疫情後，除咗茶記粥粉麵，想搵間收夜啲嘅餐廳都唔係咁容易，仲要坐得舒服有歌聽，就一定要mark低呢間位於銅鑼灣嘅人氣餐廳“The Musicbox Grill House & Bar”，逢星期五六晚都會延長營業時間到凌晨兩點，咁以後放工收夜未食晚餐，或者同朋友食完飯想飲下嘢，就多個好選擇啦。
食飯聽歌係種享受，呢度全場用上頂級嘅專業器材，其他地方絕對係閒人止步嘅禁區，但“The Musicbox”唔止展示俾你睇，仲俾你地打卡影相。
除了原本嘅單點餐牌之前，9:00pm後更全新推出咗一個“Late Night Menu”，可以用優惠價錢享受酒精飲品&小食，真係對酒［聽］歌，人生幾何 ；同場仲有逢星期一嘅“Men’s Night”、以及星期三嘅“Ladies’ Night”都好抵㗎。
“Late Night Menu”詳情
Set One $198 飲品2杯+水牛城雞翼
Set Two $388 飲品4杯+水牛城雞翼+雞尾蝦
Set Three $598 飲品6杯+水牛城雞翼+雞尾蝦+肉丸配薯條
Set Four $888 飲品8杯+水牛城雞翼+雞尾蝦+肉丸配薯條+芝士4重奏
(飲品可任選House Wine／Draught Beer／Cocktail／Mocktail) |
“Men’s Night”詳情
逢星期一，男士惠顧任何扒類即享飲品半價 |
“Ladies Night”詳情
逢星期三，女士惠顧一道主菜及一杯飲品，同款飲料將無限添飲 |
【打工仔歡樂時光•$68 食Late Lunch】
喺銅鑼灣返工嘅白領藍領，或者附近街坊都知道，lunch time時間係幾咁迫，等位分分鐘都用咗半個鐘頭，等到3點先食個late lunch就唔使用人迫，又唔使等位。The Musicbox Grill House & Bar”依家開始，逢星期一至五3:00pm-5:00pm (假期除外) 推出“Late Lunch Menu”，價錢大約午市7折，下午茶價錢又有午餐份量，真心抵，而且全部菜式劃一收費，$68包咖啡/茶。
【約午市7折】Late Lunch Menu $68！
熱湯 - 意大利雜菜湯 +$18 - 老海灣粟米周打湯+$18
主菜 - 燒香草雞胸凱撒沙律 - 野菌松露意大利粉 - 蒜香辣椒蜆肉意大利粉 - 野菌番茄意大利雲吞 - 芝士4重奏 - 經典炸魚薯條 - 烤蒙古豬扒 - 三重朱古力軟滑雪糕
咖啡或茶 |
今次“Late Lunch Menu”都幾多選擇，雞胸凱撒沙律、意大利雲吞、炸魚薯條、Pizza、烤蒙古豬扒等等，想食得輕盈或豐富都得。
燒香草雞胸凱撒沙律
雞胸好大件，on diet食飽肚又唔肥。
野菌松露意大利粉
意粉真係午市咁大碟，松露仲好香𠻹。
蒜香辣椒蜆肉意大利粉
估唔到late lunch都有咁多蜆!!餐廳用嘅係新鮮蜆，仲有啲海水味㗎。
野菌番茄意大利雲吞
唔想成日食意粉，意大利雲吞都係好選擇，口感更加creamy。
芝士4重奏
超濃芝味pizza，一上枱仲熱辣辣拉到絲。
經典炸魚薯條
想下晝relax吓，食個fish and chips飲杯啤酒就啱喇。
烤蒙古豬扒
源自美國，用上中式調味因而命名蒙古豬扒，事實用嘅係西班牙豬扒，肉香惹味。
三重朱古力軟滑蛋糕
3點後純粹想放鬆吓，揀個朱古力蛋糕都得。好鍾意佢嘅朱古力味好濃郁，唔係死甜嗰種。
【Lunch Time】星期一Green Monday任食沙律吧！
如果你會12:00pm至2:00pm 嚟食午餐，逢星期一都可追加任食沙律吧㗎，優惠價+18/位。
任食沙律吧好多新鮮蔬菜，Green Monday優惠價+18/位。
【香港唯一】駐場DJ大玩Video Mixing！
最近“The Musicbox”更為餐廳加入了影像元素，除音樂播放之外，更大玩Music Video，亦因此添加了不少設備。第一波係逢星期二晚大玩Video Mixing，老闆話會播放80至2000年嘅歐美音樂，而且係用黑膠唱片嚟打Video，在香港肯定絕無僅有，用上古老傳統嘅音樂載體，控制最新嘅視頻設備，你話點可以錯過呢，老闆更笑言全世界都應該唔會有好多地方咁做。音樂 x MV同步混搭雙重震撼，原來食飯聽歌都有更高層次，好啱約會同gathering。
The Musicbox Grill House & Bar
地址: 銅鑼灣駱克道459-461號The L. Square8樓
電話: 23386908
