「嘛嘛地啦」係好多人嘅口頭禪，今次Mamaday老闆之一everyday唔再只係「嘛嘛地」，而係有Goodday Badday啦～作為Mamaday兄妹店，Goodday Badday依然延續怪奇風格，「唔好抱咁大期望蒲燒鰻魚蛋包飯」、「白飯魚奶醬多咁嘅味嘅意大利扁麵」……啲菜名真係長到要講句「麻卵飯」，唔係粗口呀，都係菜名嚟㗎(笑)。
Goodday Badday樓高兩層，環境同菜式繼續怪奇風格。
Goodday Badday充滿創意幽默感，全店放滿玩味畫作、模型，甚至連餐枱都係老闆親自將舊式木枱，加入玩具小物重塑，每張枱都唔同㗎，環保又有驚喜。
店內充滿玩味氣氛，座位寬敞。
掛滿有趣畫作和老闆親自雕製嘅雕塑。
老闆重新設計舊式木枱，環保有驚喜。
新店開業 驚喜優惠！
只要於OpenRice收藏Goodday Badday，即享： - 「唔好抱咁大期望蒲燒鰻魚蛋包飯」免費升級原條鰻魚 (原價需+$28) - 「醉鮑魚遇上黑松冷感面」額外送1隻梅酒鮑魚
新店優惠 限定海鮮拼盤 優惠價$398(連白酒2杯)
午市優惠 逢星期一至五 12:00-14:00 凡惠顧午市套餐、4人同行、1 人免費 逢星期一至五14:00-17:30 所有酒精類飲品買一送一
|
【免費升級】唔好抱咁大期望蒲燒鰻魚蛋包飯
真心，唔好理佢個名呀～真係值得抱有期望㗎！呢個鰻魚飯喺Mamaday已經係招牌菜，而家仲可以免費升級原條，CP值勁高。
而且條鰻魚係即場烤焗，魚皮Q彈、魚邊焦脆，魚肉仲好甜香彈牙～撈埋日本滑蛋、煲仔飯豉油真係勁開胃，一般「翻叮」鰻魚真係難以相比。
【免費送鮑魚】醉鮑魚遇上黑松冷感面
夏天食個冷麵真係好爽，黑松露冷麵清爽得嚟，仲香得好有層次。鮑魚更加用梅酒浸12小時，輕甜酒香入晒味，而家仲免費送多隻呀！
【新店優惠】海鮮拼盤$398連白酒2杯
新店開業推出限定菜式，海鮮拼盤有波士頓龍蝦、日本蠔、日本磯煮鮑魚、新西蘭凍蝦、新西蘭青口，咁豐富只係$398仲送2杯白酒。
【午市優惠】軟殼蟹牛油果意大利飯
午市4人同行、1人免費勁抵食，當中最人氣係「軟殼蟹牛油果意大利飯」，喺附近返工嘅話一定要把握優惠呀。
白飯魚奶醬多咁嘅味嘅意大利扁麵
兩啖一條嘅炸魚仔真係好過癮，炸漿加咗啤酒，利用天然原理令炸層更鬆化香脆～
不過最有驚喜係個意粉醬，點估到奶醬多個醬同意粉係咁夾，無睇錯呀～真係奶醬多+意粉呀！仲會食到花生粒粒𠻹。
古法烤黑毛豬(西班牙豪華豚)
呢個豪華豚真係堅豪華，係用西班牙穀飼黑毛豬，以天然橡果飼養，高質到生食都得！店家就推薦9成熟，肉質最鬆軟又爆肉汁。記住食埋隔籬嘅炸蝦片，即叫即炸勁脆唔硬。
麻卵飯
文初提到嘅「麻卵飯」，真身係黑魚子醬意大利飯。魚子醬鋪到勁滿，差唔多每啖都食到粒粒卜開嘅魚子呀。
意大利飯係用牛油四川麻辣醬煮製，少辣辣而且辣中帶甜，顛覆一般意大利飯都係忌廉、番茄嘅刻板印象。食食吓發現仲有粒粒帶子雜菌，口感和鮮甜味更有層次。
【4款創作比薩】
呢度嘅pizza批底都係自家製，配料都幾意想唔到～特別係豆豉鯪魚，原來同pizza係咁夾㗎！仲有馬糞海膽都係一大亮點。
豆豉鯪魚比薩
店家創作試味期間，偶然發現嘅超夾配料！豆豉鯪魚魚邊輕脆，獨特鹹香撞埋芝士有驚喜。上面仲鋪滿油麥菜，根本就係中式料理x比薩fusion料理呀。
渾身是海膽虎蝦比薩
pizza灑上濃郁芝士焗6分鐘後，再鋪上刺身級虎蝦+馬糞海膽火炙，海膽仲係好軟綿鮮甜，勁正。
黑過墨汁三文魚比薩
同樣用上刺身級嘅三文魚，令三文魚食落軟嫩又多魚油。批底係自家以墨汁+芝士焗製，特別鹹香。
直豎拇指牛小排比薩
牛小排好重牛味，一食就知係高質牛。可能因為新鮮出爐，牛肉食落更有種烤肉嘅油香。
【自家製甜品】
呢度多款甜品都係自家手製，所以每日數量唔多，想食就要快手喇～
朱古力焦糖香蕉Creffon
多層蛋糕以焦糖布甸、朱古力千層蛋糕、朱古力ganache、朱古力戚風蛋糕、朱古力鮮奶油ganache、焦糖香蕉片組成，所以口感好豐富。
芒果布甸乳酪Creffon
芒果口味同樣以乳酪忌廉、芒果布甸、千層蛋糕、戚風蛋糕、鮮芒果粒一層一層疊起。芒果好鮮甜解渴，啱晒夏天食。
新品！茫茫人海遇見你嘅途中夾雜住又酸又甜
芒果+青檸口味輕甜微酸。
焦頭爛額咁頻撲咗一日，試下俾返少少糖自己先啦喂~
軟綿焦糖雪葩，加埋硬脆餅底一齊食，有雙重口感衝撃。
【玩味雞尾酒】
呢度有好多創作Cocktail，全部都好IGable。
估你唔到
正如其名，你真係估佢唔到係咩味。呢杯係期間限定，用咗竹炭、椰子、橙味酒調配㗎～親身嚟試吓有幾估佢唔到啦。
紫蘇梅子姑娘
紫蘇葉嘅獨特香味，加埋偏甜嘅梅酒，酸酸甜甜好清新。
一起森巴舞
有Gin、湯力水、熱情果汁，酒味唔濃，女仔都會好鍾意。
Blue Lagoon
夢幻藍調，係以藍橙酒、Vodka、七喜調製。
Love Struck Strawberries
顏色味道都好似明治朱古力咁，充滿少女心。內裡有Bailey's、士多啤梨奶。
GoodDay BadDay
網址: https://s.openrice.com/QrbS0icWB00~dYKKSilyW
地址: 尖沙咀加連威老道27-27A號嘉榮大廈地下及1樓
電話: 94241449