【火鍋情報】油麻地新店·齊齊「滾得棧」
好消息! 爆紅火鍋界的滾得棧,繼深井及天后店後,新分店已登陸油麻地,真係方便晒港九新界的朋友! 新店面積頗大,可坐180人,更有多間VIP房,岩晒大班朋友慶祝食飯。新店位置相當方便,油麻地港鐵站行過去都唔駛1分鐘,朗豪坊行去都係幾分鐘攪掂,而且營業至凌晨2 :30am,食宵夜Fit晒!特別一提,深井店有代客泊車服務!

特別聲明: 滾得棧暫時只於深井、天后及油麻地設有分店,其他類似店名,皆與滾得棧無關。


滾得棧主打實而不華的穩扎風格,裝潢平實舒服,以鮮味食材俘虜萬千的「餓底」歡心;加上師傅的精湛手藝,炮製出多款心機靚湯底、熟食小炒、以至天后分店獨家供應的午市下午茶創意精緻點心,一一都令人著迷。梗係啦,點心由坐鎮老點點心專門店(係攞奬店黎架)的星級師傅的文龍主理,又真係豈止火鍋咁簡單!

店主誠意推介: 必試新推2款湯底!

爽皮蘆薈椰子雞 (新)
「爽皮」意指爽口雞皮,是起了骨的雞皮。這個新登場湯底,以椰清水加入紅棗、椰子等熬煮雞湯。到了飯桌後,可加爽皮下灼一會,爽皮口感貌似脆肉鯇,湯底清甜滋潤舒適,大人細路都鍾意!近期最紅係佢!

南瓜和味蟹 (新)
另一款新出湯底-南瓜和味蟹,最啱天熱的時候打邊爐。日本南瓜與時令海蟹做主湯料,顏色搶眼,味道雙重甜美,又一滾得棧傑作。

花膠響螺雞湯
要滾下滾下首先湯底可以話是全鍋的靈魂!用上7小時功夫熬製的花膠響螺雞湯,極惹味,入口滿滿清香雞味,花膠及響螺足料絕不欺場,滋潤養生又飽肚,堪稱女士恩物,好滿足!

滾得棧招牌番茄蟹湯
必試招牌番茄蟹湯,一鍋湯落足一斤番茄,蕃茄味濃郁。而肉蟹至少一斤二両重,Size夠晒巨型,湯底可以越滾越入味。另可選同系的番茄龍蝦湯,用原隻一磅重波士頓龍蝦,份量十足。

鴛鴦鍋(潮州湯底x四川麻辣湯底)
若然單一嫌太寡,不如嗌個鴛鴦鍋,可以揀有辣有唔辣,點打都有fun!4人以下的湯底不用加錢,由蠔仔粥的概念創作的潮州湯底,雖然就沒有蠔仔,但仍有潮州必食的紫菜、大地魚熬煮的魚湯及大量蔥花,清清地,與食材會巧妙拼出美味的化學作用。另一邊廂的四川麻辣湯,raw少少來個反高潮,麻中有辣,足料入饌,又是另一種刺激的味覺選擇!

鎮店美食:食極都唔會厭!
生炒糯米飯
未介紹配料之前,同大家講下這道必食菜式。據聞以前老一輩時興打邊爐食糯米飯,店主就特意聘請師傅用心炮製。事實上,要做到真正的「生炒」,在香港可說是絕無僅有,烹調時有賴師傅的功力,過程中不斷將糯米翻炒,飯粒乾身,鹹香味濃,食極都唔會厭,足以令你成為「糯米飯」的死忠粉絲。

蝦膠釀油條
打邊爐前仲可以嗌個小食醫一醫肚!小食蝦膠釀油條是10多年前由店主首創,上枱時熱辣辣脆卜卜,口感豐富,多年來穩佔名物的其中一位!

本地手切牛頸脊
來到皇牌配料,深受各大牛魔皇歡迎的本地手切牛頸脊,厚身兼且脂肪分佈平均,入口幼嫩,牛味香濃,配上沙嗲湯底就更惹味。

堅。活魚刺身
由店內特設魚缸出品的活魚刺身,上枱時隱約見到鮮魚的鮮繃活跳樣,彈下彈下證明刺身夠鮮,在舌尖嚐到陣陣「海水味」。

炸魚皮
相信有不少朋友打邊爐一定要有「佢」,店內炸魚皮全是自家製,不會有種「油淋淋」的感覺,仿似食薯片的脆口爽身,下灼快淥食又得,就咁食亦得,得咗!

午市及下午茶點心:星級點心師傅出品 (天后分店限定)
在天后分店除了火鍋夠堅,這家分店獨賣的點心同樣咁掂!點心分有傳統及破格創新的新派系列,款款配搭別出心栽:由老點點心的星級師傅主理。人氣的鮮上肉響鈴腸、內有麥提沙朱古力的脆皮麥心小煎堆、矜貴小巧的咸香黑魚子蒸燒賣、彈牙鮮味的和風魚籽海皇餃、以至綠色搶眼的戚風班蘭馬孻糕都有,「點心控」一定鐘意!

午市及下午茶點心一樣俘虜你心!
和風魚籽海皇餃、咸香黑魚子蒸燒賣、戚風班蘭馬孻糕

鮮上肉響鈴腸

脆皮麥心小煎堆

青芥脆蝦小漢堡


* 資料由客戶提供