日本人放工/放假都好鍾意去居酒屋放鬆吓，而家尖沙咀居酒屋「黑木亭」Live Band x Busking登場! 可以聽歌, 唱歌又食日本嘢兼享受埋清酒買一送一優惠，盡情玩返晚!!
睇show必食推薦: 7折火焰A5和牛、草莓南蠻醬吉列炸蝦、多國生蠔買一送一優惠。
2025年3月3日起，每晚都有Live Band表演，「黑木亭」佔地過千呎，喺度一邊食日本嘢、一邊聽歌夠盡興。如果當晚氣氛好的話，仲有即興遊戲玩添！有禮物㗎~ ~
【多項激抵優惠】
火焰滋味A5宮崎和牛粒(180g)｜7折$258(原價$368)
儀式感十足嘅火焰A5宮崎和牛粒，員工會喺和牛側邊淋上冧酒點火，可以欣賞靚靚藍色火焰又唔影響和牛熟度，keep住5成熟好軟嫩。
唯美藍色火焰，儀式感十足。
Chill爆薯茄｜半價$18/支(原價$36)
「黑木亭」好多玩味打卡料理，好似呢道Chill爆薯茄，第一眼真係以為雪茄嚟(笑)，望真啲先知出面係牛油脆皮，咬開入面係滿滿薯仔沙律。一班人拎住扮食雪茄都玩咗一輪，估唔到食嗰陣牛油皮仲脆喎。有種外脆內軟綿綿口感，幾得意。
Chill爆薯茄現正半價優惠，相當「抵玩」。
食之前玩完一輪，外層牛油皮仲脆喎，入面嘅薯仔沙律就軟綿綿。
草莓南蠻醬吉列炸蝦｜7折$168(原價$228)
手掌咁長嘅吉列炸蝦過足口癮，蝦肉夠飽滿彈牙，最後再食啖士多啤梨解吓膩。
吉列炸蝦手掌咁長，蝦肉飽滿彈牙。
柚庵燒美腿乳鴿｜7折$48(原價$68)
乳鴿用新鮮柚子醬汁醃製七個小時後，並將乳鴿腿定型至美腿狀。直接拎住乳鴿腿食幾爽，咬開仲有啲鴿油同肉汁啊。
睇下佢隻垂直美腿(笑)，又食得又玩得。
萬勿錯過！多國生蠔 / 68mm珍寶燒蠔 / 燒帶子買一送一
多國生蠔優惠涵蓋3款～
- 法國Les Huitres St Martin$48: 蠔肉飽滿富海水味
- 西班牙Castillo$48: 厚身鮮甜
- 愛爾蘭 Irish Rock $48: 肉質飽滿爽脆
多國生蠔買一送一。
另外68mm珍寶燒蠔 / 燒帶子都有買一送一優惠!!
(左起)煙肉粒牛油燒蠔$68、黑松露白汁燒蠔$68、牛油芝士燒帶子$88
天降橫財炸福袋｜優惠價$148(原價$211)
料理名同擺盤都好喜慶，生日/慶祝飯局真係必食!! 自家製炸福袋入面係蝦膠、鮑魚、雞肉，蘸埋南蠻醬幾開胃。
自家製炸福袋係蝦膠、鮑魚、雞肉，香脆彈牙。
【三文魚迷必食】
脆滑吉列三文魚 配蟹肉芥末蛋黃醬
超厚切刺身級三文魚炸到酥脆～ 而且三文魚夠肥美又厚切，所以油脂感十足啊。加埋牛油果芥辣沙律醬，酸酸哋幾解膩，三文魚迷一定想再encore!!
超厚切刺身級三文魚，炸到金黃酥脆。
三文魚夠肥美又厚切，油脂感十足。
【日本石板燒體驗】
石板黃金斧頭扒套餐(約660g) 二人份｜7折$998(原價$1,425)
平時居酒屋料理好似細細份，驚又貴又食唔飽!? 「黑木亭」新推石板黃金斧頭扒套餐7折優惠!! 一坐低鋸份扒先；再追加其他打卡料理，肯定食得滿足又划算。
石板黃金斧頭扒(約660g) 二人份，現正7折$998(原價$1,425)。
呢度全部石板都係高溫上枱，肉扒油脂燒到「乍乍」聲真係又香又療癒。如果多人share，一定要嗌份足足660g嘅黃金斧頭扒。而且全部石板扒套餐都配送 高湯釜飯、蜆肉魚湯、千島沙律 各1份；以及沖繩菠蘿醬汁、特製蔥鹽醬、綠茶海鹽。一份扒試勻幾款口味，勁滿足啊。
斧頭扒肉質仲好粉嫩。
全部石板扒均跟配綠茶海鹽、特製蔥鹽醬、沖繩菠蘿醬汁。
想食細份啲，一人份都有㗎! 都有成300g, 滿足滿足~ ~
石板燒一人份推介～
石板M7澳洲和牛牛板腱扒套餐(約300g) $398
如果你鍾意牛扒嘅原始肉感，推薦呢款M7澳洲和牛牛板腱扒。油花分布均勻，又有肉質纖維咬口。
M7澳洲和牛牛板腱扒油花分佈均勻，又有原始肉感。
石板至尊安格斯封門柳扒套餐(約300g) $298。如果你追求咬口同肉質軟嫩，脂肪量較低嘅封門柳就好啱你喇，肉味仲好濃。
石板日本北海道豬梅柳扒套餐(約300g) $239
牛扒以外，仲有日本直送北海道豬梅柳扒，肉質比一般豬扒鬆軟好多，外層微焦香好惹味。
日本直送北海道豬梅柳扒，鬆軟惹味。
【鍋物限定品】
*請勿打擾*熊の壽喜鍋
一上枱就好靚嘅熊の壽喜鍋，熊仔湯冰會慢慢融化壽喜燒湯出嚟，真係少女心爆發!! 可以自選A5宮崎和牛 / 爽脆豚肉片 或 雙拼都得，全部7折幾抵食。
*請勿打擾*熊の壽喜鍋，超爆滿和牛!!
