【和式花花燈+海景】情人節餐食盡刺身·和牛! 星期四壽司半價
情人節生存之道~揀餐廳要揀有靚景嘅。北京道一號呢間日本菜「花楽」就有落地玻璃望維港靚景,和式設計掛滿花花燈好靚,輕鬆影相放閃。
「花楽」唯美和式設計,落地玻璃映透尖沙咀海傍。

唔熟酒都唔使擔心,駐場唎酒師可按你喜好推薦各種清酒。

情人節套餐超豐富!! 基本上有齊想食嘅嘢,好似拖羅、刺身、卷物、天婦羅、燒和牛、鵝肝丼飯等,女神一定鍾意。
情人節套餐大滿足。

除咗情人節嚟食飯,適逢「花楽」開業一週年,星期一至日都有唔同優惠㗎,一次過睇晒有咩食啦~

【激豐富】情人節套餐$1,314/2位

沙律

煙三文魚水果沙律

 

前菜

心形牛油果拖羅他他

 

刺身

日本真蠔

牡丹蝦

拖羅

時令白身魚

 

卷物

火灸帆立貝蟹膏蟹肉卷

 

天婦羅

海老天婦羅

 

燒物

紅酒汁鹿兒島和牛

 

食事

靈芝菇鵝肝迷你醬油丼飯

日本鮑魚鮮蝦清湯

 

甜品

玫瑰奶凍


刺身包括日本真蠔、牡丹蝦、拖羅、時令白身魚。

火灸帆立貝蟹膏蟹肉卷,帆立貝好大隻呀。

海老天婦羅、梅子紫蘇穴子天婦羅卷。
穴子天婦羅嘅紫蘇葉味好重,餘韻微酸好有層次。

紅酒汁鹿兒島和牛。和牛激重油脂,加多啲燒汁甜甜地更解膩。

靈芝菇鵝肝迷你醬油丼飯,鵝肝勁大件!

日本鮑魚鮮蝦清湯,原隻鮑魚好Q彈。

【每日都有優惠】一週年感謝祭
優惠涵蓋廣泛,日本直送活魚+海膽、晚市大餐牌8折、$99日本刺身等等等。選擇困難症嘅話,個人推介星期四壽司半價優惠呀。嚟得食日本嘢都想食壽司,全部半價唔使煩最抵食呀。

星期四壽司半價優惠!每日飛機直送魚材好新鮮,件件都好厚切㗎。

三文魚腩壽司

金目鯛壽司

(左)日本牡丹蝦壽司、(右)赤身壽司

刺身壽司外,仲有鵝肝壽司。

【坊間激罕】日式花園下午茶
呢度有好少見嘅日式下午茶,珍寶熱氣球三層架放滿海膽、拖羅、油甘魚、吞拿魚蓉蟹肉最中餅等等;另有小食—三文魚刺身、日式炸蟹鉗、鱈魚乾,真係少數下午茶咁豐富!! 仲要唔使食嚟食去都係西式鹹點啦。
「花楽」日式花園下午茶

坊間好少有日式下午茶,仲要咁精緻豐富。

拖羅、甜蝦刺身

時令海膽刺身

吞拿魚蓉蟹肉最中餅

甜品真係下午茶主角嚟,所以隆重其事以甜品玻璃屋登場。日本和菓子、櫻花水信玄餅、日本蛋捲等,全部都係精緻唯美甜品嚟㗎。
甜品玻璃屋

(左)日本和菓子、(右)櫻花水信玄餅

芝士蛋糕

Lunch日本料理+咖啡Me Time
唔知大家有無發覺,日本好多餐廳都會有咖啡飲,不過香港嘅日本餐廳就好少見喇。「花楽」特意引入咖啡機,即場沖調100%阿拉比卡咖啡豆,入口有榛子、漿果味平衡可可濃郁香氣;亦會不定期推出各種果味咖啡、牛油果咖啡㗎。

Lunch選擇都幾多,新年前後holiday mood食刺身、壽司、海鮮丼哄吓自己。同場都有多款CP值高定食,網燒西冷牛扒、岩鹽脆皮雞扒、滑蛋吉列黑豚丼、鹽燒青花魚等,只係$88起。

私心推介大阪咖喱系列,香濃咖喱同炸物特別夾。冬天食個大阪咖喱吉列豚肉、大阪咖喱雞扒、大阪咖喱炸沖繩雞粒,幸福感爆滿呀。
大阪咖喱雞扒

大阪咖喱吉列豚肉

花楽 (北京道1號)
地址: 尖沙咀北京道1號8樓801室
電話: 26222386
* 資料由客戶提供