香港好多識食嘅人都鍾意去天后一帶搵食，行吓行吓就會搵到驚喜小店。身為夜鬼，去到呢間串燒居酒屋「黑木亭」，發現佢哋營業時間會係9月份回復疫情前— 夜晚11點先關舖，絕對可以食得盡興。
好有氣氛嘅居酒屋，營業時間至晚上11點，最近更特邀壽司師傅主理刺身、壽司。
【芒果流心系列】必食半價龍蝦！
正值夏天，第一炮壽司系列就新推「芒果流心系列」，用清甜呂宋芒突出海鮮鮮味。當中必食半價優惠「芒果芝士龍蝦」！原隻龍蝦起肉再鋪上芝士燒溶，龍蝦肉食落更濃郁！加埋呂宋芒同秘製流心醬汁，甜甜酸酸好有層次感。
「芒果芝士龍蝦」半價優惠$288 (原價$576)
爆料滿足感！芝芒將軍卷
鍾意入口爆料嘅滿足感，一定要食「芝芒將軍卷」。除咗有熟悉嘅加洲卷餡料—蟹柳、青瓜、玉子，外層仲有滿滿秘製流心醬、三文魚同蟹子。
芝芒將軍卷
爆多料！創意壽司反卷
其實Q彈左口魚邊一直有班Fans，但香港壽司店都好似冷落咗呢款刺身。難得呢度有卷物係左口魚邊做主角，梗係要一試啦！
火灸左口魚邊卷
玻璃盒前菜 開動前打卡一流
用雅致玻璃盒裝載嘅前菜「芒の船。三貫」，好啱喺正式開動前靚靚地影相打卡～芒の船分別有芒果三文魚、芒果蟹腳，芒果三文魚子。
芒の船。三貫
仙氣十足！日本產A4和牛魔方
散發輕煙嘅玻璃箱好夢幻～而且牛魔方一口一粒，女生一定要Order!! 其實牛魔方係大廚將板燒牛肉燒至5成熟再切成魔方Size，和牛粒更彈牙有咬勁，邊咬邊滲出肉汁。和牛燒至5成，熟度剛好突出肉味又唔會韌。
岩手縣A4和牛主題 超厚切吉列和牛三文治
呢度仲有好多人氣和牛菜式，將日本岩手縣A4和牛做得出神入化。個人次次都忍唔住食嘅係超厚切「日本產A4吉列和牛三文治」！
【刺身系列】CP值高！7折食刺身盛合
同場仲有「五點刺身盛」7折優惠$342 (原價$488)、「三點刺身盛」7折優惠$181 (原價$258)，同樣有三文魚、油甘魚、劍魚腩外，五點盛仲額外有日本海老、刺身帶子，全部都係最人氣刺身，趁優惠期食CP值好高呀！
「五點刺身盛」7折優惠$342 (原價$488)
「三點刺身盛」7折優惠$181 (原價$258)
清酒優惠涵蓋咗清爽至辛辣唔同口味嘅清酒，員工仲會按你嘅點菜款式推介返2款清酒，如果食壽司就夾清香啲嘅清酒；串燒就夾辛味清酒，咁就用盡到買一送一優惠啦！
清酒買一送一優惠，涵蓋多款口味、級數清酒。
【午餐優惠低至$98】晚市質素！日本直送刺身
天后一帶都有好多街坊、上班族食Lunch，想午餐獎勵吓自己就要捉緊優惠喇！而家午餐優惠低至$98，有盛丼、壽司拼盤、和牛漢堡等。而且午餐嘅刺身魚材都係用新鮮飛機貨，質素同晚市一樣但價錢平一截，其實好抵食㗎！
真．自家手打 日本A4和牛漢堡！
呢個和牛漢堡好值得一試，因為真係自家製人手打出黎。將日本A4和牛打得軟綿，加上和牛本身嘅香濃油份，入口軟綿又滲出油香，真係平時漢堡食唔到嘅味道！
漢堡仲係即叫即煎，所以外層有輕微焦脆，配埋芝士、新鮮蔬菜等真係超香口開胃。
日本產A4和牛漢堡包拼薯條
日本直送！集合人氣刺身丼飯
既然午餐嘅刺身都係用日本直送刺身，嗌刺身丼飯真係有賺！想食得最高級可以揀「日本直送特上角切魚生丼」，全部都係廚師發辦專揀當日日本靚魚。
「三品盛丼」就集合咗三文魚、京蔥吞拿魚、三文魚籽。唔使講太多，全部都係香港人氣刺身，Lunch 食呢個份量真係好滿足。
日本直送特上角切魚生丼(左) 三品盛丼(右)
集合人氣刺身丼飯！
「三品盛丼」就集合咗三文魚、京蔥吞拿魚、三文魚籽。唔使講太多，全部都係香港人氣刺身，Lunch 食呢個份量真係好滿足。
8件手握壽司＋日本稻庭烏冬
始終有股壽司癮可以揀呢個「木。壽司拼盤拼迷你烏冬」，足足有8件壽司相當豐富，最後食埋清湯稻庭烏冬暖吓胃。
壽司拼盤包括三文魚、鰻魚、左口魚邊、芥末八爪魚、京蔥吞拿魚軍艦等。
優惠一覽:
1) 「芒果芝士澳洲龍蝦」半價低至$288; 2) 「夏日刺身盛」7折．「三點刺身盛」低至$181; 3) 消費券優惠單點餐牌88折 (飲品類、星期五、六、公眾假期及節日除外); 4) 新款指定清酒買一送一; 5) 新推午餐優惠低至$98; 6) 生日/週年/節日慶祝訂座，消費滿$1,000送指定祝福語甜品1款; |
黑木亭居酒屋
地址: 天后清風街10號清風大廈地舖
電話: 26606373