熊仔湯冰會慢慢融化壽喜燒湯。
鯛魚湯百寶海鮮鍋
海鮮fans一定要試嘅百寶海鮮鍋，鍋邊放滿日本松葉蟹、南非鮑魚、生蠔、鱔、大蝦等等等，想食咩就直接喺鍋邊夾幾方便。跟配蘿蔔蓉香蔥汁、秘製沖繩菠蘿汁，酸酸甜甜更突出鮮味。食到最後真係忍唔住飲埋湯汁，集合晒海鮮精華勁鮮甜啊。
鯛魚湯百寶海鮮鍋，集合多款新鮮海鮮。
熊の降臨豆乳豬骨鍋
配M7澳洲和牛珍寶雜錦盤｜優惠價$378(原價$540)
另一款熊仔鍋係豆乳豬骨湯底。熊仔湯冰係天然豆乳雪成，開火後慢慢融入豬骨湯底就食得啦！自家製豬骨湯底係用骨筒、豬肉熬10幾個鐘而成，零味精好乳白濃郁㗎，用嚟淥和牛好正!! 鍋料豐富，有M7澳洲和牛、帆立貝、豬腩片、野菜等。
熊の降臨豆乳豬骨鍋，自家製豬骨湯底零味精。
松葉蟹芝士石鍋海鮮飯
估唔到石鍋飯都有大大隻松葉蟹腳食!! 「黑木亭」特意由日本引入嘅鮮甜松葉蟹腳，蟹迷必試啊。
松葉蟹芝士石鍋海鮮飯，特意由日本引入嘅鮮甜松葉蟹腳。
石頭鍋飯上面，鋪滿特製芝士醬。
【睇Show飲酒！盡情飲飽食醉】
限定版清酒買一送一；以及其他cocktail、shooter、tower 都應有盡有。
清酒優惠包括：
- 米一途 純米酒 $398/2支(720ml)
- 本月特選限量版 $538/2支(720ml)
- 大嶺三粒米 純米吟釀 $728/2支(720ml)
3月3日起，每晚都有Live Band。
【尖沙咀抵食Lunch: 免費自助沙律吧】
「黑木亭」午市套餐低至$72，另送自助沙律吧、麵豉湯、前菜及飲品，CP值極高！私心推薦黑椒牛肉粒陶板燒$88、韓式辣醬雞柳陶板燒$88，100蚊有找就有真火熱住陶板燒上枱，可以自己邊炒邊食，儀式感十足啊。
(左)黑椒牛肉粒陶板燒$88、(右)韓式辣醬雞柳陶板燒$88
另送自助沙律吧、麵豉湯、前菜及飲品。
優惠一覽！唔好錯過精彩優惠～
優惠1 多國生蠔 / 68mm珍寶燒蠔 / 燒帶子買一送一 多國生蠔包括:- - 法國Les Huitres St Martin$48: 蠔肉飽滿富海水味 - 西班牙Castillo$48: 厚身鮮甜 - 愛爾蘭Irish Rock$48: 肉質飽滿爽脆
68mm珍寶燒蠔 / 燒帶子包括:- 煙肉粒牛油燒蠔$68 / 黑松露白汁燒蠔$68 / 牛油芝士燒帶子$88
優惠2 即日至4月30日，一至日 (包括公眾假期) 適用 - 12:00-14:30--單點餐牌88折 - 15:00-17:30(入座)--單點餐牌6折 - 18:00-20:30--單點餐牌88折 - 21:00-23:30(入座)--單點餐牌6折 #午市定食、已折食品及飲品除外
優惠3 限定版清酒 買一送一(低至$398/2支) - 米一途 純米酒$398/2支(720ml) - 本月特選限量版$538/2支(720ml) - 大嶺三粒米 純米吟釀$728/2支(720ml)
優惠4 生日優惠(正日前後一週內) - 免切餅費 - 免費生日驚喜大燈牌 及 Live band生日歌助慶 / 點播你心水歌曲(3月3日起每晚有Live Band) - 消費滿$800，即送指定甜品1份(附設免費寫名服務) - 8人以上預訂，免費升級VIP Private K房(必須電話及訂金確定)
以上優惠日期: 即日起至2025年5月30日 *如優惠時段相同，所有優惠可同時使用 ^午市定食、已折產品及飲品除外 |
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下至1樓
電話: 23296669