湯底.湯粉三選一
越萊湯粉有金邊粉、河粉同檬粉揀,胃口細嘅女仔仲可以揀「少粉」𠻹,湯底就有以下3款揀!
招牌牛骨湯
越南人經常用牛骨同肉熬湯,呢個招牌牛骨湯亦係最多人揀嘅地道湯底。仲要用新鮮牛骨熬足至少一日,牛味濃郁之餘,亦略帶香草獨有清新。上枱會跟一碟傳統配菜,編輯就覺得一定要落青檸汁,令牛湯味更有層次。
番茄濃湯
茹素者終於可以食越南河粉喇,因為坊間好多越南店都係用肉骨熬湯底,呢個番茄湯底就係用新鮮番茄純素熬製,微酸開胃,仲可以食到啖啖茄肉,比用茄膏煲嘅湯底實在得多。
清雞湯
香港嘅越南店主要係牛肉湯底,其實越南街頭都唔少雞湯河粉。呢度嘅清雞湯係用原隻雞熬,因為越南天氣偏熱,雞湯一般都煮得清澈唔厚油,係偏清甜唔膩嘅口味。
唔駛諗即刻嗌 懶人必點火車頭
話晒係越南地道味+車仔麵食法,配料足足有12款咁多。懶得諗又想食多幾款,揀越萊珍寶火車頭就得喇。
炸蝦餅撈檬
撈檬同樣任揀配料
單拼HK$36嘅撈檬都有7款配料揀,後續加配每款HK$8,最啱心大心細嘅人。
炭燒豬頸肉撈檬
炭燒豬頸肉撈檬
炸蝦餅撈檬
多款越式小食
燒帶子明蝦涼拌茄子
係大廚親自設計嘅菜式,將帶子、蝦放喺燒香嘅茄子上,好少喺越南店見到咁大隻帶子呀,挑戰到一啖食晒嘅話仲好,可以食到獨特嘅多重口感!
自家製卷物
越南菜當然唔少得米紙卷,呢度嘅卷物全部人手包製,料夠新鮮、皮夠軟,內餡主要有肉、木耳、青瓜﹑蘿白絲﹑蔥油﹑炸乾蒜﹑檬粉,又軟滑又爽口,沾魚露食好開胃。
鮮蝦仁米紙卷
鮮蝦仁米紙卷
越萊蒸粉卷
香茅燒牛肉卷
越萊炸春卷
鍾意食香口啲嘅話,好推薦呢款越萊炸春卷。坊間食嘅越式春卷一般比較腍身,呢道春卷就保持到好脆口,幾有驚喜。
蒜香牛油雞翼
蒜香牛油雞翼
牛油雞翼上粉均勻,皮唔會過厚油膩,食落香脆有油香,最正係價錢好抵,HK$18就有3隻,個人覺得係必點小食。
醃雞絲牙車快沙律
越南係一個炎熱多雨嘅地方,當地人鍾意食清爽開胃菜式,就算食麵都經常先上一大碟菜㗎!呢道牙車快沙律都係當地經典沙律。
越式特飲
越南好多解渴飲品,解膩清熱一流。