【咁先係正宗波士頓龍蝦?】Shake正宗龍蝦.黃道蟹
個人覺得海鮮最重要真係個「鮮」字,如果海鮮來貨質素好真係點煮都好食,所以揀海鮮餐廳前都會留意吓間餐廳用咩貨源先。出晒名食Shake Shake 海鮮嘅Mr. Crab by The Captain's House,除咗必食Shake Shake 海鮮拼盤外,最近仲同美國非營利組織Food Export USA - Northeast 合作,引入正宗波士頓龍蝦(Boston Lobster) 同黃道蟹(Jonah Crab) 設計多款新菜式。
Mr. Crab by The Captain's House 主打美式海鮮。

原來唔係所有波士頓龍蝦都正宗?
Food Export USA - Northeast幫助美國既東北部地區將優質海鮮、農產品出口到世界各地。Mr. Crab by The Captain's House 就透過組織由美國緬因州引入正宗波士頓龍蝦,點解會講「正宗」呢?因為緬因州先係波士頓龍蝦原產地,但坊間好多聲稱嘅「波士頓龍蝦」都由其他地方引入,有啲甚至唔係嚟自美國㗎。
店內有水缸養住游水海鮮。

原產地緬因州 保護龍蝦生態  
由原產地緬因州出產嘅龍蝦,特別爽甜厚肉之外,當地亦採取好多措施保護龍蝦資源,包括要有捕撈許可證嘅人先可以進行捕獲,並限制證許可證發放量;而且不得捕撈帶卵雌性龍蝦或體積過小嘅未成年龍蝦,確保龍蝦生態可持續發展。所以食嚟自緬因州嘅正宗波士頓龍蝦,除咗好味之外,仲為保護龍蝦資源出一分力。

食正宗波士頓龍蝦 肥美爽甜
Mr. Crab by The Captain's House 為咗呈現波士頓龍蝦天然鮮味,回歸基本用最簡單嘅炭燒方法煮製,輕輕掃上牛油已經好夠。用叉一拮已經起到完整肥美龍蝦肉出嚟,口感味道係預想中嘅彈牙爽甜,有驚喜嘅反而係超多龍蝦膏好香濃。
原隻波士頓龍蝦開邊,多肉多膏。

龍蝦肉厚,嫩滑得嚟夠紮實。

龍蝦頭+龍蝦殼煮出精華Pizza 醬
懶得自己拆肉嘅話仲可以揀波士頓龍蝦Pizza,將原隻蝦龍起肉鋪滿Pizza。呢度嘅Pizza 薄而脆,餅底再掃上龍蝦醬汁~醬汁係大廚將龍蝦殼打碎,再加埋龍蝦頭煮成,可以話係龍蝦精華呀~
龍蝦Pizza 集合龍蝦肉同龍蝦精華,又係另一種風味。

黃道蟹 一次過食晒蟹肉蟹膏
講完大家都熟悉嘅波士頓龍蝦,Food Export USA - Northeast 亦引入咗香港比較少見嘅美國黃道蟹(Jonah Crab)。好多人食蟹都會問「呢種蟹多肉定多膏?」,黃道蟹就唔使你喺蟹肉同蟹膏之間痛苦選擇,因為黃道蟹有肉又有膏,肉質鮮甜,每隻約重400至500克,2個人食1至2隻啱啱好。

雖然唔使喺蟹肉蟹膏之間選擇,但如果你真係好鍾意蟹膏嘅Creamy 香濃味,可以揀呢道黃道蟹意大利飯。大廚將濃郁蟹膏煮入意大利飯,口感軟綿,食落先有蟹膏味再滲出淡淡菌香。推薦先食鮮甜嘅蟹鉗肉,再留少少蟹肉撈落飯食,由淡至濃食最滋味。
蟹膏意大利飯好Creamy。

香港風味 超香避風塘炒黃道蟹
想試真啲黃道蟹,仲有呢道避風塘炒鐘拿蟹,兩隻完整黃道蟹上枱,兩個人Share 都滿足。大廚想融入香港風味,所以加入滿滿蒜蓉炒香,但就無傳統避風塘咁多乾蒜同辣椒,避免搶走蟹肉鮮味。

避風塘炒法加入蒜蓉,好香口。

招牌Shake Shake海鮮 冬季限定巴馬臣芝士醬一齊Shake
嚟到Mr. Crab by The Captain's House 當然要食埋Shake Shake 海鮮,嚟梗新Menu 都會加埋波士頓龍蝦同黃道蟹畀大家加入一齊Shake 㗎。海洋藍Shake Shake 袋入面有海鮮、粟米、腸仔同番薯。醬汁有4款揀,限定巴馬臣芝士醬預定冬季推出~濃郁醇厚芝士包住海鮮勁暖胃滿足。
海洋藍Shake Shake 袋裝滿海鮮上枱。

可以揀3、5或8款海鮮一齊Shake。

Mr. Crab by The Captain's House
網上訂座即賺里數    
地址: 灣仔莊士敦道74-78號一樓及地下C號舖
電話: 23288511
Product of USA
* 資料由客戶提供