【美國最大蠔場之一】香港店食罕有生蠔 海鮮龍蝦燉湯
想喺香港食高質生蠔海鮮,就要識搵真正嘅海鮮供應商,因為佢哋直接喺外國擁有養殖場,當然最直接拎到靚海鮮。香港餐廳「Taylor Shellfish Farms」就係美國有120年歷史、最大海鮮供應商之一嘅直營餐廳,所以呢度嘅生蠔海鮮出名極級!
今期優惠: OpenRice訂座可享以下優惠:
1)星期一至四 Oyster Night 所有生蠔可享88折;
2)星期五、六、曰 惠顧,每位顧客人送澳洲白酒及紅酒一杯;
3)Happy Hour時段4pm-7pm所有飲品買一送一;
4)外賣自取全日八五折至11月30日
一入店內就有大蠔吧,一眼睇晒當日有咩新鮮生蠔、海鮮。

同店家一聊,先知佢哋嘅生蠔每星期多天由外國不同國家直送抵港、所以每日可以由自家廠房直送到餐廳、留意返 ~係每日呀! 一般餐廳可能只可每星期入貨,所以呢度生蠔特別新鮮之餘,不時仲有冷門生蠔抵港㗎,價錢相對都更划算。
最近引入咗罕有銅蠔極重金屬味,唔係度度都食到,因為有自家蠔場先成功入貨,等待知音人一試呀。

新推大熱作品: Taylor 海鮮燉湯
今次詳談生蠔之前,先睇「Taylor Shellfish Farms」新推嘅Taylor 海鮮燉湯,龍蝦湯底中有美國波士頓龍蝦、美國青口、法國蝦、新鮮帶子、翡翠螺、魷魚,真心係香港難得食到超鮮味嘅海鮮燉湯。
諗深一層,好少用「鮮味」二字形容龍蝦湯,因為一般餐廳都係煮得濃郁偏鹹。唔知係咪「Taylor Shellfish Farms」來貨夠鮮,龍蝦湯底係特別將美國波士頓龍蝦殼磨成粉,再加香料一齊熬煮先有呢個鮮味,普通貨絕對煮唔出呢個效果。
海鮮燩湯嘅海鮮真係每樣都出色,當然最吸引係波士頓龍蝦,特別多膏多肉,用叉一拮就輕鬆食到完整龍蝦肉。個人私心喜好仲有翡翠螺,平時喺云云海鮮中唔算最突出,但今次超濃螺味加埋爽彈口感,絕對係滿分之作。
店家笑言海鮮燉湯食到一半,會即刻奉上即焗蒜蓉包將龍蝦湯推上另一高峰。「高峰」一字好似誇張得有趣,但當我將蒜蓉包浸入龍蝦湯後一試,先知「高峰」一字恰好,蒜蓉包夠熱夠脆,吸收龍蝦湯後輕脆爆湯,蒜蓉牛油嘅微鹹香令龍蝦湯更惹味,難怪唔少人都要追加蒜蓉包。

120年歷史自家蠔場直送 超新鮮多款
講起「Taylor Shellfish Farms」確實不得不提生蠔,今次就介紹而家Seasonal 嘅6 款生蠔。因為佢哋自家養殖場係健康無污染嘅海洋環境,更保留到生蠔本身天然味道。

(下圖 由右上順時針起) 
-法國金箔皇御Regal 系列 係蠔界中最頂級質素,上枱時會灑上金箔,一望就知係矜貴生蠔。蠔味特別純厚,帶子味甜,餘韻帶果實味。
-美國熊本生蠔 體積偏細,但入口鮮甜,肉質特別柔滑;
-日本廣島真蠔海水味重帶鮮甜,蠔肉厚身Creamy;
-愛爾蘭Harty蠔 喺Dungarvan Bay 養殖出最平衡嘅味道,入口清甜又唔過鹹。蠔肉厚得嚟Creamy。最特別係後續味道略帶青瓜味,味道多層次;
-法國TIA MARAA蠔肉質爽口,亦繼承法國蠔常帶嘅金屬味,中間滲透出果香味;
-法國Utah Beach鑽蠔 入口清甜,味道更細膩,所以餘韻比其他生蠔更久,每秒都有層次變化,一定要慢慢品嘗;

幸福Moment 生蠔+魚子
店家主打生蠔,當然同樣為生蠔創造「高峰」~推薦大家先食一Round 生蠔後,可加錢加配魚子或黑魚子,為生蠔加入卜卜口感同鹹香,味道口感都提升一大層次。

法國漁民出海捕蝦: 法國熟蝦
之所以叫法國熟蝦,因為真係由法國漁民出海捕蝦,並即時喺船上煮熟真空包裝直送香港,直接上枱就食得,新鮮到好似食到法國海水味咁!

墨魚汁意大利粉配墨魚香腸
無論意粉定墨魚香腸都係高質之上,一向食開嘅墨魚汁意粉都會偏腍 (可能因為醬汁太多?),而呢度嘅意粉同樣掛汁,但卻保持到意粉輕韌帶爽嘅口感。
墨魚香腸則出乎意料地彈牙帶鹹香,個人覺得一啖意粉、一啖墨魚腸味道最平衡,夾埋一齊食反而浪費咗兩者特色。


Taylor Shellfish Farms
地址: 西環西營盤高街80-86號麗賢閣地下C及D舖
電話: 25493130

地址: 大坑新村街42-43號地舖
電話: 29526477
* 資料由客戶提供