【早鳥優惠送意大利酒】法越小酒館抵食聖誕餐 
唔知大家有無同一想法,覺得人生總要有一年聖誕喺外國過。無他,外國步伐慢啲,周圍都有小酒館可以坐低飲杯酒、望吓景,就係呢種氣氛先啱浪漫聖誕節嘛!今年唔想再喺大商場過聖誕,不如喺香港走過橫街小巷,可能都會有驚喜。

灣仔利東街近年年成為聖誕打卡熱點,今年仲有光影藝術白鴿。慢慢走過大街,白鴒群越過頭上後,赫然發現轉角位一間法越小酒館。有別於大大個招牌嘅商業設計,樸實黑色玻璃大門上嘅黑燈箱,簡單映照著la bo la。
樸實黑色玻璃大門。

香港少有 法越小酒館
就係呢種簡約格調,先有聖誕假日感覺。同店主一聊,先知la bo la 真係以法越小酒館為靈感。只因店主鍾意法國小酒館文化,但從外國返港後搵唔到呢類小館,索性自己開一間,亦成為志同道合之人嘅聚腳點。
露天座位坐得更寫意,更可帶寵物呢!

無「商業味」嘅樸實小酒館 
從店主嘅開業原因,就大約了解到佢係隨性之人。即使甫開業就成為米之蓮推介餐廳之一,但開業 4 年以來並無特地推出聖誕餐,令筆者更深刻覺得呢度並非商業之地,確實係遠離煩囂好地方。只因今年新大廚上任,倒不如與眾同樂將新菜式變成聖誕餐,令一眾小酒館愛好者可以抵價食一頓法越聖誕餐。
高枱座位好啱三五知己食嘢、傾計。

4日限定!聖誕節套餐
聖誕套餐只索價HK$698/2位(另加一),價錢唔貴仲有酒飲。店主已為聖誕餐揀好House Red (Shiraz) 或 House White (Chardonnay);只要提前訂位,仲另送意大利汽酒一支。愛酒之人可以嚟一試店主眼光。嘢食方面就有頭盤、熱湯同主菜,鍾意嘅話仲可以另加HK$48 揀Tiramisu 或 焦糖布甸。
只要提前訂位,即送意大利汽酒一支。

限定聖誕套餐詳情

日期

2019年12月24、25、31日及 2020年1月1日

訂位優惠

提前訂位,即送意大利汽酒一支。


頭盤三選一 
la bo la 主打法越Fusion 菜,筆者覺得主要係法國菜加入越南元素,所以幾啱聖誕食㗎!頭盤有帶子沙律配士拉差沙律醬、 柚子沙律配碌冧汁、牛油果素菜米紙卷揀。店家坦言米紙卷一直係招牌菜,餡料加咗牛油果、士拉差,比坊間米紙卷更軟綿,食落相當醒胃。
牛油果素菜米紙卷

柚子沙律配碌冧汁

主菜三選一
主菜嘅法式味更濃,特別係用上幼嫩鵪鶉嘅鵪鶉讓雞慕絲,係法國經典菜式之一。同場亦有100日穀飼澳洲牛腹肉、 秘製酸子辣椒醬腌吞拿魚 配越式撈檬。

鵪鶉釀雞慕絲配 甜薯蓉甘庶雞燒汁
常見於法國菜嘅鵪鶉,皮薄嫩滑、肉質特別軟嫩。法國人多以鵝肝為餡料增加飽肚感,大廚則以雞胸肉、忌廉打成慕絲,綿滑慕絲略帶雞香,有種份子料理嘅感覺。甘庶雞燒汁就用法國雞、越南甜蔗同香茅煮成,相比即開醬汁完全兩回事。

100日穀飼澳洲牛腹肉 配豬肝醬牛油、煎越式薯餅
越南菜少見以澳洲靚牛入饌,今次更特別用100日穀飼澳洲牛厚切,切開即滲出肉汁,食落亦軟嫩。越式元素則用於配菜薯蓉中,用蝦米、冬菇、薯仔手打而成,比一般薯蓉惹味得多。

秘製酸子辣椒醬腌吞拿魚 配越式撈檬 
實在少見半熟吞拿魚配撈檬,係最體現到法越Fusion 菜嘅感覺。檬粉難得有咁精緻嘅擺盤,食法都係加魚露再將清爽脆口乾蔥、香料、薄荷葉等撈勻。最特別反而係配吞拿魚食法,半熟吞拿魚特別軟綿、魚味突出,幾啱越南酸甜風格。

店主親揀靚酒 House Wine 都高質
文初已提,la bo la 出現全因店主愛酒,所以店主親身揀咗好多酒款,就算親民價House Wine 都相當高質,口感滑口、順喉,新手入門都唔難。其實一睇酒單就知店主熟酒,即使冷門酒都會喺度搵到,如西班牙火山島、黎巴嫩、保加利亞酒都有。
酒吧位放滿各款酒類。

無上限試酒比賽 估中即贏靚酒一支
性格樂天嘅店主想客人飲得開心,所以你任何時間都可向店員提出挑戰「試酒比賽」,即刻可以品酒師咁拎住全黑酒杯試酒,估中邊隻酒即場送你一支。編輯八卦一問:「咁有無上限?」,店主輕鬆回一句:「無㗎,想玩就試啦,玩幾多次都無所謂㗎。有客人曾一次贏咗 3 支酒,好勁㗎!」或者就係呢種開心性格,令客人喺度Hea 得開心。
隨時都可以挑戰「試酒比賽」㗎!

招牌雞尾酒 
除咗紅白酒,呢度仲有特別雞尾酒,招牌必試Oolong Rock,係用鳥龍茶、燒酌、酸梅調製,酸甜梅味夠重,反而酒味後續慢慢滲出,鍾意飲梅酒嘅話一定愛上。

仲有好啱聖誕氣氛嘅棉花糖雞尾酒!天氣凍時,飲杯濃郁軟綿綿嘅棉花糖酒真係好幸福,酒味較輕,女仔一定會鍾意。
(左)棉花糖雞尾酒、(右)Oolong Rock

偏好果味酒嘅話,店內都有多款生果味嘅la bo la Spritzer 揀。
la bo la Spritzer 味道清爽,配香炸小食啱晒。

雞翼有蒜味、辣味 配啤酒一流
呢度仲有好多佐酒菜式、小食,特別係牛油雞翼好受歡迎,先炸後用蒜蓉牛油炒香,夠香口惹味呀!鍾意辣嘅話,香辣雞翼仲有「一蚊一隻」優惠(逢星期一、二),編輯都係忍唔住問「咁有無上限?」,相信你都估到店主又係輕鬆地答「無㗎,想食幾多都無所謂」(笑)。

香辣雞翼「一蚊一隻」優惠詳情

日期

逢星期一、二

詳情

HK$1 一隻雞翼,只限堂食


招牌牛油雞,逢星期一、二「一蚊一隻」。

用特級蝦膠手打嘅「香炸蝦餅」。

「越式牛肉河」用美國薄切牛肉、安格斯混和牛牛柳粒、澳洲和牛片煮成,牛味特濃。

La Bo La
地址: 灣仔皇后大道東200號利東街地下G02-03號舖
電話: 28711711
* 資料由客戶提供
餐廳資料