【劇場x美食】邊食邊睇Show! 詹瑞文率追夢年輕人辦沉浸式美食劇場

外國大熱嘅沉浸式美食劇場，而家喺香港都體驗到喇！今次更由有「香港舞台劇教父」之稱嘅詹瑞文作為幕後掌舵人，一人兼任藝術總監、編劇、導演，帶領一眾抱演藝夢嘅年輕人，於銅鑼灣「十八夢」演出夢與夢想主題劇場《異世界 - 捕夢之旅》。

沉浸式美食劇場《異世界 - 捕夢之旅》，由詹瑞文一人兼任藝術總監、編劇、導演。

演員甄選以堅持追夢嘅年輕人為主。

劇情+藝術+美食　全方位刺激六感

今次係香港首個5D沉浸式美食劇場，觀眾會成為劇中造夢者，一邊欣賞劇場；一邊享用劇情關聯之美食。同時又會一齊參與劇情，協助劇中跌入夢境嘅「睡衣男女」解開各種「夢謎語」返到現實。劇情、光影、美食環環相扣，真正全面沉浸六感—味覺、嗅覺、觸覺、視覺、聽覺及本體感覺，帶嚟各種刺激同啟發！

劇場穿梭於劇情、光影、美食之間。

捕夢之旅會由戲劇表演開展，「夢使者Mr. D」率先登場歡迎所有觀眾造夢者，並介紹身處嘅第六維空間—「夢域」，當佢手杖一揮，第一道菜隨即上場。主廚更透露設計「沉浸式」美食劇場菜單好有挑戰，值得期待味覺享受呀！原本由2月14日至2月19日演6場反應已經售罄，所以已加場由2月21日至3月21日!! 欲購從速 !!