![](https://www.openrice.com/userphoto/CMSContent/0/7Z/001KQK3C14858A36699B42j.jpg)
香港由小漁港起家,避風塘更盛載一代人嘅回憶。大約6、70年代正正漁業盛行之時,當時好多艇家出海捕魚,避風塘附近自然有好多即炒海鮮小檔,「喜記避風塘炒辣蟹」就係當時日出捕魚、晚歸炒菜嘅艇家之一喇。創始人喜叔更於1965年創店,受世界各地食客啟發,將多種香料爆炒辣蟹,研製出而家嘅招牌菜「喜記避風塘炒辣蟹」。
![](https://www.openrice.com/userphoto/CMSContent/0/7Z/001KQB99955D060628E8FBj.jpg)
新店裝潢充滿海洋元素
及後由銅鑼灣避風塘搬至橋底炒辣蟹,再由橋底搬入舖開業,迄今匆匆幾十年,最近就喺銅鑼灣謝斐道開設新分店。繼續有招牌避風塘炒蟹同一系列海鮮小菜外,仲有魚翅、獨家2倍大鮑魚,趁住優惠期更抵呀。
「喜記避風塘炒辣蟹」訂座套餐優惠詳情!
經OpenRice訂座即可選擇以下優惠: a) 惠顧「豪華避風塘辣蟹2人套餐」即享優惠價$888(原價$1,398) b) 惠顧「大滿足避風塘辣蟹海鮮4人套餐」即享優惠價$1,388($2,288) c) 單點餐牌即享85折 |
![](https://www.openrice.com/userphoto/CMSContent/0/7Z/001KQC211CA89E71BCD1C9j.jpg)
設VIP房配落地大窗,空間感十足。
【必食招牌菜】避風塘炒辣蟹
創始人喜叔喺1965年研製出招牌避風塘炒辣蟹,嚟到而家風味都係一樣。每日新鮮直送嘅超大隻肉蟹,蟹鉗勁厚肉!
![](https://www.openrice.com/userphoto/CMSContent/0/7Z/001KQD476992E3D2411E47j.jpg)
唔講唔知,原來以辣炒蟹係有原因。當時漁民成日出海,個人濕氣重易倦,自然好鍾意食辣祛濕。於是避風塘炒蟹亦用咗大量辣椒、炸蒜爆炒,祛濕又逼出蟹肉鮮味。呢度設大/中/小辣選擇;唔食辣嘅可揀薑蔥炒蟹,都係啖啖鮮甜蟹肉。
【艇家地道風味小食】六小福
舊時艇家都有唔少特色小食,呢道六小福就係其中之一喇。有九菜花、魷魚、豬粉腸、豬肚、海蜇、豬脷,將新鮮材料簡單灼熟,食佢哋嘅原始鮮味。
![](https://www.openrice.com/userphoto/CMSContent/0/7Z/001KQE5EE55D521024E198j.jpg)
【舊時香港味】多款地道海鮮小菜
多款海鮮小菜都保留咗舊時風味,好似呢度嘅避風塘蒜蓉蒸蟶子皇、椒鹽瀨尿蝦、豉椒炒蜆、辣酒煮花螺等等,全部都係我哋熟悉不過嘅傳統海鮮小菜,全部海鮮都係即日運到㗎。
![](https://www.openrice.com/userphoto/CMSContent/0/80/001KWUD752698B76D900EDj.jpg)
椒鹽瀨尿蝦
![](https://www.openrice.com/userphoto/CMSContent/0/7Z/001KQG6E74BF38531B1E56j.jpg)
豉椒炒蜆
![](https://www.openrice.com/userphoto/CMSContent/0/7Z/001KQHF4AEFDB85BC1CE9Dj.jpg)
辣酒煮花螺
香港愈嚟愈少地方有泥鯭食,呢道菓皮蒸泥鯭可以食返嗰種軟糯口感,同埋魚鮮略帶海藻味嘅獨特風味。泥鯭連骨帶肉一齊煮特別鮮甜,係以前艇家嘅正宗食法嚟㗎。
![](https://www.openrice.com/userphoto/CMSContent/0/7Z/001KQID9EFC4CDEE27A7FDj.jpg)
菓皮蒸泥鯭
除咗一系列海鮮小菜,仲有多款鑊氣小炒、明爐燒鴨、粥品等。食海鮮又想有啲熱粥暖吓胃,推薦潮式蠔仔肉碎粥。蠔仔飽滿脹卜卜,潮州粥底相比廣東粥無咁綿密,反而更加清爽解膩。
![](https://www.openrice.com/userphoto/CMSContent/0/7Z/001KQJC5DFB67468FACF1Dj.jpg)
潮式蠔仔肉碎粥
喜記避風塘炒辣蟹
地址: 銅鑼灣謝斐道477-481號肇明大廈地下及1樓A室
電話: 24886665