2025年會有【春】、【夏】、【秋】、【冬】Menu，保證大家一年365日都keep住有無盡新鮮感！
旺角月球主題酒吧餐廳「J.moon」，2025年開始咗新Menu啦！一入嚟就見到掛滿過百盞月亮燈，每張枱仲有專屬月亮燈，可以自帶燈光效果影相，好靚啊～好啱同伴侶閨蜜食飯打卡，順便直落飲返兩杯㗎。
店內掛滿唯美月球燈，好有氣氛。
戶外空間十分舒服，三五知己齊齊享受吓日光。
【酒店級大廚創作四季Fusion菜】
唔係間間酒吧都有咁多高質料理㗎，「J.moon」就有大廚團隊依時令食材，於「春」、「夏」、「秋」、「冬」四季設計全新Menu。最新推出5款主菜，大玩日本、港式fusion，海鮮迷一定要試北海道帶子明太子忌廉意粉、大蝦及三文魚子海膽醬粗管麵，帶子超大隻!! 鍾意健康清爽嘅話，又可以揀三文魚Poké Bowl。而講到最驚喜，就有避風塘杜洛克豬架啦，原來厚切豬架+脆卜卜蒜香幾過癮。即睇詳情～～
「J.moon」2025年全新春季Menu大玩日本、港式fusion！
北海道帶子明太子忌廉意粉
「J.moon」菜式嘅精緻度，真係超越大家對酒吧餐廳嘅期待。好似呢道日式fuion意粉，就將濃郁明太子醬x滑溜忌廉醬，撞出獨特鮮鹹奶香滋味。加埋大大隻金黃帶子、菇菌，真係豐富滿足。
大蝦及三文魚子海膽醬粗管麵
相如果你係海膽醬fans，揀呢道掛汁力強嘅粗管麵就啱晒喇。一咬落去就爆出鹹甜海膽醬，再食啖海鮮平衡膩感啱啱好。特別係帶子煎到有少少外脆內嫩，加埋伴碟脆片幾過癮。
三文魚Poké Bowl
踏入春夏，就有啲掛住健康清爽嘅Poké Bowl，估唔到嚟「J.moon」飯聚飲酒都食到啊。而且配料幾豐富，炙燒三文魚分量多，配埋牛油果、玉子燒、甜粟米、車厘茄、青瓜等，好有層次。幾鍾意佢哋加咗superfood藜麥，多咗穀物口感又低熱量，好啱健身人士同女仔食。
「避風塘」杜洛克豬架 配烤薯仔及時令蔬菜
擺盤精緻到好似藝術品嘅杜洛克豬架，原來係fusion香港地道避風塘煮法，幾有衝撃感。豬架表面鋪滿香脆避風塘蒜蓉、辣椒碎，一咬落去就脆卜卜，再有一陣濃郁蒜香同微辣刺激，超惹味啊!!
日式和風香腸手工薄餅
「J.moon」手工薄餅一直吸引唔少粉絲捧場，新口味靈魂係墨魚汁香腸、紐倫堡香腸、魷魚，味道濃郁又有咬口。唔少得拉絲力強嘅莫扎里拉芝士，配埋照燒醬同木魚好有日式風味。明明口感係鬆脆手工薄餅，但又有大阪燒風味幾特別。
J.moon
地址: 旺角西洋菜南街1A-1K號百寶利商業中心4樓10-11號舖
電話: 95455738