【半價食高級中菜】必試水煮魚 黑楜椒粉絲蟹煲
中菜講求手藝,學師多年嘅大師傅煮出嘅火喉鑊氣食落真係唔同!呢間銅鑼灣上樓中菜館「顏府御膳」正正由大師傅主理,喺傳統中菜加入新元素,重新演繹各道經典菜式,估唔到食咗咁多年中菜都仲有驚喜,即日起至3月19日~午市同晚市都有優惠𠻹,Mark 定時間嚟食啦!

午市優惠

- 星期一至五,由上午11時 至 中午12時30分 (12時30分 前離座) 所有菜式半價

- 星期一至五,12時30分後入座,所有菜式9折

 

晚市優惠

- 星期一至五,凡晚市堂食所有菜式8折

- 星期一至五,凡晚市堂食指定House red wine 買一送一 (每支價值HK$488)

 

*以上優惠折扣,不包括服務費在内

*VIP房間預訂不享以上優惠


呢度環境典雅,坐低飲杯熱茶心境都平靜唔少。

仲有VIP房有隱私度。

茅台酒牆好搶眼,如果睇啱可以即場買特別版茅台酒㗎!

【必試】夠香夠辣水煮魚!
最鍾意呢度嘅水煮魚,可以自己揀鍾意嘅魚入饌,一般人鍾意嘅桂花魚、東星斑都有。大廚會將大荳芽、窩筍片、雲耳同薯粉飛水放窩底,再將骨腩煎香並加入四川豆瓣醬、胖子醬同十三香等,最後再用滾油泡香紅椒、青花椒等,水煮魚夠香夠辣!鋪底嘅薯粉、窩筍、大豆芽仲吸收晒魚肉鮮甜,配料都有驚喜。
水煮魚可自選魚入饌。

大廚擅於用各種醬料香料,將魚肉煮得夠香夠辣。

新加坡風味 「新加坡黑胡椒粉絲蟹煲」
午市同晚市都有小菜食,傳統小菜亦加入唔少新元素。呢道蟹煲就用上原粒黑胡椒、白胡椒同金不換炒香,辣得快、辣得香但又唔會好嗆,用嚟襯大蟹啱晒。
大蟹多肉鮮甜,用微辣胡椒吊味好夾。

蟹底粉絲吸滿蟹肉鮮甜精華,撈埋少少蒜香、胡椒食勁香口。

中西Fusion 「慢煮牛肋排」
估唔到中菜廳都會食到牛肋排,呢道牛可以話係融入中西煮法,用上中式材料同西式慢煮方法,令牛肋排味道層次豐富又軟腍。大廚透露佢哋將上等美國安格斯牛肋排用香葉、白胡椒、花椒、八角、炸香乾蔥等醃香,再用頭抽同燒肉汁慢煮10個鐘先有呢個效果㗎。
慢煮煮法,令牛肋排肉質特別軟腍。

糯米飯吸滿蟶子精華 「蟶子皇櫻花蝦蒜香糯米飯」
冬天一定要食糯米飯暖吓胃,配料用鹹香微甜日本櫻花蝦、櫻花蝦醬代替傳統臘味,加埋蒜茸、蒸熟糯米飯一齊炒香。

精華之處,係最後將炒香嘅糯米飯鋪上蘇格蘭蟶子皇蒸多3分鐘,令糯米飯吸滿蟶子皇嘅鮮甜味。
糯米飯鋪上蟶子皇蒸,每粒飯都滲透蟶子精華。
* 資料由客戶提供