【天后高質小店】第2份和牛65折 清酒買1送1
晚市堂食重臨天,即刻搵班老死吹下水,食吓串燒、飲啖酒。天后呢間小店「黑木亭居酒屋」,主打串燒之餘,仲引入多款和牛、海鮮主食,加埋多款串燒、和食同清酒,感覺真係好似去咗日本居酒咁。其實黑木亭開業無耐,甫開業時嘅海鮮主題已留下深刻印象。相隔一個月後再嚟一試,食物質素依然Keep 到高上外,亦好欣賞老闆娘花心思又有新主題—日本岩手縣A4和牛,優惠期間仲有「第2份和牛68折」𠻹。

岩手縣A4和牛主題 第2份和牛68折
超厚切和牛三文治
今次共有4道和牛菜式揀,只要Order 其中2款就可以享受優惠喇!當中最有驚喜嘅,不得不提呢道和牛三文治,和牛厚度絕對稱得上誇張!我哋仲笑問老闆娘塊和牛遲啲會唔會薄咗㗎?老闆娘笑言「一樣係咁厚!有啲熟客見到和牛咁厚,仲講笑話戥我哋唔抵𠻹 (笑)」。小店另一引人入勝嘅地方,就係可以同老闆好似朋友咁傾計,特別有親切感同氣氛。

三文治仲鋪上海膽、黑魚籽醬,和牛油香夾雜海膽同魚籽嘅鮮甜鹹香,味道層次豐富。
和牛極厚切,一咬即滲出油香,多士同海膽解膩恰到好處。

幸福感!海膽鵪鶉蛋和牛飯
丼飯鋪滿和牛,炙燒牛肉依然粉嫩燒得啱啱好,咬落軟嫩有肉味。最好味嘅食法,係先用筷子戳開半熟鵪鶉蛋,將蛋漿、海膽、和牛同飯撈勻,蛋漿同海膽嘅綿滑+軟嫩和牛,配埋微QQ口感嘅日本產久保田米,幾種口感混合真係好食到有幸福感㗎!
和牛輕輕炙燒,保留和牛油脂同肉香。

一試和牛最原始味道 和牛他他
和牛他他嘅和牛輕燒至一成熟,配埋極薄切刀功,最保留到和牛原始肉味同軟綿綿口感。食前先沾上自家調製洋蔥酸汁,微辣輕酸,好自然咁一片接一片食晒清碟。

和牛他他一食上癮,好快就清碟。

有油香.有咬口 板燒和牛扒
想享受實實在在嘅和牛扒,推薦板燒日本產和牛扒。師傅將和牛輕燒至5成熟,外香內嫩,切件上枱食落更輕鬆,一夾入口,同朋友Share 都方便得多。和牛扒另一吸引之處在於夠厚度,保留到油脂香之餘又有咀嚼樂趣,可以愈咬愈有肉香。
和牛扒切件上枱,方便同朋友Share。

清酒買一送一 日式酒壺夠氣氛
食和牛、串燒點可以無清酒,店家特意引入各款清酒—輕帶果香嘅「京姬匠純米大吟釀」、帶洋梨芳香爽雅嘅「作惠乃智純米吟釀」、口感綿滑又帶米酒甜味嘅「北秋田濁酒」等。

想菜式配啱清酒,落單時都可以問吓店員推薦㗎,上枱時仲有日式酒壺邊飲邊斟更有氣氛,記住用埋清酒買一送一優惠,好抵飲!
日式酒壺可以邊飲邊斟,好有氣氛。

海膽飯團
老闆娘上個月推出嘅海鮮主題,就知道店家好擅於海鮮入饌,創造出多款特別海鮮菜式。所以除咗Order 和牛外,仲特別一試海膽飯團。依日本傳統燒飯團做法,將飯團外層烤至脆口,內裡飯粒依然保持濕潤軟彈,配埋甘甜飽滿海膽又係一絕。
飯團烤至輕脆,配搭Creamy 海膽相映成趣。

午市串燒優惠 串燒8折!
作為串燒店,除咗有多款主食外,仲有好多串燒款揀,如明太子雞肉、白鱔、黑毛和牛串、厚燒牛舌等都好人氣。趁午市嚟仲有「串燒每串8折」優惠,最平HK$23就有一串,相當抵食。
多款串燒選擇。大人氣明太子雞肉串燒,將明太子加埋沙律醬好香濃,女仔一定鍾意!

晚市優惠,星期日至四單點餐牌88折/ 生日訂座 即影即有心意卡+甜品1款
一直都話女仔特別有心思,黑木亭嘅老闆娘亦為生日食客準備多個打卡時刻!只要預先訂座並說明慶祝生日,店員會幫你影免費即影即有一張,並貼心地放入可愛信封中,連埋心意卡畀你帶返屋企留念,另食滿HK$1,000仲有甜品送㗎!

即影即有會放入心意卡中,好有心思。

黑木亭居酒屋優惠一覽!

- 第二份和牛68折

- 清酒買一送一

- 午市優惠,串燒8折

- 晚市優惠, 星期日至四單點餐牌88折

- 生日訂座,即影即有一張配心意卡

消費滿HK$1,000 送甜品1款


黑木亭居酒屋
地址: 天后清風街10號清風大廈地舖
電話: 26606373
* 資料由客戶提供