早前西貢一座純白小禮堂掀起熱潮，其實小禮堂位於新開WM Hotel。小禮堂外環境優美，開揚長樓梯更係打卡熱點。
打卡之餘，可以去埋隔籬WM咖啡廳舒服地坐低食嘢，落地玻璃都睇到藍天白雲小禮堂，盡收靚景。而家仲有全新「週末海鮮自助晚餐」、「精選晚餐」、「週末自助早午餐」、「半自助午餐」，想幾時嚟都有好嘢食。於12月10日或之前預訂「節慶自助早午餐」或「節慶自助晚餐」，並預付全費更可享八折早鳥優惠。
藍天白雲下，純白小禮堂更顯典雅。
WM咖啡廳正正於小禮堂隔籬，落地玻璃都望到靚景。
可預訂VIP房，隱私度高。
【週末大滿足】週末海鮮自助晚餐
想食得最豐富，星期六、日嚟食「週末海鮮自助晚餐」，有多款環球海鮮一定食回本！私心推介即開美國太平洋生蠔、加拿大松葉蟹腳、法國凍麵包蟹等，同場仲有多款刺身壽司！
「週末海鮮自助晚餐」無限供應環球海鮮。
師傅手握壽司。
多款日本直送刺身。
冬天想食得暖笠笠點少得羊肉，燒烤有無限燒羊鞍，仲有即叫即切炭燒澳洲西冷，肉質粉嫩多汁。
冬天必食燒羊鞍。
炭燒澳洲西冷即叫即切，粉嫩多汁。
平時食自助餐都容易忽略熱葷，但呢度熱葷做得高質，開放式廚房Keep 住不斷出菜，新鮮熱辣。作為海鮮控，熱葷都推薦鋪滿海鮮嘅虎蝦海鮮西班牙飯。
虎蝦海鮮西班牙飯鋪滿海鮮，超足料！
記住記住，一定要留肚食甜品～因為呢度甜品全部由甜品師製作，絕非現成貨。最深刻係芒果千層酥，酥皮用法國牛油整，即日焗製又香又酥脆；另外抹茶紅豆卷蛋則用宇治綠茶粉、忌廉製作，口感鬆軟、甜度適中。
芒果千層酥
抹茶紅豆卷蛋
聖誕限定！
限定的節慶自助早午餐及晚餐會有多款聖誕傳統料理同甜品登場，如烤火雞配金巴利汁、經典紅絲絨蛋糕、朱古力樹頭蛋糕等。食完自助餐，再沿酒店外西貢海邊散步留影，夠晒浪漫。
聖誕一定要食火雞先有氣氛！
甜品師傅每日即製，多款限定節日甜品。
於12月10日前訂座並繳付全費，可享早鳥八折優惠 「節慶自助早午餐」（12月24 - 26日、1月1日） 時間：上午11時30分至下午2時30分 價錢：成人HK$568、小童$408 |
「節慶自助晚餐」（12月24-26日、12月31日） 時間：晚上6時30分至9時30分 價錢：成人HK$788、小童$588 |
「週末海鮮自助晚餐」 時間：晚上6時30分至9時30分(星期五至日) 價錢：成人HK$588、小童$388 |
【平日夜晚食好嘢】精選晚餐
星期一至四則有「精選晚餐」，有豐富前菜、湯、主菜、甜品。特別推介前菜風乾火腿包水牛芝士配密瓜沙沙，清新開胃。
主菜則有炭燒澳洲M7和牛肉眼扒(220克) 配紅酒汁、燒伊比利亞黑毛豬鞍配蜜糖脆薯條等。無論和牛、黑毛豬都相當厚肉，所以好講究主廚火喉控制，先可鎖緊肉汁。
炭燒澳洲M7和牛肉眼扒(220克) 配紅酒汁
燒伊比利亞黑毛豬鞍配蜜糖脆薯條
「精選晚餐」(4道菜，包括前菜、湯、主菜、甜品) 時間：晚上6時30分至10時30分(星期一至四) 價錢：HK$388起 |
【豐富Weekend Brunch】週末自助早午餐
週末想放鬆心情，中午喺度望小禮堂靚景食自助Brunch 啦！即開生蠔、冰鎮海鮮任食，仲有熱葷美食─炭燒澳洲西冷，無論想食海鮮定肉都超滿足。
想食得輕盈Fresh 吓，前菜沙律吧推介燒雞凱撒沙律、柚子啫喱大蝦沙律，健康可口。同場仲有日式料理、中式點心、龍蝦沙律牛角酥等；Live Station 又有酸辣開胃大蝦喇沙、肉味濃又Juicy 嘅即製迷你安格斯漢堡等。
前菜沙律吧非常豐富。
Live Station 由大廚駐場，冬天食碗即製大蝦喇沙好暖胃。
Live Station 即蒸點心。
大蝦喇沙
龍蝦沙律牛角酥
即叫即製迷你安格斯漢堡，肉汁香濃。
甜品區則設Häagen-Dazs 雪糕及一系列自家製甜品，如楊枝甘露、藍莓芝士等，一於用豐富嘅Brunch 開展週末假期。
任食Häagen-Dazs 雪糕好受歡迎！
一系列甜品，均由甜品師傅親製。
「週末自助早午餐」 時間：上午11時30分至下午2時30分(星期六至日) 價錢：成人HK$468起、小童HK$308起 |
【悠閒平日】半自助午餐
逢星期一至五，都可以喺WM Hotel 享受主菜，同時任食各款開胃前菜、沙律同精美甜品等，熱葷都有即製迷你安格斯漢堡㗎。
主菜4選1 包括香蒜虎蝦橄欖油天使麵、炭燒澳洲級和牛牛柳配紅酒汁、照燒比目魚柳配日式胡麻蛋黃汁、慢煮紐西蘭羊腿肉配燴雜菜及芥末籽醬汁。
慢煮紐西蘭羊腿肉配燴雜菜及芥末籽醬汁
照燒比目魚柳配日式胡麻蛋黃汁
「半自助午餐」(1道主菜；及前菜、沙律、甜品無限量供應) 時間：下午12時至2時30分 (星期一至五) 價錢：HK$268起 |
*以上所有價錢需另收取以原價計算之加一服務費，優惠受條款及細則約束。
WM咖啡廳
地址: 西貢惠民路28號WM酒店LG樓
電話: 21966388