2025年會有【春】、【夏】、【秋】、【冬】Menu，保證大家一年365日都keep住有無盡新鮮感！
旺角月球主題酒吧餐廳「J.moon」，2025年開始咗新Menu啦！一入嚟就見到掛滿過百盞月亮燈，每張枱仲有專屬月亮燈，可以自帶燈光效果影相，好靚啊～好啱同伴侶閨蜜食飯打卡，順便直落飲返兩杯㗎。
店內掛滿唯美月球燈，好有氣氛。
戶外空間十分舒服，三五知己齊齊享受吓日光。
【酒店級大廚創作四季Fusion菜】
唔係間間酒吧都有咁多高質料理㗎，「J.moon」就有大廚團隊依時令食材，於「春」、「夏」、「秋」、「冬」四季設計全新Menu。最新推出多達12款主菜，當中更大膽融入中式元素，「老乾媽」+粗管通粉(Rigatoni)；北京烤鴨+手工薄餅？！即睇「J.moon」春季有咩驚喜啦～
「J.moon」2025年全春季Menu有好多選擇啊！
【大膽中式Fusion】
培根卡邦尼意粉配溫泉蛋、臘腸(Pancetta Carbonara with Onsen Tamago and Chinese Sausage)
平時卡邦尼意粉係用煙肉，「J.moon」就大膽變成fusion中式臘腸，比煙肉多咗種鹹鹹甜甜同煙韌咬口。食之前戳開溫泉蛋，撈埋蛋漿一齊食更綿滑啊。
「老乾媽」牛腩排番茄通心粉(“Luo Gan Ma” Tomato Sauce Rigatoni with Flank Steak)
相信大家都唔陌生嘅「老乾媽」辣醬，加落番茄粗管通粉(Rigatoni)令味道酸中帶辣，仲辣得幾有後勁。而且牛腩排分量驚喜地多，獨食或share都夠滿足。
手工北京烤鴨薄餅(Peking Duck Handmade Pizza)
除咗大玩中式辣醬，呢款手工北京烤鴨薄餅將中西fusion玩得更大膽。北京烤鴨標誌性嘅甜麵醬、酥脆鴨皮、蔥絲存在感強，配上微妙嚼勁嘅手工薄餅真係瞬間清碟。
【奢華海鮮燴飯】
北海道帶子黑松露醬燴飯(Black Truffle Sauce Risotto with Hokkaido Scallops)
估唔到酒吧餐廳都奢華地用上北海道帶子、黑松露醬，帶子大粒又夠鮮。而且燴飯都幾creamy，食多兩啖又有黑松露菌香平衡膩感，成個味道配搭好圓滿。
西班牙八爪魚海膽燴飯(Sea Urchin Risotto with Spanish Octopus)
燴飯用咗爆多海膽煮成，每啖都食到柔滑口感同海洋鮮味。當然不得不提，好搶眼嘅原隻西班牙八爪魚腳!!加埋特製脆片撞出多重口感。
【更多特色Fusion菜】
檳城叻沙風味藍青口配酸種麵包(Blue Mussels in Penang Laksa Style with Sourdough)
無論藍青口定檳城叻沙汁都係主角啊!!藍青口相當肥美厚肉，而叻沙汁就用大蒜、叻沙醬、洋蔥、百里香、牛油煮成，香料辣味濃郁，絕對值得用麵包撈埋啲汁。好欣賞「J.moon」用酸種麵包代替一般麵包，微酸輕韌特色將叻沙推上另一層次。
秘魯烤雞伴時令蔬菜、奶油煎餅(Roasted Peruvian Chicken with Seasonal Vegetables and Butter Roti)
印度常見嘅家常料理——印度煎餅(Roti)，夾住秘魯烤雞一齊食幾有風味。秘魯烤雞外皮焗到金黃微脆，一切開就爆出肉汁，雞肉更富香料、香草味道，飲酒必食！
J.moon
地址: 旺角西洋菜南街1A-1K號百寶利商業中心4樓10-11號舖
電話: 95455738