悅來酒店咖啡室

午市自助餐 openrice coupon7折會員得6折 諗吓係咪仲要續會泊車要$400至有2小時 (商場$200 兩小時)食物豐富 未能詳述 減肥唔使諗食唔晒都飽眼福魚生即切新鮮 唔使排隊嘅 當然有客會排隊煙三文魚 扎肉 巴馬火腿今次冇……沙律凍盤款式多 生菜新鮮 醬料多白切雞~肉淋咗啲冇乜雞味 义燒色靚燒西冷牛扒~ 粉紅肉色 但肉嚡 即煲~艇仔粥 粥棉有米粒嘅真粥 唔係粉漿 料: 免治牛肉 豬皮 水尤絲 雞肉一般粉麵~ 喇沙湯底椰濃香 麵河仲有銀針粉 菜心 娃娃菜 小唐菜 芽菜熱葷 10餘款 有水準蠔仔煎旦~ 好味 有鑊氣 蠔仔香 但有少少売忌廉/芝士魚塊 好味道 但比較油膩 白汁煙肉意粉 茄汁牛肉丸 西檸雞球 蒸鱸魚青炒雜菜花 滷水豆腐鴨胸肉 …… 仲有蒸燒賣咖哩雞~ 汁雞肉嚡 白飯唔熱唔香豬腳薑~瓦撐煲上豬手靚食客係咁(了)中式湯 荷葉冬瓜排骨湯 青香冬瓜消暑西式湯 忌廉冇料湯 冇味唔咸 麵粉醬大支裝汽水放大桶任飲 長放走咗汽 糖水冇可樂 好回味以前有嘅樽裝汽水……疍糕甜點多 今次冇 cheesecake 有啲失望奶茶中茶包 咖啡機 仲有 Movenpick雪糕…查看更多

Panda Cafe嚟過一次，但已經喺5年前嘅事，跟上次一樣嘅都喺老婆教會搞活動，包晒成場，唔同嘅喺上次食夜晚，今次就嚟食晏晝自助餐。因為又喺有嘢幫手，所以，比人遲食，但又比人早要食完，不過，又唔喺要搏命回本，個半鐘時間都OK嘅。我哋團體包場，當然有優惠價，但實際幾多就唔知。不過，都影低佢哋門口個水牌，有晒自助餐嘅詳情，俾大家當喺參考。個場環境喺點，一張相講晒，一就喺環境夠晒大，地方闊落；二就喺樓底高，空間感十足。總體俾人個感覺唔錯，服務亦算妥貼，收碗收碟頗快手。跟住就講吓有咩食，當然，唔及上次食晚餐多選擇啦，至少無咁多貴嘢。刺身、壽司、冷麵晚市有多幾款和式小食，而午市就只有3款刺身（吞拿魚、三文魚、鯛魚）及幾款壽司、壽司卷，都見佢哋有輪流轉吓款；此外，仲有啲冷麵供應吓。老實講，試就無試架喇，但睇外觀啲質素都唔差，同枱教友都話有質素。自選沙律吧沙律吧有多款沙律菜做膽，配搭上10款配料及7款醬汁，已經可以做出好多配搭。冷盤當期時實在太多人，都唔方便影相，隨意影咗張打底，記得晌眾多冷盤嘢，巴馬火腿、烤意大利黃青瓜、煙火腿粒就最得我心。凍海鮮午市自助餐嘅凍海鮮當然一早無咩期望，但都介紹吓有咩，分別喺大螺、凍蝦及青口，陣容就肯定唔太吸引，但配搭埋啲沙律、冷盤一齊食，其實都唔錯。頭盤小弟嘅頭盤就由沙律、冷盤、凍海鮮，再加少少鮮果組成，夠晒清新健康。基本上啲食材質素唔失禮，沙律菜冰涼爽脆，巴馬火腿油潤鹹香，凍蝦爽甜，伴以法式香草醬，簡單味美。熱盤、餐湯、麵包依幾類食物就放晒晌餐廳中央嘅大長枱，菜式乜都有，有中式小炒、西式料理、印度咖喱、亞洲風味、和風精選、雞牛豬魚……等等大概13、4款，湯品就有中西湯各一款，不過，都喺大路嘢，唔似夜晚咁有燉湯飲；兩款麵包睇相就知亦喺普通款式，所以，整體嚟講，款式確喺唔少，屬大包圍式，但就唔會有咩意外驚喜。開放式廚房另一邊廂晌餐廳尾，有即煮粉麵、泰式粥品、天婦羅、烤肉……等等自助餐常有嘅項目。主菜小弟嘅第二碟食物喺以肉類為主，拎咗烤西冷、燒豬柳、叉燒、烤雞、咖喱牛腩，再配少少蔬菜搭個芝麻餐包用嚟沾咖喱汁，唔好嘥。對住成碟肉就梗喺食得開心啦，啲西冷同烤雞燒得唔錯。飲品未講甜點，先講吓飲品方面，當然喺自助，但選擇普通，一邊有百事同七喜，另一邊就喺咖啡機，印象都好似唔覺有茶包或紅茶供應。甜品大部份甜品放晒喺中央位置嘅甜品枱上，亦有少部份放晌餐廳尾左邊嘅小枱，又不時會轉款，夾夾埋埋十多款，都唔憂無選擇。甜點拼盤小弟慣順次序嚟食嘢，所以，第三碟食物就喺我嘅甜點拼盤，出到去甜品枱有咩就食咩。詳細就唔多講，因為唔喺好有特色嘅款式，都喺來來去去嘅大路嘢，慕絲蛋糕、芝士餅、奶凍、布甸之類，不過，質素都幾平均，算得上幾好食，雖然拎咗一大碟，但清晒半啖都無剩。Movenpick雪糕較為驚喜，喺午市竟供應Movenpick雪糕，一大櫃雪糕，無刻意考究有幾多款口味，一切隨遇而安，有咩味咪食咩味。見同枱對面幾個細路喺咁食，無5杯，都有4杯，佢哋仲喺收兒童價，翻晒本啦，小弟都唔弱，前後食咗3杯，哈哈！前後試咗士多啤梨、意式奶凍及瑞士朱古力，呢個品牌唔使多介紹，雪糕底本身喺軟滑而富奶香，喺質素嘅保證。雖然3款口味都好食，但意式奶凍就最得我歡心，因為加入咗紅桑莓果蓉，令奶味更突出之餘，酸香細緻。雖然有「工作」晌身關係，但用餐時間都算啱啱好，變相嘅「三道菜」午餐，食得飽之餘，感覺都好滿足。…查看更多