【海鮮控召集!】不能錯過的套餐優惠,海景西餐可睇日落 CP值極高
轉眼就立秋喇,想捉緊夏天尾巴望靚海景食飯,九龍奧運站就有間睇日落海景西餐"Nathanhouse"。室內空間有落地玻璃,亦有海景露天座位揀。嚟緊中秋佳節,一於食返餐 chill 返下!
環境裝潢典雅,好多寬敞卡位選擇。

有望住落地玻璃嘅靚位。

最新推出「Tasting Menu」及超豐富「4人餐」CP值好高,而家仲有一系列優惠𠻹!俾大家一家人團團圓圓過一個温馨中秋節 !記住預早訂位呀!

【優惠詳情】

惠顧2份「Tasting Menu」或 1份「4人餐」,即享下列優惠:

- 生日正日,即送1支指定紅酒 / 白酒 / 有汽酒(原價$ 328) (必須2位以上) 或/

- 消費滿$1,000即送鑽石蜆(500g) / 藍青口(500g)(原價$ 188)  或/

- 只須加 $68即送半打生蠔 / 藍青口 (500g)/ 鑽石蜆 (500g) (原價$ 188)

 

*優惠不可與其他折扣或推廣優惠同時使用


而家食「4人餐」只須加$68即送半打生蠔 / 藍青口 (500g)/ 鑽石蜆 (500g),揀露天座位睇埋日落好浪漫。

【Tasting Menu】Fusion料理&Tabasco甜品勁驚喜!
Tasting Menu料理豐富精緻。

前菜 | 鵝肝凍批 配紅酒燴洋蔥伴鍋巴
單係前菜已經好吸引,鵝肝以法國干邑Port Wine醃製,再用63度慢煮至綿滑口感,配埋香脆鍋巴食~一綿一脆好過癮。

餐湯 | 慢煮48小時走地雞清湯 配牛肝菌意大利雲吞
湯身望落清澈,但其實精煉咗滿滿走地雞精華。最傳統食法係將雲吞連湯一齊食,一咬開意大利雲吞已經聞到陣陣菌香。

主菜(3選1)
//蘋果木煙燻白鴿 配油封白鴿腿伴焦糖蜜桃
大廚將新鮮乳鴿做出2種風味~先用蘋果木煙燻乳鴿,入口有種獨特蘋果木香之餘,更做到外脆肉嫩效果。

白鴿腿則用法國煮法,以鴨油、香草油浸令乳鴿更細嫩,食落更滲出淡淡鴨香。

//慢煮三文魚紫蘇巴馬火腿卷配紅花白酒忌廉汁
驟眼望真係唔發覺佢係三文魚。特別用巴馬火腿、紫蘇葉包成三文魚卷,再以45度低溫慢煮令火腿鹹香滲入魚肉。

最後再猛火煎脆表面,輕脆紮實口感好驚喜,佐以自家調配西藏紅花白酒忌廉汁。

//炭燒美國頂級西冷伴韓式汁煮牛腱肉
牛腱肉本身就好濃肉味,肉質則比較鬆軟,所以好啱炆煮㗎。

今次大廚就以西韓fusion做法,先將牛腱肉表面煎封,再用韓式辣椒醬、雪梨、大蒜、蘿蔔炆煮8小時。牛腱肉甜甜辣辣入晒味外,亦巧妙利用雪梨天然酵素軟化肉質,完全唔韌呀。

甜品 | Tabasco特濃咖啡燉蛋
點諗到甜品都會有Tabasco辣椒仔,未食已經好期待!

本身焦糖燉蛋加咗即磨特濃咖啡,利用咖啡香同微苦突出蛋香,最後再加入恰到好處嘅Tabasco,佢獨有嘅香辣拉長整個甜品aftertaste,估唔到經典法式燉蛋都可以咁驚喜。

【4人餐】人氣料理全集合!龍蝦·牛扒·炸物都有
前菜 | 日本松葉蟹肉牛油果他他 配青芥末蛋黃醬
軟綿開胃他他好啱做前菜,上層滿滿牛油果肉,加埋鮮甜日本松葉蟹肉好清爽。

小食 | 脆炸天婦羅紫菜魷魚 或 脆炸池魚仔
而家食「4人餐」只須加$68即送半打生蠔 / 藍青口 (500g)/ 鑽石蜆 (500g) ,揀露天座位睇埋日落好浪漫。
,配埋炸物同白酒就啱晒。

海鮮 | 川式麻辣肉碎煮大蜆 配龍口粉絲($40)
身為海產控只食生蠔邊夠喉,「4人餐」可以$40追加大蜆都好抵食。有別平時清酒煮法,惹味川式麻辣更佐酒。

餐湯 | 是日餐湯($20)
想暖胃啲亦可$20追加餐湯,口味每日更新。

意大利飯 / 意粉
蒜香牛柳粒黑松露意大利飯($40) 或 天婦羅軟殼蟹金沙意粉($40)
有時幾個人嗌個餐,好難預份量。呢個「4人餐」勁貼心準備埋2款意大利飯 / 意粉畀大家優惠價追加,唔使驚唔夠食。

鍾意香口啲嘅,推薦軟殼蟹金沙意粉。軟殼蟹即炸好脆又厚肉,意粉就加咗鹹蛋黃勁惹味。

主菜(3選1)
//慢煮西班牙五花腩配西班牙辣腸燴白豆($60)
西班牙五花腩一向好有油香,慢煮做法保留到油花口感,有種入口即溶、滲出肉汁滋味,同時又唔會太油膩。

日式西京燒黑鱈魚 配黃金濃豆豆腐及日式牛蒡沙律($80)
西京燒做法令魚肉有淡淡味噌甘甜,加上深海魚魚皮夠厚,燒至金黃後又脆又有膠質。

海膽汁焗原條龍蝦尾 伴炭燒美國西冷及美國露荀 (300g)
要食得勁豐富一定要揀龍蝦尾+西冷,一次過滿足兩個願望。而且海膽汁鹹香得啱啱好,惹味得嚟又唔會掩蓋龍蝦鮮味。

甜品 | 鮮草莓雜果窩夫配朱古力意大利雪糕($30)
超爆滿窩夫IGable!窩夫即叫即整,食嗰陣仲係外脆內軟㗎~配埋軟滑清甜嘅gelato同水果食好正。

Nathanhouse
地址: 大角咀海庭道18號奧海城二期1樓103號舖
電話: 25228533
* 資料由客戶提供