三ステーキ

平時見到好多人排隊冇機會試，咁啱夜晚補完習9點幾，買左飛即刻有得坐低。已經9點半仍然有超過一半以上嘅位坐左客人，究竟係跟風定真係高質就要試過先知。餐牌見到最貴的級別都不算很貴，但第一次食加上已經好夜就揀左個200g牛柳試下水溫先。攞完飯、湯、汁醬同沙律菜之後牛柳已經攞得。見到成塊都係鮮嫩嘅肉色，塊石嘅熱力離遠都感覺得到，牛柳底下的部分已經有烤肉香味傳黎。建議唔想太老太熟嘅話即刻處理好，掛住打卡相機食先就嗮咁D啦（我係反面教材）。牛柳份量足夠，亦容易切開，但火候比較難控制，畢竟平時喺屋企都係識食唔識煮，搞到開始舊石超熱嘅時候好多細塊牛肉都變到較硬。牛柳就咁食唔算特別出色，有少量肉汁和牛味；但點起燒烤汁送飯就非常正。亦可以加D蒜蓉，都很滋味。飯和湯都屬中上，湯雖然有D肥，但可以見到用左好多肉黎熬。美中不足真係D位太難坐，尤其係有熱石同刀叉+咁多餐具器皿嘅環境，一定要小心翼翼。以呢個價錢有得玩有得食，算係很抵玩…查看更多

這個日本拉麵的生意手法植入，先在買票機購票，等職員帶入坐，自助式去取飯，取湯，取餐具，還有圍裙。待提示器提示，然後拿餐，熱騰騰的石燒牛扒就可以品嘗，非常有趣。熱辣辣的石，一成熟的牛(可選西冷，牛柳，三拍子牛扒),今天因遲食早餐，未食午飯，三四點，天氣又冷，便想著食牛扒當下午茶，這裏很好，有份量可選，選了最少份量的牛柳試試，上枱牛柳比想像中大件，因石燒關係 ，可自己調節時間，燒幾多成嘅牛扒食，加上微 鹽，牛味便特出了來， 牛扒肉質爽口不太韌， 配埋飯餐湯同汽水都係一百蚊咋，性價比ok，不過若果有個黑椒汁會更正。…查看更多