聖誕想Decent啲食法國菜，可以揀呢間法國小餐館「紅館RaRe Restaurant」，係由藍帶主廚Ryan同太太一齊家庭式主理，早年憑手工意粉打出名堂。因為Ryan一直好鍾意外國小餐館，所以呢度用咗溫馨木系裝潢，還原外國人Chill住飲酒嘅氣氛，算係實現自己嘅小夢想。
Ryan早年遠赴法國獲取藍帶資格後，開設「紅館RaRe Restaurant」，擅長以法國菜技巧煮製各國食材。
環境好有外國小餐館感覺。
其實呢種小餐館氣氛，好啱初次約會或朋友慶祝聖誕，有種歐洲浪漫感又唔會拘謹。今年「2025聖誕及除夕晚市套餐」喺12月20日前仲有早鳥優惠$498/位(原價$598/位)。500蚊有找可以食到佢哋最出嘅手工意粉，加埋金箔海蝦沙律伴橘子醋、自家製周打魚湯、澳洲M5和牛肉眼扒配黑松露紅酒汁、黃金香橙蛋糕伴檸檬啫喱等等，加埋個靚環境真係好高CP值。
「2025聖誕及除夕晚市套餐」早鳥優惠！
12月20日前惠顧，即享早鳥優惠$498/位(原價$598/位) |
「2025聖誕及除夕晚市套餐」詳情
【前菜(2選1)】 香蔥吞拿魚車厘茄沙律 或 金箔海蝦沙律伴橘子醋 【熱湯】 周打魚湯 【意大利麵(2選1)】 巴馬芝士野菌意大利雲吞 或 龍蝦手打意大利闊麵伴龍蝦汁+$168 【主菜(4選1)】 烤西班牙豬柳配焦糖辣椒汁 或 低溫慢煮三黃雞捲配金巴利汁 或 海鱺魚伴地中海橄欖醬汁 或 澳洲M5和牛肉眼扒配黑松露紅酒汁+$188 【甜點(2選1)】 黃金香橙蛋糕伴檸檬啫喱 或 士多啤梨拿破崙 咖啡或茶 2杯紅酒/白酒/氣泡酒+$128 |
【前菜(2選1)】
香蔥吞拿魚車厘茄沙律
如果鍾意食吞拿魚，好推薦揀呢道前菜!! 吞拿魚好厚切，外邊微炙燒逼出魚香，加埋車厘茄、沙律菜同濃稠醬油，微甜微鹹幾開胃。
金箔海蝦沙律伴橘子醋
擺盤好奢華嘅海蝦沙律，甜甜酸酸橘子醋存在感強，配埋彈牙海蝦幾豐富。
【熱湯】
周打魚湯
自家用多款海魚、薯仔、洋蔥等慢火熬幾個鐘，湯底奶香濃郁又有淡淡海洋味道，同平時現成來貨嘅周打魚湯好唔同。
【意大利麵(2選1)】
巴馬芝士野菌意大利雲吞
主廚Ryan擅長將經典菜式煮出另一個層次。好似呢道意大利手工雲吞，外皮特別煙韌有咬口，但細味下會覺得味道細膩，鹹香巴馬芝士會慢慢滲出野菌香。同坊間嘅意大利有啲唔同，食完唔會膩，仲有啲意猶未盡嘅感覺。
龍蝦手打意大利闊麵伴龍蝦汁+$168
手工意粉Fans一定要嚟試吓「紅館RaRe Restaurant」嘅手工意粉!! 除咗口感彈牙有蛋香外，Ryan提到醬汁都係靈魂：「當然手工意粉會彈牙啲，但醬汁先係最花心機。因為全部醬汁都係自己煮製，無味精、無雞粉。要用超過100條魚骨熬底汁，慢火煮4-6小時再隔渣，最後慢慢蒸發至剩低膠質先做到咁濃郁。而呢度最出名嘅龍蝦汁意粉，就係用呢個底汁煮製，所以好有層次甜味㗎。」佢講緊嘅龍蝦汁意粉，今次聖誕及除夕套餐都食到啦，真心有驚喜。
【主菜(4選1)】
烤西班牙豬柳配焦糖辣椒汁
食完手工意粉後，就嚟到最有儀式感嘅主菜啦！推薦好有油花嘅西班牙伊比利亞豬柳，肉質好鬆軟，外層又有少少焦香。最特別係主廚自家調製嘅焦糖辣椒汁，係會喺口中一次爆發甜、香、微辣三種風味，甜辣交融真係好上癮。
Sous Vide Yellow Chicken Roll with Cranberry Sauce
低溫慢煮三黃雞捲配金巴利汁
另一道主菜選擇就有低溫慢煮三黃雞捲，幾估唔到雞捲一切開就聞到好濃雞味，因為主廚用咗熬足3日嘅雞汁煮，湯料嘅原雞、雜菜精華都喺晒度!!
