其實香港都有好多浪漫地方㗎！西貢“WM Hotel”就有純白小禮堂，小禮堂落地玻璃映透海景；門外長樓梯更係打卡熱門地。而且酒店充滿外國villa氣氛，嚟食自助餐或下午茶都好chill。
WM 酒店的WM咖啡廳有落地玻璃，映透純白小禮堂風景。
而家WM 咖啡廳唔同時段都有好嘢食，提供半自助午餐、WM 咖啡廳 x Anchor安佳「鮮味滿載週末自助晚餐」；仲有Café@WM x Eurobeauté 香芒美點下午茶，食嘢之餘仲會送Eurobeauté護膚禮物1份㗎！
自助區好寬敞，設冷盤、海鮮、Live Station、甜品、飲品等多區。
【半自助午餐】
時間：12:00nn - 2:30pm (星期一至五，公眾假期除外) 價錢：HK$268起/位(包括主菜1份)、HK$238/位(輕盈午餐，不包括主菜) |
WM咖啡廳即日起推出全新「半自助午餐」菜單，3款主菜menu每日輪流供應，自助區則無限供應前菜、沙律、熱葷 及 甜品；想食得輕盈啲亦有「輕盈午餐」選擇，主攻自助區價錢更划算。
每日輪流供應！3款主菜Menu
Menu A
澳洲西冷牛扒 配南瓜薯蓉及青胡椒燒汁 / 香煎三文魚扒 配番茄乾牛油汁 / 意式脆皮豬肉卷 配燒薯及菠蘿忌廉汁 / 意大利蘑菇素菜漢堡包 配香脆洋蔥圈(v)
澳洲西冷牛扒牛味偏濃，脂肪較少又軟嫩。
澳洲西冷牛扒 配南瓜薯蓉及青胡椒燒汁
五花肉外皮燒得焦脆香口，豬肉同油香互相融合，配埋菠蘿汁解膩好有層次。
意式脆皮豬肉卷 配燒薯及菠蘿忌廉汁
自家製意大利蘑菇素菜漢堡味道香濃，連埋半溶芝士一齊食好正。
意大利蘑菇素菜漢堡包配香脆洋蔥圈
Menu B
燒澳洲西冷牛扒 配百里香燒汁 / 茴香蒸三文魚柳 配菠菜忌廉汁 / 滑蛋吉列豬扒丼 / 燒南瓜素菜意粉 配番茄汁(v)
酒店級嘅滑蛋吉列豬扒丼，豬扒脆中帶蛋香，轉眼就清碗啦。
滑蛋吉列豬扒丼
Menu C
黑安格斯芝士漢堡包 配番薯脆條 / 香煎鰽魚柳 配墨西哥甜粟米沙沙 / 烤香辣春雞扒 配時蔬及燒汁 / 意大利寬條麵 配蘑菇、番茄乾及羅勒忌廉汁(v)
輕甜墨西哥沙沙好開胃，同時引出鰽魚鮮味，好啱夏天想食得清爽啲。
香煎鰽魚柳 配墨西哥甜粟米沙沙
【WM 咖啡廳 x Anchor安佳「鮮味滿載週末自助晚餐」】
時間：6:30pm - 9:30pm(星期五至日及公眾假期) 價錢：$588/成人、$388/小童 |
晚市自助餐特別聯乘Anchor安佳，以紐西蘭草飼牛製作嘅奶製品入饌，推出一系列滿滿奶油香料理，如牛肝菌忌廉汁意大利飯、墨西哥牛肉芝士夾餅 及 韓式芝士烤雞等；同時繼續供應環球海鮮如即開生蠔、松葉蟹腳、法國麵包蟹 及 波士頓龍蝦等，滿足一眾海鮮控！
牛肝菌忌廉汁意大利飯
和牛芝士墨西哥餡餅
韓式芝士烤雞
多款甜品都充滿濃郁奶香㗎，包括牛奶輕芝士撻、棉花糖牛奶朱古力蛋糕 、草莓白朱古力慕斯蛋糕、牛奶朱古力千層酥 及 北海道3.6牛乳布甸，口感特別軟滑creamy。
(左)開心果青蘋果慕斯蛋糕、(右)牛奶朱古力千層酥
(左)棉花糖牛奶朱古力蛋糕、(中)牛奶輕芝士撻、(右)草莓白朱古力慕斯蛋糕
【Café@WM x Eurobeauté 香芒美點下午茶】
日期：即日起至10月31日 時間：3:00pm - 6:00pm 價錢：$488/2位
下午茶免費送Eurobeauté護膚禮物1份(馬油全效柔絲面膜1片、活效緊緻亮眼霜1支、全效柔肌爽膚水1支、Eurobeauté HK$200現金券1張 及 Water Oasis Vlift8微波炫金活顏緊緻面部護理75分鐘體驗) |
“WM Hotel”咁有度假氣氛，其實好啱嚟食下午茶，之後再沿西貢海傍散步影相。3層下午茶有多款甜點同鹹點，跟配花茶享受悠閒下午。
香芒美點下午茶 x Eurobeauté
甜點以香甜多汁「菲律賓呂宋芒」入饌，芒果抹茶卷蛋嘅抹茶卷蛋舖滿芒果肉，甜而不膩；西西里開心果伴芒果慕斯以香脆酥餅配新鮮芒果慕斯、開心果啫喱，口感味道豐富。
好少下午茶有窩夫食，今次窩夫控等到喇！迷你窩夫配芒果醬嘅鬆軟窩夫塗滿香濃芒果醬。同場仲有酒店級甜品如抹茶意式奶凍、焦糖果仁吉士撻。
雙層甜品均以香甜呂宋芒入饌。
甜點以外，仲有多款清新鹹點。脆炸蝦多士口感酥脆，舖滿彈牙蝦肉；爐燒櫻花蝦飯糰、意式番茄香草脆包同樣由主廚精心炮製，精緻賣相IGable。
下午茶嘅精緻鹹點，全由主廚精心炮製。
*以上所有價錢需另收取加一服務費。
WM咖啡廳
地址: 西貢惠民路28號WM酒店LG樓
電話: 21966388