【入秋必食火鍋】特濃牛骨湯配Prime牛X冬蔭功配游水海鮮!
香港幸有九龍城,將高質火鍋店共治一爐,想飲靚湯、食靚牛去九龍城實搵到,店家實力少啲都難以生存呀。而「禾牛薈火煱店」就喺九龍城開業多年,及後再有尖沙咀分店,可想而知主打不添加靚湯嘅佢哋,幾受識食食客歡迎。

除咗矜貴養生嘅招牌「御膳宮庭海中寶」湯底,用足花膠、海參、螺頭、日月魚等海味熬製,私心推薦牛味超濃嘅「招牌禾牛薈」同酸辣開胃「泰式冬蔭功湯」湯底。湯膽更係每日用足豬骨、雞殼等熬煮,真材實料、不添加味精,上枱時一定要先舀碗湯飲呀。
店內設魚缸,游水海鮮特別鮮甜。
游水蝦幾新鮮!

雙重牛香!招牌禾牛薈湯底
本身足料湯膽再加入大量牛骨熬製多時,上枱時再放入牛肚、牛膀、牛筋、大腸,令牛味更有層次,用嚟渌靚牛突出肉味超正,牛控必點。
「招牌禾牛薈湯底」以牛骨湯底加埋牛雜,層次豐富。
牛湯淥牛無得輸!

超越本地肥牛    Prime 級肥牛更重肉味
講開牛肉,不得不提呢度特別引入「極品特級手切肥牛」。作為美國Prime 級牛肉,肉味超越一般本地肥牛,而且店家不惜工本極厚切,肉感彈牙又唔韌。個人最鍾意呢種有咬勁嘅牛肉,愈食愈有牛味!
Prime 級牛肉極厚切。

十足香料煮製    泰式冬蔭功湯
香料、海鮮特多嘅冬蔭功湯底,想喺屋企用嚟打邊爐嘅話,幾乎只能用現成湯包。而呢度嘅冬蔭功湯底就完全自己煮製,用足香茅、南薑、檸檬葉、青檸等香料,加上大蝦、蜆等海鮮吊出鮮味。
開動前飲碗冬蔭功湯,口感濃厚順滑,酸辣恰好唔會太嗆,好開胃。冬蔭功湯用嚟渌海鮮一如預期般正,酸辣吊起鮮味,個人特別鍾意配貝類,連殼拎起可以連冬蔭功湯一齊食,貝味更出。比較驚喜嘅係,原來冬蔭功配牛好夾,肉味會比牛湯底低調,但就香口惹味得多。

橡果飼養    西班牙黑毛豬肉片
打邊爐真係肉控天堂,食Prime 級手切肥牛都唔夠喉,仲有西班牙黑毛豬!橡果飼養黑毛豬,食落鬆軟嫩滑,肉味再帶淡淡橡果香。店家坦言黑毛豬成本好高,幾乎無利潤,只為食客食得盡興,難怪較少見到火鍋店會食到。
黑毛豬鬆軟又有橡果香。

珍貴養顏刺身    水母刺身
唔少人打邊爐都鍾意食埋刺身,平時常見都係三文魚、海膽、象拔蚌等…呢度除咗有以上人氣刺身,最特別有「水母刺身」!口感爽脆,又略帶海蜇Q彈口感。而且水母只有特定位置食得,加上營養豐富,低脂又富含膠質令肌膚更有彈性,所以好珍貴㗎。
坊間少見「水母刺身」。

自家包製    韮菜餃
相信大家對韮菜餃都唔陌生,平時食開都係豬肉多,但韮菜淪為配角,老闆坦言鍾意食韮菜嘅人絕不滿足。所以呢度餡料用超多韮菜,一咬開已經聞到勁濃韮菜香!唔知遲啲有無芫荽版本呢(笑)。
自家包製嘅韮菜餃,超爆多韮菜!

經典創作    老友鬼鬼
猶記得十幾年前,火鍋界突然冒出大人氣配料─蝦膠釀油炸鬼,老闆提到當年係由佢哋創作,並命名為「老友鬼鬼」。
而呢度嘅版本同坊間稍有不同,平時多數係釀入生蝦膠就出餐,要落湯淥到油炸鬼都腍晒先食得。而呢度就釀好蝦膠後再油炸,上枱後當小食即食都得;鍾意爆湯就輕輕一灼又得,總之兩種食法油炸鬼都係勁脆!

召喚鵝肝關注組!鵝肝蝦丸
手作餃丸嘅好處,係可以創作唔同配搭,所以出現咗鵝肝加蝦丸呢個新穎組合。彈牙蝦丸包住Creamy 鵝肝,雙重口感幾有驚喜。身為鵝肝關注組嘅我,私心最鍾意一咬開就好有鵝肝味。
雙重口感「鵝肝蝦丸」。

尖沙咀分店玩得盡興!多間VIP房不設最低消費
年尾節日聚會陸續有嚟,尖沙咀分店就有多間VIP 房等大家玩得更有隱私度、更盡興。只要提早預訂即可,無最低消費。

食埋火鍋外賣: 4至8人份量都有
懶人福音!店家一直提供火鍋外賣,仲可以直接送到府上,港九新界滿$1,000可送貨,指定地區免運費。湯底同堂食一樣,全部真材實料熬製,一倒出嚟滾起就飲得。外賣有多款火鍋套餐揀,4至8人份量都有,入門級「4人火鍋套餐」已有特級手切肥牛、西班牙黑毛豬肉、脆鯇片、韮菜餃等。
外賣湯料份量足,加湯2-3次都夠,愈食愈濃香。

另一推介「海鮮火鍋套餐」,同樣有手切肥牛同黑毛豬外,另有鮑魚、廣島蠔、蕃薯蜆等,每個Set都好豐富。詳情&訂購可致電店家 或 即入>>https://www.woocowhotpot.com.hk/order.php
「海鮮火鍋套餐」配料更豐富。

禾牛薈火煱館
地址: 尖沙咀金馬倫道48號中國保險大廈1樓及2樓 (尖沙咀站B2出口)
電話: 39973369

禾牛薈火煱館   
地址: 九龍城南角道36號地下 (宋皇臺站B3出口)
電話: 23839863
* 資料由客戶提供