由一班90後開設嘅「基地貳」，係少有酒吧餐廳主打泰式燒烤，特別訂購高質燒烤爐，即叫即燒海鮮勁正！除咗一般生啤、紅白酒外，駐場調酒師亦設計多款Cocktail 同Mocktail，女仔都好啱飲。加上2樓180度無邊際螢幕更夢幻，聖誕期間會投影聖誕、夜空元素好有氣氛。
聖誕期間飲嘢食嘢勁有氣氛，Sweet爆必放IG Story。
2樓180度無邊際螢幕好夢幻
訂座優惠: 全單88折 X聖誕節雙倍積分
凡經OpenRice 訂座即享優惠: 1) 全單88折 2) 聖誕節雙倍積分
*聖誕期間照常有優惠 |
【正宗泰式燒烤】前酒店泰籍大廚主理！
估唔到酒吧都食到正宗泰式燒烤，仲要唔係一般串燒～由泰國人兼前酒店大廚主理，特別購置燒烤爐即燒生蠔、原隻魷魚、半隻龍蝦等等，即叫即燒勁juicy！
燒蠔酸酸辣辣，一咬開即爆汁。
燒原隻魷魚飲酒一流。
一拮輕鬆將龍蝦起肉，勁鮮甜有炭香。
【必試招牌菜】泰國Fusion！特別推介「反地心吸力飛天炒麵」
泰籍大廚擅長將泰國元素玩得出神入化，點諗到冬蔭功+卡邦尼意粉都得？大廚先將多種泰國香料打碎，再加入芝士、忌廉煮製，意粉creamy 後勁又會湧出冬陰功香辣。
冬陰功卡邦尼意粉
當年泰國一出即爆紅嘅火山排骨，超大份量好啱share！排骨用多種泰國香料慢煮到好鬆軟入味，一咬落去已經離骨勁嫩，完全唔韌呀。
泰國爆紅火山排骨。肉質勁軟嫩，一咬已經離骨。
全新推出飛天炒麵，麵條炸至挺身好IGable，必影相拍片放Story～上枱之後淋上醬汁，麵條又脆又軟加埋彈牙魷魚，多重口感好過癮。
反地心吸力嘅飛天炒麵。
【其他人氣料理】
「基地貳」係酒吧餐廳，好多菜式都大份又佐酒，好啱食飯飲嘢直落。飲酒多數都想食炸嘢，好鍾意呢度嘅軟殼蟹外脆內軟，加埋肉醬、蔬菜配料勁豐富。
軟殼蟹漢堡，軟殼蟹超大隻呀！
無辣不歡嘅話，可以一試青咖喱藍青口長通粉。泰廚煮製嘅青咖喱偏香辣又有椰奶香，私心鍾意手拎青口舀汁，一啖過將青口連汁食好正。
青咖喱藍青口長通粉，偏香辣有椰香。
調酒師不時推出新雞尾酒，聖誕前夕新推多款cocktail 同mocktail，無論飲唔飲酒都可以同friend 嚟感受節日氣氛。
【最新Cocktail】
“Marvellous Base” 以柑橘伏特加、濃縮咖啡、金萬利、橙調配，入口有輕甜橙香，後勁則有伏特加嘅爽口微辛。“Base no.1” 則有伏特加、菠蘿藍糖漿、蛋白，口感清爽略帶綿滑，漸變藍色好靚。
(左)Marvellous Base、(右)Base no.1
【最新Mocktail】
“Ms Beauty” 以蔓越莓汁、葡萄柚、蘇打水調配出好有聖誕氣氛嘅mocktail。鍾意綿密口感可揀“Babyccino”，以牛奶、鹽焦糖糖漿調製出甜品感覺。
(左)Ms Beauty、(右)Babyccino
基地貳
地址: 尖沙咀赫德道17號海信大廈地下及1樓
電話: 37952445