想要無敵大海景食飯,將軍澳海傍呢間“The Hunter”食地中海菜CP值好高,室外有一望無盡海景天際線,仲可以坐鞦韆位打卡。
![](https://www.openrice.com/userphoto/CMSContent/0/8G/001O8T6A5C48D8625FB127j.jpg)
“The Hunter”室外座位可以望無敵大海景,影相一流。
![](https://www.openrice.com/userphoto/CMSContent/0/8G/001O8UE252AB16F0FBAF1Cj.jpg)
室內氣氛都好好㗎,有時仲會打開晒全部玻璃門變半開放式。
而且外籍大廚堅持全用飛機直送食材,特設Josper Grilled炭火烤爐、牛扒熟成櫃。嚟到一定必食炭燒牛扒呀,超厚切又肉味濃郁!!
![](https://www.openrice.com/userphoto/CMSContent/0/8G/001O8V1347385B515F32BAj.jpg)
自設熟成櫃。熟成牛扒經天然酵素自行分解,特別柔軟濃郁。
![](https://www.openrice.com/userphoto/CMSContent/0/8H/001O8W2AFDC58F910D6AFDj.jpg)
睇吓牛扒幾厚切!!
“The Hunter”主打嘅地中海菜好健康,當地人主要用天然香料、水果調味,同平時化學調味好唔同,特別食到海鮮、肉類嘅原始味㗎。
Salad | Hunter Garden
最估唔到係沙律都好出色,呢道Hunter Garden係招牌之一。員工會推出藍色餐車,喺你面前即席炮製!! 全部外國直送食材,有原種番茄、青瓜、羅馬生菜、蘿蔔、歐芹等,最後加埋脆麵包、自家製薄荷醬Fresh得嚟幾香口,成個用餐體驗都好圓滿呀。
![](https://www.openrice.com/userphoto/CMSContent/0/8H/001O8X837824F33FCCC250j.jpg)
員工會推出藍色餐車喺你面前即席炮製,用餐體驗好圓滿。
![](https://www.openrice.com/userphoto/CMSContent/0/8H/001O8Y03A916854264F17Fj.jpg)
最後加埋脆麵包,Fresh得嚟幾香口。
Starter | Burrata
夏天嚟望海食個沙律都幾爽,身為芝士控必食Burrata。有原個布拉塔水牛芝士,一切開啲芝士慢慢流出嚟真係好療癒,連埋印加櫻桃蕃茄、士多啤梨一齊食幾清甜。
![](https://www.openrice.com/userphoto/CMSContent/0/8H/001O8Z1B417D3C0F69A3A5j.jpg)
布拉塔水牛芝士沙律
![](https://www.openrice.com/userphoto/CMSContent/0/8H/001O903AABE9B433F0750Dj.jpg)
一切開芝士會慢慢流出嚟,好療癒。
Burger | 黑安格斯牛肉漢堡
呢度嘅漢堡係用黑安格斯牛肉㗎!! 足足250克,一切開仲見到好多肉汁。特別用咗2種芝士—埃文達芝士、車打芝士,芝士味濃夠鹹香。個醬都好有記憶點,係煙燻紅洋蔥果醬同自家製漢堡醬。
![](https://www.openrice.com/userphoto/CMSContent/0/8H/001O91D6E4E3B49B7BADD9j.jpg)
黑安格斯牛肉漢堡,加咗2種芝士—埃文達芝士、車打芝士。
Mancini Pasta & Risotto | 蘑菇意大利飯
“The Hunter”好啱三五知己傾偈慢食,意大利飯就好啱一齊Share,再配啲海鮮、牛扒做主菜啱啱好。蘑菇燴飯鋪滿巴馬臣芝士好Creamy,仲有淡淡松露香。
![](https://www.openrice.com/userphoto/CMSContent/0/8H/001O929B31CA7EF5226119j.jpg)
蘑菇意大利飯鋪滿巴馬臣芝士,並有淡淡松露香。
Lobster Fra Diavolo
呢道辣番茄龍蝦意大利麵CP值好高!! 足足半隻龍蝦幾多肉,辣番茄醬微酸輕辣,夏天想食啲酸嘢開胃就啱喇。
![](https://www.openrice.com/userphoto/CMSContent/0/8H/001O9360A80F5E405C534Ej.jpg)
辣番茄龍蝦意大利麵,有半隻龍蝦幾厚肉。
Main | Pan-Fried Salmon
呢度嘅海鮮好鮮甜,連三文魚都特別重魚味。而且魚皮煎到金黃色脆脆地,加埋法式白奶油醬一齊食更加嫩滑。
![](https://www.openrice.com/userphoto/CMSContent/0/8H/001O94B8588828344C20ADj.jpg)
三文魚皮到金黃香脆,配白酒幾夾。
Grilled Lamb Cutlets
除咗牛扒,呢度其他肉扒都係Josper Grilled炭爐燒㗎。食羊嘅話可以揀炭烤澳洲羊扒伴煙燻茄子,肉味幾重,餘韻有啲羊味但唔羶,可以配埋魚子醬同薄荷油。
![](https://www.openrice.com/userphoto/CMSContent/0/8H/001O9579A6196BB341CCA5j.jpg)
炭烤澳洲羊扒伴煙燻茄子,餘韻有羊味但唔羶。
Braised Lamb Shank
鍾意嫩啲、啖啖肉啲嘅話,可以揀燉澳洲羊膝。用叉輕輕一拮就已經肉骨分離,羊肉燉到好嫩㗎。
![](https://www.openrice.com/userphoto/CMSContent/0/8H/001O9676D60402BA3E80D4j.jpg)
燉澳洲羊膝燴白腰豆,比羊扒更啖啖肉。
THE HUNTER
地址: 將軍澳唐賢街29號藍塘傲地下11號舖
電話: 23300204