更多
2020-10-28
112 瀏覽
之前同老公食過,好多嘢都想嗌,不過佢嘅份量真係好大碟,所以今次捉埋兩個朋友一齊食,想試好耐嘅豬腳終於可以食到啦😍我哋book咗位6:30 ,現場已經坐滿咗,有心想食嘅人真係要早少少嚟,因為當我哋食完門口已經坐滿晒等位嘅客人啦。現場幾乎全部都係卡位,座位舒適,同朋友自成一角就算講嘢大聲啲都唔會騷擾到人。嘢食真係好大碟,我哋四個人只係叫咗三樣嘢食,都捧住個肚走,食品質素仲要非常高,勁推介!燜豬腳 Large size $268 (每日限量供應)上次想食嘅時候已經冇晒,今次終於叫到啦。豬腳用上醬油、蒜頭、肉桂及薑醃製,配上龍龍骨膠原嘅豬腳,食起上嚟好惹味但又唔會鹹得濟,恰到好處。豬腳切到一世片,好易入口,唔似傳統豬腳會食到好論盡。旁邊有沙律菜,墊底有雜菜,用沙律菜夾住豬腳嚟食,口感清新啲,平衡返啖啖肉嘅罪惡咁。薦底用沙律菜夾住豬腳嚟食,口感清新啲,平衡返啖啖肉嘅罪惡咁。墊底嘅雜菜沾滿左豬腳油同埋醃料,好似食緊炒雜菜咁,好香口,好好食!嘅雜菜沾滿左豬腳油同埋醃料,好好食! $268係四人份量,但我哋覺得五至六人都可以一試,因為啖啖肉非常飽肚。韓式炸雞 (雙併全份)$192炸雞我哋揀咗香蒜蜜糖味
之前同老公食過,好多嘢都想嗌,不過佢嘅份量真係好大碟,所以今次捉埋兩個朋友一齊食,想試好耐嘅豬腳終於可以食到啦😍
我哋book咗位6:30 ,現場已經坐滿咗,有心想食嘅人真係要早少少嚟,因為當我哋食完門口已經坐滿晒等位嘅客人啦。現場幾乎全部都係卡位,座位舒適,同朋友自成一角就算講嘢大聲啲都唔會騷擾到人。嘢食真係好大碟,我哋四個人只係叫咗三樣嘢食,都捧住個肚走,食品質素仲要非常高,勁推介!
燜豬腳 Large size $268 (每日限量供應)
8 瀏覽
0 讚好
0 留言
上次想食嘅時候已經冇晒,今次終於叫到啦。豬腳用上醬油、蒜頭、肉桂及薑醃製,配上龍龍骨膠原嘅豬腳,食起上嚟好惹味但又唔會鹹得濟,恰到好處。豬腳切到一世片,好易入口,唔似傳統豬腳會食到好論盡。旁邊有沙律菜,墊底有雜菜,用沙律菜夾住豬腳嚟食,口感清新啲,平衡返啖啖肉嘅罪惡咁。薦底用沙律菜夾住豬腳嚟食,口感清新啲,平衡返啖啖肉嘅罪惡咁。墊底嘅雜菜沾滿左豬腳油同埋醃料,好似食緊炒雜菜咁,好香口,好好食!嘅雜菜沾滿左豬腳油同埋醃料,好好食! $268係四人份量,但我哋覺得五至六人都可以一試,因為啖啖肉非常飽肚。
韓式炸雞 (雙併全份)$192
$192
2 瀏覽
0 讚好
0 留言
炸雞我哋揀咗香蒜蜜糖味及辛辣味,辛辣味建議食得辣嘅朋友先好嗌,因為真係幾辣,啱晒我!但係身邊唔食辣嘅朋友,辣到係咁飲水😂(佢地平時係食譚仔5小辣)。香蒜蜜糖味就大人細路都啱,蒜味好香但唔會太搶,甜甜地好食。炸雞揸得好趣,炸皮唔會太厚,炸粉唔會太多,食得出有雞味,唔係食緊瞇肉。全份炸雞份量真係唔少,底下仲要有一大堆薯條及薯格,配上三種醬汁去點,食唔停口。
元祖炒年糕配海鮮 $328
$328
5 瀏覽
0 讚好
0 留言
已經第三次食依然咁正!熱辣辣連埋個Gas爐上枱,盤嘅中間有原味(少少辣)嘅炒年糕,上面有一大隻炸魷魚、蜆肉及蝦仁。盤邊有紫菜飯、水牛車打芝士、菠蘿粒及香炒泡菜。 炸魷魚炸得好脆口,我哋食嘅時候會將炸魷魚沾上車打芝士,拉住絲咁食,炸魷魚嘅脆同埋芝士嘅creamy配合得好好!炒年糕配埋側邊少少雜菜,惹味得來又比較健康。炒年糕同之前一樣,口感煙軔剛剛好,會食唔停口。
Mojito Ade $34
$34
10 瀏覽
0 讚好
0 留言
冇酒精飲品,甜度適中,亦都做到Mojito嘅清新感覺,好fresh
Strawberry Smoothie $45
用士多啤梨乳酪打成smoothie,甜度同埋奶味都好足夠,唔會有死甜感覺,幾好飲
Hoegaarden graft beer 500ml $68
$68
2 瀏覽
0 讚好
0 留言
超抵飲,勁大杯都只係$68 ,用嚟送炸雞一流
總結,四個人離開嘅時候捧住個肚,買單都唔使$1000 ,就食到正宗韓國菜,真係超值!
張貼