好開心同朋友慶祝生日飯，但由入去開始職員態度非常惡劣，每次麻煩佢哋落order前自問都唔該前唔該後，互相尊重，但都係被西面對待，今日呢餐飯足以令我唔會再嚟呢度，以為一個Staff有問題，想包容，點知原來個個不斷西面，無尾音，見到你舉手扮睇唔到，隔籬枱都係任食，人哋全部齊前菜，我哋呢台冇，我溫馨提示佢，結果佢全程黑面，求其拎一碟仔過嚟，然後我同佢講仲有其他配菜，佢之後再大大力抌低三碟又凍又乾，真係唔明自己做錯啲乜嘢無啦啦要俾人咁對待，貼錢買難受，寧願去食返本家醬油蟹，高質有禮，又有service - 香港佐敦的醬缸韓國料理