如果你自問鍾意食嘢，一定鍾意放題可以瘋狂食嘢。但開始覺得放題食嚟食去都係嗰啲嘅話，不如叫埋班Friend 試旺角呢間「極上帝王水產」。呢間店CP值超高，一個價錢可以歎到刺身、壽司放題包埋日式火鍋、日式磯燒同日本燒肉200款美食、飲品、甜品任飲任食。
呢度有刺身、磯燒、火鍋同鹿兒島和牛燒肉等等，選擇夠晒多！
放題都食到磯燒海鮮
平時好少見放題店有磯燒海鮮？呢個並唔係錯覺呀！而係磯燒成本高，所以好少放題店肯做。所以呢度食到磯燒海鮮真係好抵，食材仲要唔平，最吸睛一定係甲羅燒，將北海道蟹蓋、蟹肉同魚子撈埋食，蟹味夠晒濃郁！只要預先訂位就送一客畀你喇。
鍾意食蟹嘅話，一定唔可以錯過甲羅燒。
磯燒海鮮特別Juicy
食完甲羅燒唔夠過口癮？仲可以加錢升級，食埋其他磯燒海鮮－大蝦、大元貝、燒蠔同鮑魚等等，全部都新鮮飛機運到。磯燒最正係可以保留鮮味同多汁Juicy，入口仲有海水味㗎！編輯最鍾意就係燒蠔，一口咬落去又香又爆汁；鍾意有咬口嘅就推薦鮑魚喇！
磯燒真係有好多海鮮揀呀！
元貝肥厚新鮮。
一人一鍋打邊爐
除咗磯燒外，呢度特別之一就係可以打埋邊爐。一人一鍋，每日都會有不同精選鍋物，仲可以叫多幾款Share食。
一人一鍋，份量好足。
睇完磯燒同火鍋，一於睇吓放題有咩必食啦！
當然有必食刺身啦！大胃王一定要食到回本呀！
刺身款式多，魚生片、刺身蝦同生蠔都有。
仲有好多款壽司。
要食到回本，唔少得海膽蝦同厚切帶子壽司。
仲有多款串燒送酒。
自問芝士控就要食埋芝士焗元貝喇，好受歡迎㗎！
留肚食貴價雪糕！
唔好以為咁就食完，呢度嘅甜品都好有份量。除咗有自家製刨冰外，仲有多款貴價雪糕、雪條任揀。
芒果刨冰可以食到粒粒果肉。
抹茶刨冰好香濃。
雪糕款式仲多到你唔信，最抵食梗係Mövenpick 同Häagen-Dazs啦！另外仲有果汁雪條，食飽解膩就啱晒喇。全場啤酒、有汽果酒、汽水任飲；清酒、梅酒只要每位加HK$40就可以無限追加。
話明係抵食高質放題，價錢當然唔貴啦，即睇有咩優惠重點！
任何時段 | HK$300有找（未計加一 或 其他追加項目） |
預先訂位 | ．即享95折（學生享9折） |
生日同行 | ．4人同行，1人半價 |
極上帝王水產
地址: 旺角西洋菜街1號兆萬中心9樓
電話: 21111821
