約朋友食飯梗係想食餐好，但有時西餐份量會大失預算，靚靚擺盤只得細細塊扒。尖沙咀「Poseidon」就想食客係飽住返屋企，所以菜式份量超足，好啱一班人開心Share！最重要價錢一啲都唔貴，私心推介CP值極高餐廳之一！
「Poseidon」仲要係酒吧餐廳，啤酒、紅白酒、雞尾酒款式超多，飲飽食醉大滿足！而且室內空間感大，又有開揚Outdoor 座位，飲酒傾計都坐得舒服。
室內靚位有煙霧特效，好有氣氛。
空間感大，有高凳、卡位同Outdoor 揀。
IG打爆卡! 潮食海鮮船「珍珠號」Seafood Cruiser
嘩嘩嘩! 呢隻船全場吸晴打卡呃like一流，仲飲得食得，船上掛住一杯杯既分別係生蠔、大蝦Cocktail、牛油果蟹肉同磯煮鮑魚。生蠔鮮甜爽口帶海水味，最特別既係會配上wasabi汁、威士忌汁同清酒汁，Wasabi 汁酸酸甜甜，威士忌汁酒香味濃，清酒汁帶甜味，總有一款啱口味。
大蝦Cocktail既大蝦相當新鮮，肉質爽彈帶鮮甜味，Cocktail 汁酸酸甜甜蕃茄味濃郁，食完好開胃。牛油蟹肉沙律上面有魚子醬同金箔。而且蟹肉份量都幾多，加埋牛油果一齊食，都幾飽肚。磯煮鮑魚煮得好淋而且好入味，可以夾埋飛魚子一齊食，口感脆卜卜，幾得意。
海鮮控必食！烤龍蝦及海鮮拼盤
呢度出名海鮮多、牛扒大～想食到大滿足都係必嗌！先睇呢個「烤龍蝦及海鮮拼盤」就放滿波士頓龍蝦、蝦、扇貝、魷魚、三文魚、藍青口、蜆，一眾海鮮連埋豬肉腸、烤蒜頭、牛油多士、粟米一齊烤焗，油香滲入海鮮勁惹味！
員工即場介紹 多款即開生蠔
大廚仲會按時令引入西班牙、愛爾蘭、澳洲新鮮生蠔，Order 時可問員工當日推介。如果鍾意清生啲，可揀西班牙生蠔，每隻約110至130g，接近No.1 Size 差唔多手掌咁大。
偏好重海水味推薦澳洲生蠔，味道偏鹹、蠔味濃；愛爾蘭生蠔則輕甜，後續有獨特鐵鏽味。
超大份牛扒！炭燒25安士美國斧頭扒
斧頭扒同樣勁大份，用美國Prime 級斧頭扒，足足有25安士重！大廚推薦燒至4成熟，再放置3至5分鐘令熱力慢慢滲入肉內，令肉質最粉嫩又Keep 到肉味濃！
炭烤美國斧頭扒足足25安士，會配上烤雜菜同燒汁。
肉控另一選擇 烤脆豬手配薯蓉
肉控仲有呢道烤脆豬手選擇，以秘方配料醃製處理36小時，就算豬手咁肉厚都好入味。焗製前再用針刺洞，令焗製過程中將豬手水份逼出，所以食落特別脆！
清新健康前菜 三文魚他他
睇完必食大份量海鮮、牛扒，單點Menu 仲有多款前菜、小食拼盤、意粉、Pizza等。呢道「三文魚他他」作為前菜甜甜酸酸，相當開胃。而且擺盤好靚，好啱打卡影相。
上面鋪滿智利黑魚子醬、三文魚；下方則有健康紅菜頭、藜麥、白汁，一次過將多款食材入口，味道口感都好豐富，最鍾意黑魚子粒粒都卜卜脆，爆開有魚油香。
足料脆底 人氣海神Pizza
大廚坦言呢度嘅Pizza 好抵食，餡料極多、餅底夠脆，所以一推出已大受歡迎。身為海鮮控，梗係一試招牌「海神Pizza」！滿滿珍珠帶子、大蝦、小八爪魚，配香濃海鮮茄醬、芝士同羅勒，鍾意濃厚口感Pizza 嘅話一定要試。
獨特竹炭包 海神漢堡
同樣以店名命名嘅「海神漢堡」，用竹炭粉焗製嘅竹炭包，特別鬆軟又有淡淡竹炭香，更加突顯8安士美國安格斯牛嘅肉味，餡料有車打芝士濃香又爆出肉汁。
自家熬龍蝦汁 龍蝦扁意粉 配香草龍蝦汁
意粉掛滿自家熬製龍蝦汁，每啖蝦味都好濃郁！最特別係意粉上嘅泡泡牛油，其實係大廚將牛油打成泡泡，食落有牛油香又唔會太膩，唔會搶走芝士焗龍蝦嘅重點。
用蒜蓉包吸滿湯！白酒煮青口
海鮮拼盤太大，又想過吓海鮮癮～呢道白酒煮青口就好啱。秘魯青口份量好多，用咗洋蔥、蒜、紅尖椒同白酒熬煮，青口精華亦滲入湯汁中，一定要用蒜蓉包沾嚟食。蒜蓉包亦特別灑上香草、Rosemary，入口好香。
香口佐酒 海神脆炸拼盤
呢度有好多款酒飲，所以最鍾意一班朋友嚟傾吓計，嗌個小食拼盤Share 最好。呢款脆炸拼盤顧名思義全部都係香口嘢—芝士焗薯皮、炸洋蔥圈、炸雞條等，佐酒一流。
芝士焗薯皮好高質，薯皮唔會放到腍身，真係外脆內軟。
雞條兩啖一隻，傾住計食都好方便。
香濃朱古力 布朗尼配雲呢拿雪糕
同場都有多款甜品揀，個人好鍾意勁濃朱古力味嘅布朗尼，一啖蛋糕一啖雪糕最過癮。
「Poseidon」Cocktail 好有心思，大玩煙霧效果。而且各種口味都有，就算唔太飲得嘅女仔都有好多選擇。
(左) Olympic、(右) Tropical Princess
(左) Poesidon power (右)The Pearl
Poesidon Surprise
Poseidon Restaurant & Bar
網上訂座享7折優惠兼賺里數
地址: 尖沙咀亞士厘道24-38號天星大廈4樓
電話: 25118299