【居港日本人愛店】地道正宗日本菜連食6日都唔悶
想知間居酒屋夠唔夠正宗,睇吓有無日本人幫襯就最直接啦。開業21年嘅「八海山」一直吸引好多居港日本人。
原條蓮子鯛刺身。清爽彈牙,愈食愈鮮甜。
老闆張先生提到:「以前我喺日本留學,一放假就會出遊日本各地,差唔多去勻成個日本喇(笑)。嚟到香港,就好想將當地食過嘅嘢煮返出嚟,所以呢度主打日本家庭料理,估唔到吸引好多日本人嚟食,佢哋話好似返咗屋企食飯咁好親切,有時仲連續食足6日㗎。」

【激多刺身】駐豐洲市場買手 親揀靚魚
呢度師傅跟日本師傅學師多年,做法正宗。並有駐東京豐洲市場買手搶購,除咗人氣拖羅、海膽、三文魚外,買手仲會特選當日靚魚入箱,老闆都係開箱先知有咩魚㗎。

「買手發辦」會即日運到香港,店內白板即時寫上當日靚魚,如目仁奈、剥皮魚、魴鮄等,唔係度度都食到。原條魚刺身大約$450至$880,相當抵食呀。老闆笑指:「就算喺香港,都真係食梗東京味㗎。」

特上雜錦刺身,集合多款人氣刺身。

Budget 少但想食刺身,呢道刺身沙律只係$95 已經鋪滿各款魚生!
刺身沙律鋪滿魚生,加埋秘製酸辣汁好開胃。
同場另有龍蝦沙律。

老闆續道:「而家食Omakase 閒閒地都幾千蚊,但呢度每人幾百蚊已經食得好滿足,有好多壽司、天婦羅、燒物、地道料理揀。」
(左)芒果炸蝦卷、(右)鯖魚箱押壽司。
呢度有手握壽司外,亦有各款卷物、大阪名物箱押壽司。

【店長推介!】限定料理 要食就快
單點餐牌已有超多日本料理,師傅仲會不定期更新限定Menu,即睇今期店長推介有咩食。

牛腸鍋
九州福岡街頭,滿街餐廳都寫住「もつ鍋」,其實就係當地名物「牛腸鍋」喇。大小牛腸香而不膩,Q彈口感愈咬愈香,滾住食飲酒一流。店家早前一出就賣晒,今次特地從日本訂足料㗎。
「牛腸鍋」湯底則依關東煮法,以清湯突出牛腸香。

元氣豆腐
呢道料理好受日本人歡迎,嫩豆腐鋪滿吞拿魚蓉,三文魚子、納豆,再淋上酸辣汁,健康又好食。
估唔到豆腐同吞拿魚蓉好夾,口感軟綿綿。
鐵板和牛粒。熱辣辣鐵板上枱,咬開和牛粉嫩油香。
(左)明太子煎蛋卷、(右)燒芝麻雞翼[日本產]。

【即燒燒物】
所有燒物都係即叫即燒㗎。
雜錦串燒,由師傅手串新鮮食材。
銀鱈魚西京燒。

【佐酒料理】炸物·天婦羅·香口小食
日本居酒屋當然係飲酒傾計啦,多款佐酒料理好啱share。
鵝肝法包。日本人請朋友食飯必點。
(左)忌廉薯仔餅、(右)宮崎南蠻雞。
日本經典炸物,薯仔餅內餡好creamy。
雜錦天婦羅炸漿薄脆,有大蝦、多款日本野菜。
雞泡魚乾。特用最高級雞泡魚乾,比坊間更厚肉鹹香。

八海山
地址: 尖沙咀寶勒巷26-36號華寶大廈地下1-4號舖
電話: 34269960
* 資料由客戶提供