而雞捲就包住冬菇、白菌、巴馬臣芝士、忌廉芝士，抽真空低溫煮後，多重香味混合一齊幾正。當然，不得不提好有聖誕氣氛嘅金巴利汁，加埋呢個汁好似食緊聖誕火雞嘅變奏版，香甜蔓越莓汁同雞捲幾夾幾特別。
海鱺魚伴地中海橄欖醬汁
鮮甜無刺嘅海鱺魚，好啱懶食魚嘅人。灑上海鹽後用高溫焗至皮脆肉嫩，鮮甜彈牙又有淡淡海洋香。幾鍾意跟配嘅地中海橄欖醬，先食到酸甜香濃嘅橄欖味，魚油香味再慢慢擴散出嚟，完全係perfect match。
澳洲M5和牛肉眼扒配黑松露紅酒汁+$188
想最有節日氣氛，鋸扒一定係首選!! 特別今次有澳洲M5和牛肉眼扒，油花分佈如大理石紋，肉色仲係好粉紅㗎。而且肉質比較又嫩又綿，所以幾吸到黑松露紅酒汁，入口有種爆出肉汁嘅感覺，仲好食到紅酒汁嘅醇厚。
【甜點(2選1)】
黃金香橙蛋糕伴檸檬啫喱
主廚將西班牙血橙打入蛋糕體，再低溫慢焗至迷人金黃色。入口有陣陣香橙清香，同解膩嘅檸檬啫喱好夾。
士多啤梨拿破崙
另一選擇係將士多啤梨加入經典拿破崙，千層金黃酥皮又脆又有牛油香。好鍾意輕盈嘅吉士忌廉配搭士多啤梨，係女生一定會鍾意嘅組合!!
其他推薦料理&優惠👇
呢度下晝/夜晚都有套餐，同場仲有生蠔優惠、打卡下午茶，CP值幾高。就算望落簡單嘅菜式，其實Ryan背後都花咗好多心思。好似「六道菜晚市二人套餐菜單」嘅新鮮龍蝦手打意大利闊麵，單單個龍蝦汁已經用咗自家熬魚湯煮，所以個汁特別濃㗎。
【生蠔優惠】一打生蠔·即送氣泡酒1支！
特別引入No.2嘅法國Fine De Claire生蠔，蠔肉緊實滑嫩，並帶淡淡甜味同海鮮風味。
凡惠顧12隻法國Fine De Claire生蠔，即送氣泡酒1支 *優惠全日供應 |
【5折優惠】六道菜晚市二人套餐
想一晚食多幾款法國料理，而家5折優惠嘅「六道菜晚市二人套餐」就好抵食。單單野菌忌廉湯都係自家用野菌blend成，係真材實料嘅濃厚菌香。主菜亦有最招牌嘅新鮮龍蝦手打意大利闊麵，同埋中法fusion嘅紅館姜母鴨。
第一道菜｜香草魚茸薯仔沙律 配檸檬醬
如果你平時鍾意食馬介休，好值得試吓呢道法式傳統煮法。將新鮮海鱸魚混入牛油、新鮮香草、薯蓉、初榨橄欖油，並自家熬魚湯同白酒煮製，好有風味。
第三道菜｜新鮮龍蝦手打意大利闊麵(+$168)
底汁係自家熬魚湯，用咗原條魚、龍蝦殼慢煮6小時，嗰種鮮甜味加埋自家製手工意粉，好有記憶點!!
