【訂座預購優惠】觀塘Food Court川菜店 嘆麻辣雞煲送啤酒+火鍋配料8折
又到圍爐取暖嘅時候喇!位於觀塘嘅川霸王,最近推出雞煲火鍋優惠畀大家,凡經OpenRice訂座預購麻辣雞煲(半隻/全隻),會送2支青島啤酒,以及追加火鍋配料可享8折優惠。小店由擁有30年經驗嘅川菜師傅,自家調配香辣惹味嘅麻辣醬汁、自家秘製湯底嘅四川粉麵、惹味香鍋、麻辣雞煲總有一款岩你胃口。另外仲有一系列中式小菜,佐酒一流,即睇有咩選擇啦~

冬天必食雞煲
麻辣雞煲
天寒地凍,嚟食麻辣雞煲一定成身暖晒!醬汁用正宗四川香料製作,如川花椒、四川辣椒乾等,再加入紫洋蔥、青椒同芫荽,麻辣味突出之餘,香氣亦提升到最高層次,簡直色香味俱全!而三黃雞經師傅手工悉心處理,口感特別嫩滑,客人仲可以按需要揀半隻或全隻𠻹!
麻辣雞煲

胡椒豬肚雞煲(新口味)
鍾意食辣又想溫和啲嘅話,新出嘅胡椒豬肚雞煲就啱你喇。湯底用白胡椒、客家鹹菜同自家熬煮嘅雞骨湯製作,胡椒香氣逼人;加埋大量豬肚同雞件,愈煲愈鮮味,絕對係暖胃之選!
胡椒豬肚雞煲

火鍋配料約40款,如美國肥牛、炙燒芝士丸、墨魚腐皮卷、傳統牛肉丸、墨魚丸等

單點小菜
四川風味:惹味香鍋
小菜濃淡口味都有!如果想延續辣嘅滋味,自選配料嘅惹味香鍋就最適合不過。17款配料揀全素菜又得,配雲吞、鴨血、羊肉等肉類亦得。師傅用秘製醬料、川椒、指天椒、洋蔥、芫荽等炒食材,齊集香、麻、辣嘅滋味。
惹味香鍋

鑊氣小炒:黑椒薯仔牛柳粒、菠蘿咕嚕肉
鍾意有鑊氣嘅話,點少得港式風味嘅黑椒薯仔牛柳粒同菠蘿咕嚕肉。前者以黑椒做底味,肉量十足,薯仔更炒至乾身脆口;後者則以片糖同醋製作傳統糖醋汁,快炒炸過嘅豬梅頭,酸酸甜甜得嚟,啖啖肉又開胃。
黑椒薯仔牛柳粒、菠蘿咕嚕肉

清香之選:清湯腩、沙薑雞
清湯腩用白胡椒、薑蒜等料頭燜煮六至七小時,軟腍易咬,腩肉仲附帶少少牛筋𠻹。而沙薑雞浸至七、八成熟,再淋上自家調配嘅熱沙薑水,肉質滑嫩得嚟又夠入味!
清湯腩、沙薑雞

Food Court有兩個門口,由巧明街進入,第一間舖就係川霸王喇

川霸王
地址:觀塘巧明街94-96號鴻圖中心地下5B號舖
電話:9821 5865
* 資料由客戶提供
餐廳資料