【平民價食Omakase質素】買手長駐日本 即日送達海鮮
近年Omakase 店越開越多,無他,香港人太熟日本又太識食日本嘢,要求自然越嚟越高。但唔係日日都咁多Budget 食咁貴,呢間「魚鮮生」就可以用平民價錢食到Omakase 高級質素。

日本料理最講求食材,所以店主每日都經駐日本買手喺魚市場揀魚,再即日運嚟香港,放喺你面前嘅壽司刺身,真係啱啱喺日本飛嚟咋!嗰種喺日本先食到嘅魚鮮味,真係呃唔到人。
店內貼滿日本海報,儼如一間日本居酒屋。

其實「魚鮮生」開業已經十幾年,一直由店主兼師傅主理。最近店主為十幾年品牌加入新鮮感同活力,引入更多日本海鮮並重新打造Menu 菜式,料理更高質更啱打卡。
全新布Menu 好有質感,小細節已見店主心思。

全港獨家 「白咖哩手拉烏冬 (吉烈鰻魚)」
第一次喺日本食到吉列鰻魚,外脆內嫩又滲出少少魚油嘅味道……講真係驚為天人嘅。但一直喺香港食唔返,因為炸鰻魚難度高,要控制好油溫、時間仲要用靚鰻魚先唔會又乾又硬,今次喺呢間香港小店見到真係好驚喜。
炸鰻魚外脆內嫩,炸粉厚度適中,啱啱好包住鰻魚。

呢度嘅炸鰻魚口感貼近日本,外層金黃脆口,內裡係滑嫩鰻魚,仲要只係HK$88 絕對值得一戰。而且烏冬係真.日本手打烏冬,口感軟Q煙韌,配埋Creamy 咖哩包住脆口鰻魚,輕甜香口。手拉烏冬系列仲有「華味鳥」、「黑豚肉眼」揀。
「白咖哩手拉烏冬 (吉烈鰻魚)」只係HK$88。
真.日本手拉烏冬軟Q煙韌。

好懷念嘅日本味 壽司定食
既然店家有買手長駐日本每朝揀靚魚,當然要試試呢度嘅壽司、刺身。呢道「壽司定食」有10件,全部日本空運到港,因為只想用當日新鮮貨,所以每日限量50份,而且係廚師發辦,師傅只用當日最新鮮當造魚材,所以每次食都有驚喜,想食真係要早啲嚟。
「壽司定食」全部日本直送魚材,沿用Omakase 做法同質素只係HK$388,相當抵食。

今次有拖羅、北海道海膽、金目鯛等矜貴魚材。拖羅魚油脂豐富,入口即溶,而口中仍然留有濃郁魚油香。
有拖羅、金目鯛等矜貴魚材。
不惜成本用北海道海膽,有別於坊間常見加拿大海膽。

另外值得一提係牡丹蝦,入口蝦味清甜甘香,肉質細綿紮實,並有新鮮蝦特有嘅膠質口感,係好懷念嘅日本味道!另一款個人最鍾意係赤貝壽司,你無睇錯~係平時唔多顯眼嘅赤貝,但亦係最勾起到日本回憶嘅味道。赤貝好彈牙鮮甜,並有濃濃蛤類獨有海水味,食到最後仲有輕微黏口感同海潮香後勁,完全係日本即開即食嘅味道層次。
新鮮牡丹蝦、赤貝好有驚喜。

刺身價錢貼地 輕嚐可選 HK$188
刺身分別有輕嚐版「2人前刺身拼盤」HK$188 同超豐盛版「4人前刺身拼盤」HK$1,488 選擇。2人前份量唔多,但種類絕對滿足到刺身迷—赤蝦2隻、深海池魚2片、三文魚腩2片、日本馬糞海膽1碗,好啱輕食淺嚐,留肚試埋其他嘢。
「2人前刺身拼盤」HK$188
深海池魚、三文魚腩都好厚切肥美。

日本味覺深度遊 超豐盛刺身 HK$1,488
同場仲有「4人前刺身拼盤」HK$1,488,三五知己Share 食都大滿足,單單1板日本馬糞海膽(250g) 已經好有氣勢!極少見刺身拼盤咁有份量,再加埋赤蝦4隻、三文魚4片、鰤魚4片、鮪赤身4片、珍寶帶子4片,用嚟為朋友慶祝生日絕對撐得起場面。

順帶一提5月仲有生日優惠,只要提早一日訂位,4人同行即送西班牙LOLEA 有汽紅/白酒1支 (價值HK$288) 𠻹。
超豐盛「4人前刺身拼盤」HK$1,488。
難得一見成板日本馬糞海膽上枱,好啱嗌埋清酒邊飲邊食。

療癒感十足 綿滑蛋漿「拖羅丼」
日本人平時最鍾意嘅嘢食一定有T.K.G,即係生蛋醬油拌飯,綿綿蛋漿包住飯粒……真係一蛋入魂!呢個「拖羅丼」對於我嚟講就係T.K.G 進化版,同樣放上渾圓日本生蛋黃,加埋多片輕炙拖羅,每啖珍珠米都充滿蛋香同魚油香。
「拖羅丼」HK$168。

「日本拍賣: 馬糞海膽丼」
顧名思義選用日本拍賣嘅馬糞海膽,有別於常見嘅加拿大海膽。店主坦言雖然成本高好多,但味道口感都更勝一籌。
「海膽丼」HK$248。

【外賣客製化】別緻日本風 木盒壽司
簡約木盒仿如日本人高級便當,聚會打卡一流!井字分隔確保壽司完整送到府上。而且仲可以自選所有壽司款式,詳情可聯絡店家或到其Instagram 了解更多。
外賣木盒壽司整齊別緻,更可自訂壽司款式。

魚鮮生刺身專門店
地址: 銅鑼灣登龍街31-35號地下
電話: 25741238
* 資料由客戶提供