喺香港搵韓國菜好易，但食韓國菜再食埋靚景就唔係度度搵到喇。呢間「金饍」就喺出名靚景嘅北京道1號，店內一整排落地玻璃望住維港同尖沙咀文化中心，想食韓國菜慶祝重要日子都絕對能登大雅之堂。依家逢星期一至四，提前一日訂座仲享晚市主菜單75折𠻹！
午市、晚市都食到 -- 全無防腐劑「九宮格」
大家都知傳統韓國菜都會放滿一小碟、一小拌菜，「金饍」嘅九宮格韓式拌菜就吸引到一班熟客！店家每日都會預備10幾款拌菜輪流放入九宮格，拌菜類別都會根據季節或當日新鮮食材變化，全部自家製絕無防腐劑，每次嚟都最期待九宮格有咩驚喜！
叫韓燒/部隊鍋/主餐牌，以及晚市惠顧均會附上九宮格，全部拌菜自家製好健康。泡菜辣中帶甜，係自家用10幾種配料醃製，好多熟客仲會買埋返屋企食𠻹！
部隊鍋 (1及2人份於上午11:30至下午5時；2人套餐版於下午6時後供應)
大家都知部隊鍋係喺韓戰時發明，當時將美國部隊帶嚟嘅午餐肉、腸仔、茄汁豆等食材，加埋泡菜、韓式辣醬、即食麵等煮成超豐富嘅一餐 ！「金饍」嘅部隊鍋有齊以上材料，仲有豆腐、芝士、雞蛋等，最正係有埋韓國魚糕串～望住泡菜湯底滾吓滾吓超開胃，最啱同三五知己慢慢食。
部隊鍋材料超豐富，另外會跟埋九宮格拌菜。
仲有一串串魚糕。
將韓國即食麵連芝士、雞蛋落鍋，令湯底越滾越濃，拉絲芝士同蛋漿包住麵條好好食！
全新韓式＋西式Fusion韓食 (全日供應)
「金饍」一直以傳統韓國菜出名，駐店大廚會繼續煮地道菜式畀大家食外，最近更同另一位有西廚背景嘅大廚合作，推出全新韓西Fusion 料理，最估唔到係韓式炒年糕都可以煮到意粉咁！
燒五花腩辣醬炒長通粉及年糕
傳統小食炒年糕唔再只係年糕咁單調，而係加入掛汁力十足嘅長通粉，有雙重口感之餘，長通粉仲會沾滿牛油燒香嘅韓燒豬腩肉肉汁，配埋清爽洋蔥、翠肉瓜解膩一流。
鐵板拉絲芝士雞蛋泡菜炒飯
鐵板熱辣辣上枱時已聞到泡菜炒飯香～親手將芝士同半熟蛋撈勻，綿滑芝士同蛋漿總係有種幸福感！
芝士焗豆肉醬年糕
好多人都鍾意西式千層意粉，一啖食到肉醬加意粉多層次口感。呢道焗肉醬年糕就有同樣嘅體驗，味道香濃，推薦當作小食一齊Share。
韓風卡邦尼拉麵
大廚將經典卡邦尼意粉變成韓國拉麵，秘訣係將拉麵煮至半熟，保留強烈煙韌口感。並用韓國辣椒粉取代西式辣椒，辣中帶甜，視覺更紅更搶眼！配菜則有煙肉、溫泉蛋、紫菜、蟹籽等混合韓西式口味。
魷魚蜆肉紫蘇青醬忌廉長通粉
大廚特別以韓國及泰國兩種紫蘇葉作為青醬嘅基調，加埋番茄沙沙醬、調配出清新微酸味道，獨特嘅紫蘇葉香則突顯魷魚蜆肉鮮味，清爽感覺好啱夏天食。
海景韓燒！天然水果發酵 肉質鬆軟
除咗最新韓西Fusion 菜式外，呢度平時嘅韓燒同石頭鍋飯都值得一試㗎，試問有幾多地方可以望住大海景嘆韓燒吖！推薦特選牛肋骨同蔥花牛舌。牛肋骨係利用蘋果、雪梨天然水果發酵，令肉質更鬆軟，有別於坊間用梳打粉「乸」到無晒肉味。
特選牛肋骨
牛肋骨肉有濃郁牛味外，仲有淡淡水果甜香，真係好正！
蜂窩紋厚切五花腩
五花腩嘅油香一直吸引好多Fans，呢度嘅五花腩一定滿足到一眾Fans期待！極級厚切相當足料有咬口，獨特嘅格紋切法可以燒出更多焦脆位，記住用生菜包住五花腩、泡菜、辣醬食無得輸。
蔥花牛舌
牛舌上枱時，曾疑惑點解咁多蔥花？員工幫我哋一邊燒一邊解釋，原來牛舌只燒一面就夠熟，同時可保持肉嫩感，肉邊又帶輕微焦脆，用嚟包住蔥花一啖入口好惹味。
石頭鍋飯
鍾情韓國傳統菜式嘅話，一定要試埋熱辣辣石頭鍋飯！
金饍韓國料理
地址: 尖沙咀北京道1號8樓
電話: 26280822