郁得嚟又輕盈。之後食啖香港雲尼拿Gelato同杏仁薄片，好有意大利風味。
黑朱古力蛋糕內裡有杏桃果醬，濃郁得嚟又輕盈。
Abbraccio (中環店)
地址: 中環雲咸街75-77號嘉兆商業大廈5樓
電話: 26333878
Abbraccio (北角店)
地址: 北角堡壘街19A號景文樓LG樓
電話: 23297028