【汀九都有好嘢食】韓式自助餐 奢華韓燒
講真有時食飯唔係為咗飽,而係食個Feel!有個地方可以靜靜地望下海、食好嘢幾咁正。成日以為要有海景就要去尖沙咀、中環呢啲市區逼,其實香港仲有好多靚海景,汀九就肯定係其中之一,而且仲係睇著海景食自助餐! 

餐廳仲有天窗,望天望海勁舒服。

任食即開生蠔 仲有多款韓國菜式
嚟呢度之前,真係無諗過汀九有間餐廳對正大海,仲可以望著海平線食自助餐。呢度除咗有必食生蠔、海鮮、熱盤外,仲會定時有新主題,今次就嚟到韓式主題喇!人參雞湯可以任飲任食,仲有大廚幫你燒埋韓燒,全部食材都係靚嘢嚟㗎。

開胃菜都矜貴過人
開餐之前,大廚已經為每位食客準備咗「韓式磯燒活鮑魚」。留意返,真係活鮑魚而唔係冰鮮鮑呀,彈牙口感完全兩回事!大廚就用韓式磯燒方法處理,再配埋牛油用油香提鮮。

奢華版韓燒 大廚現場即燒!
今次韓式主題真係幾有誠意,唔係隨便擺啲烤肉出嚟就話韓式,而係真係有個大廚幫你即場燒!講到韓燒梗係有牛肋骨同豬腩肉啦,大廚一早用韓式燒汁醃好,放上烤爐已經聞到肉香。
韓燒食材好足料。

美國安格斯牛肋骨。

豬腩肉都好肥美。

除咗瘋狂食烤肉,韓燒呢Part仲有好多海鮮揀-生蠔、泰國大蝦、日本皇帝蟹肩同魷筒,雖則靚海鮮輕輕灑少少鹽嚟烤已經好好食,但大廚為咗令燒生蠔更有新鮮感,仲專登燒至7成熟時加少少泡菜,入口有海水味又帶啲泡菜酸辣。


補身人參雞湯 都有得任飲
一向都知道人參雞湯大補元氣,仲可以生津、安神,總之就係滋補啦!但出面飲碗真材實料嘅人參雞湯真係唔平,估唔到呢度可以任飲任食,而且仲唔係敷衍之作。呢度用上唔少人參、鮮雞熬湯之外,每隻雞都會釀入糯米令熱湯煮得更乳白,食埋湯料就最正。

任揀配料 個人化石頭飯
石頭飯都可以個人化?呢度預備咗多款健康配料俾你揀-韓式泡菜、蘿蔔、溫泉蛋等,想試咩味道、口感嘅石頭飯都係自己話事。仲要即揀即製,熱辣辣石頭飯先係正宗風味呀!

數唔晒咁多韓國傳統菜式
除咗一系列主打韓國菜,傳統韓國菜都差唔多有齊-辣炒年糕、韓式肉卷、泡菜海鮮湯麵等等,酸酸辣辣又香口。夏天真係成日都想過吓泡菜癮,終於有個地方可以放肆狂食喇。
泡菜煎餅

韓式燒雞

留肚食11款Movenpick 雪糕!
編輯強烈建議要留肚食雪糕,呢度除咗選用Movenpick 雪糕外,仲有成11種口味任揀,望著海景試勻咁多口味都咪話唔過癮。不過要試晒就真係好難㗎喇,甜品師就推薦有咖啡同酒香嘅Tiramisu味;同埋又香又滑嘅雲呢拿味,你會見到軟滑白色雪糕中有啲細黑點,唔駛驚呀,原來係雲呢拿籽嚟㗎,同平時用雲呢拿香油做嘅雪糕完全唔同。
專人幫你舀Movenpick 雪糕。

口味多到唔識揀。

生日食勁啲!免費送原隻葡式燒乳豬
即日起,生日嚟Bay’s Kitchen & Bar食自助晚餐真係超正,只要10位以上即送價值$1080原隻葡式烤乳豬或汽酒一支呀!編輯私心認為梗係食成隻乳豬最正啦!

乳豬係以葡式方法醃味,並以低溫烤1小時以上至金黃色,焗到外脆內軟仲鎖著肉汁,成班朋友一齊食勁有氣氛!

*如享用生日優惠原隻葡式烤乳豬,需預早3天訂位,並於訂座時說明。
*10位以上及於生日正日前後7日,方可享用本優惠。
*本優惠只限於自助晚餐時段享用。

韓式主題自助餐
日期:2019年6月4-15、17日至8月31日
時間:下午6時30分至晚上9時30分
價錢:
星期一至四: 成人 $438 / 小童 $219
星期五至日: 成人 $488 / 小童 $244

仲有抵食優惠!

最高達7折!OpenRice 優惠券

詳情:入座時出示優惠券,可享指定折扣優惠。

買一送一!

周日韓式主題Brunch自助餐

日期:2019年6月9、23日至8月25日期間,逢星期日

時間:上午11時至下午3時

價錢:成人 $488 / 小童 $244


Bay's Kitchen & Bar
立即在OpenRice網上訂座
地址: 荃灣汀九青山公路汀九段123號汀蘭居地舖
電話: 29451138
* 資料由客戶提供