【爆量拉絲】Pizza Maru銅鑼灣分店全新面貌回歸!
韓國人氣過江龍Pizza店“Pizza Maru” 喺當地已經有超過60間分店。招牌手工餅底選用超過12種天然穀物混合,以低溫發酵24小時而成,高品質健康麵團成功獲得韓國產品專利,煙煙韌韌勁好食。

“Pizza Maru” 嚟咗香港幾年已經大受歡迎,繼元朗分店創新開設Pizza寵物友善餐廳+寵物美容店後,最近銅鑼灣店都以全新面貌回歸希慎商場喇!環境充滿韓國特色又開揚,讓客人坐得更舒適。
銅鑼灣分店全新面貌回歸希慎商場。

大玻璃景觀好開揚。

太陽番茄芝加哥薄餅
韓國嘅芝士料理真係無得輸,如果你衝住芝士+薄餅嚟,一定要試佢哋嘅太陽番茄芝加哥薄餅。戳一戳餅邊真係勁鬆軟,入面係超爆滿芝士!! 一拎起即刻瀑布拉絲,食落軟綿帶香濃芝士味。
手工薄餅特別鬆軟。

芝加哥系列有爆量拉絲。

蒜香甜辣秘製炸雞(非辛辣)
炸雞啤酒真係韓國菜代表,既然呢度有100%韓國人氣手工啤酒,梗係要食埋韓式炸雞啦!炸雞好金黃香脆,仲有多款口味—蒜香甜辣秘製炸雞、蜂蜜蒜泥炸雞、芝士秘製炸雞等。
有100%韓國人氣手工啤酒同炸雞。

漁夫番茄燴海鮮(配脆包)
Pizza、炸雞都好啱一班人share,呢度有幾款海鮮料理都好啱聚會㗎~番茄燴海鮮就係用燴番茄醬、香蒜煮製,有藍青口、虎蝦、帶子、魷魚等。蘸上酥脆黑米麵包,完美吸收了海鮮精華,每啖都係新鮮味道。

秘製青口鍋
好鍾意咁creamy大隻嘅藍青口~特別選用車厘茄、蘑菇、洋蔥等炮製,配搭惹味嘅白酒玫瑰醬汁,加上帕馬森芝士粉作點綴,滋味細膩令人食唔停口。

Pizza Maru (希慎廣場)
地址: 銅鑼灣軒尼詩道500號希慎廣場13樓1302舖
電話: 23181012
* 資料由客戶提供