第四道菜｜紅館姜母鴨
平時食開嘅中式口味都好重藥材味。而「紅館RaRe Restaurant」係用法國慢煮做法，抽真空65°C煮4小時，將鴨肉煮到入晒藥材味之餘，鴨肉比傳統做法更濕潤嫩滑㗎。
「六道菜晚市二人套餐」5折優惠詳情
供應時間: 5:30pm-9:30pm 優惠價錢: $699/2位(原價$1,398/2位) |
菜單詳情
【第一道菜】 香草魚茸薯仔沙律配檸檬醬 或 澳洲M8和牛他他(+$28) 【第二道菜】 野菌忌廉湯 【第三道菜】 低溫慢煮雞胸扁意麵 配冬陰功醬汁 或 新鮮龍蝦手打意大利闊麵(+$168) 【第四道菜】 紅館姜母鴨 或 法式香草焗蝸牛配薯茸 或 美國安格斯肉眼牛扒(10oz)(+$188) 【第五道菜】 芒果拿破崙 或 鮮果芝士撻 【第六道菜】 咖啡或茶 |
【法國午後】午餐餐單Lunch Menu
下晝想食餐法國菜chill吓，呢度嘅午市套餐質素同親民價錢都好吸引。想食好啲，仲可以優惠價加隻生蠔啊。
前菜｜昆布鯛魚沙律配檸檬醬汁
沙律鋪滿低溫慢煮鯛魚，分量多到有驚喜。而且慢煮鯛魚好嫩滑，配埋昆布粉、檸檬清新鮮味，好突出到魚肉鮮甜。
新推主菜｜青蘆筍忌廉汁扁意麵$128
平時go green可以揀呢道青蘆筍忌廉汁扁意麵，將新鮮蘆筍煮到啱啱熟再blend成蓉。望落淡淡嘅靚綠色，全部都係嚟自青蘆筍嘅天然綠色。食落有蘆筍味，又有牛油、忌廉、巴馬臣芝士鹹香。
新推主菜｜低溫慢煮黃油雞卷$168
幾估唔到雞卷一切開就好濃雞味，因為Ryan用咗熬咗3日嘅雞汁煮，湯料嘅原雞、雜菜精華都喺晒度!! 而雞卷包住冬菇、白菌、巴馬臣芝士、忌廉芝士，抽真空低溫煮後，多重香味混合一齊幾正。
「午餐餐單」詳情(11:30am-3:00pm)
【前菜】 昆布鯛魚沙律配檸檬醬汁 廚師精選餐湯 新鮮生蠔(+$38) 【主菜】 青蘆筍忌廉汁扁意麵$128 低溫慢煮黃油雞卷$168 海鱸魚配意大利XO醬$178 新鮮黑松露手打意大利闊麵$188 低溫慢煮西班牙豬扒$238 紅酒燴牛臉頰肉$238 新鮮龍蝦手打意大利闊麵$348 【甜品(+$28)】 芒果拿破侖 鮮果芝士撻 巧克力佈朗尼 【飲料】 咖啡或茶 生啤或紅白葡萄酒(+$48) 「午餐餐單」價錢包括: 主菜+前菜/飲料； 主菜+前菜+飲料(+$28) 主菜+前菜+飲料+甜品(+$48) |
【慢活三層下午茶】
鍾意嚐茶慢活嘅話，午後時間可以揀雙層下午茶，自家製甜品都好IGable。平時唔只朋友、情侶嚟食，更有囡囡帶埋媽媽嚟共享優雅氛圍㗎。
每日2:30pm-5:30pm供應，價錢為$298/2位、$158/1位。
下午茶餐單詳情
鹹點小吃 澳洲M8和牛他他 日式照燒雞三文治 巴馬火腿配艾曼塔芝士 泰式肉碎撻 西班牙黑毛豬辣肉腸埃曼塔芝士釀白蘑菇 鮮蝦雞尾酒 精選甜點 鮮果芝士撻 拿破崙 朱古力蛋糕 馬卡龍 飲料 檸檬茶/英式奶茶/ 伯爵茶 / 洋甘菊茶/ 薄荷茶/ 美式咖啡/ 拿鐵/Cappuccino |
雙層下午茶共10款精緻小點，好鍾意甜品嘅甜度恰好。並有多款熱茶、咖啡選擇，以茶壺呈上嘅熱茶好有英式氣息。
下午茶有各款鹹點小吃、精選甜品、飲品。
紅館
地址: 中環干諾道中50號地下B號舖
電話: 23330186
