Oasis Corner (已結業)

呢一餐食我好滿足, 因為十分之感受到廚師既用心製作!餐廳係位於工廈既位置, 門口比較不起眼，但係食物質素係十分之有驚喜!一入到個舖頭就見到一個好可愛嘅logo，有隻豬仔同一隻貓仔。跟住進入眼簾係牆身大幅度，用色十分之鮮艷的一幅壁畫，畫中都係有貓貓，豬豬，喺一個好舒服嘅沙灘度享受，呢幅畫我都欣賞咗好耐! 同老闆閒談之間，佢有透露係搵咗一位紋身師傅去畫嘅，而且個牆身係可以貼磁石，因為佢哋油油嗰陣時加咗一啲磁石粉落去，好有趣！我哋嗌左一個「話你唔豬三文治」+一個American Style 首先嚟嘅係美式早餐，佢嘅擺盤好豐富，好靚，色彩好繽紛！個牛角包好鬆軟，外層好脆，好新鮮，好食！有幾塊新鮮焗嘅薯仔角，用咗新鮮嘅薯仔，口感係有少少爽口嘅質感，整體都香！跟住食嗰個雞胸肉，超級好食！個雞胸係好滑好滑，感覺完全想像唔到雞胸肉係可以做到咁滑! 佢嘅味道係有少少鹹，亦都有少少油份! 但係我問咗老闆，佢冇加油，係本身雞胸自帶嘅油分，做得真係好好，呢個我真係好欣賞, 好好味！個雞蛋整得啱啱好，食到中間個位係仲有少少雞蛋汁，整體好香蛋味!跟住有個煙肉包住一啲切碎左嘅大蘑菇，大蘑菇本身都好香，都煎得唔算油跟

位於工廈嘅輕型cafe，如果唔係朋友介紹都唔知原來依度有間咁雅致嘅cafe。店面可以容納到十幾人，亦都可以外賣，而且裝飾得好可愛，用咗貓咪同豬豬做主角。Cafe提供咗好多唔同種類嘅咖啡，唔想飲咖啡都有其他鮮奶同埋特飲梳打。而食物方面係比較西式加韓式，有全日、午市、下午茶同埋晚餐嘅選擇~American Style ($96)，睇張相都見到非常豐富！有唔少新鮮嘅蔬果，例如車厘子同藍莓，仲有切碎炒香嘅大啡菇、自製薯角。牛角包同堅果包二選一，我揀咗堅果包，最中意佢鬆軟嘅面包加上脆脆嘅果仁嘅口感。然後可以係各款肉食揀其中一樣，今次揀咗煙三文魚，紋理分明，甘香味十足。爆芝蛋慢煮雞胸飯糰($68)，附送一盤沙律菜或者蕃茄沙律~ 真係估唔到係依度都食到韓式飯糰，餡料多到就快爆出黎，除咗蛋同雞胸，仲有黑芝麻、蕃茄、生菜等等，份量亦都好大，切開咗兩件。芝士同蛋真係好夾，加咗黑芝麻後每啖都非常有口感，本身雞胸肉味道比較淡，加咗濃郁嘅芝士後就更為入味。每份餐包一杯熱飲咖啡，我地叫咗榛子鮮奶咖啡同埋抹茶鮮奶咖啡，有好靚嘅拉花~~~ Latte非常香滑，味道濃郁，真係好有驚喜，慢慢歎簡直係一大享受。