【歐洲唯美風】情人節6道菜有生蠔·黑毛豬·海膽 兼飲氣泡酒!
“Royal INN”將歐洲唯美感搬到嚟香港!! 尖沙咀店有純白凱旋門,掛滿水晶燈好有feel。而銅鑼灣分店就有古典噴水池,搭配拱形窗打造法式浪漫,落地玻璃可以望埋維園靚景,兩間分店都各有特色啊。
“Royal INN”尖沙咀店以純白凱旋門打造法國感覺。
室內掛上多盞水晶燈,浪漫唯美。
室外可眺望彌敦道景色,幾有情調。
“Royal INN”銅鑼灣店嘅古典噴水池係影相靚位。
店內有大玻璃窗,景歡開揚。

6道菜情人節套餐
2025年2月12-16日推出情人節套餐,$1,688/2位食6道菜,有法國生蠔伴10年海博瑞鱘魚子、24個月西班牙黑毛豬、北海道海膽、安格斯牛柳6安士伴鵝肝等等。超多矜貴食材外,仲跟配2杯氣泡酒𠻹!!
2025年2月12-16日,“Royal INN”情人節套餐$1,688/2位食6道菜。


即刻睇吓情人節套餐有咩食
法國生蠔伴10年海博瑞鱘魚子醬 配氣泡酒2杯
一開始就以法國生蠔揭開序幕,奢華伴上10年海博瑞鱘魚子醬。一啖入口,同時爆發蠔肉海水味、魚子醬鹹香,好有驚喜!! 而且未食前菜已經有2杯氣泡酒幾貼心,飲兩啖酒有氣氛又易啲打開話題,好啱初初約會嘅情侶啊。
法國生蠔伴10年海博瑞鱘魚子醬 配氣泡酒2杯

【Starter 2選1】秘製酸汁醃油甘魚刺身 / 24個月西班牙黑毛豬火腿沙律
之後就有前菜2選1,如果平時鍾意日本料理好推薦油甘魚刺身,清新酸醋同油甘魚好夾。另一道黑毛豬火腿就好有油脂鹹香,配埋爽脆沙律幾開胃。
秘製酸汁醃油甘魚刺身
24個月西班牙黑毛豬火腿沙律

【Soup】招牌龍蝦濃湯
“Royal INN”全部湯、醬汁都係自家煮,所以你會發覺佢哋嘅菜式都幾有層次,唔會死鹹死甜。好似呢道招牌龍蝦濃湯,就係用好多海鮮、龍蝦殼熬出精華,海鮮味好濃郁。
招牌龍蝦濃湯

【Pasta/Rice 2選1】西班牙紅蝦汁意粉 伴紅蝦他他 / 北海道海膽意大利飯 伴香煎刺身帶子
今次情人節套餐好啱海鮮fans,兩款主角都係高質海鮮!! 出名蝦味濃嘅西班牙紅蝦,切粒拌成他他後蝦味更有存在感。另一款就有北海道海膽,配creamy意大利飯食好有幸福感啊,刺身級帶子分量仲幾多𠻹。
西班牙紅蝦汁意粉 伴紅蝦他他
北海道海膽意大利飯 伴香煎刺身帶子

【Main 2選1】燒安格斯6安士牛柳 伴香煎鵝肝 / 法式牛油香煎野生智利白雪海鱸魚柳
情人節晚餐唔少得牛扒,安格斯牛柳有6安士之餘,仲加埋鵝肝真係無得輸。唔食牛亦有智利白雪海鱸魚柳揀,魚肉吸滿牛油香好好食。
燒安格斯6安士牛柳 伴香煎鵝肝
法式牛油香煎野生智利白雪海鱸魚柳

【Dessert】法式歌劇院蛋糕
最後以經典法式甜品作結,靚靚歌劇院蛋糕好啱影相打卡。而且外層朱古力好香濃,蛋糕又夠輕盈柔軟,食落有滿足感又唔會膩。
法式歌劇院蛋糕

ROYAL INN (銅鑼灣店)
地址: 銅鑼灣告士打道311號皇室堡3樓313-314號舖
電話: 28183287

ROYAL INN (尖沙咀店)
地址: 尖沙咀彌敦道100號The ONE 1樓L121號舖
電話: 23218289
* 資料由客戶提供