八月花 (朗豪坊)

估唔到中菜餐廳🇭🇰都食韓國🇰🇷嘢！而且有辣有唔辣，任君選擇𠻹！睇落似春卷，不過入面放咗鱈魚子同葉，爽脆清新。貌相幾吸引，有啲似腸蛋卷，蛋嘅軟配上鱈魚子嘅脆口，鹹鹹甜甜，幾得意！豆腐湯有少少辣，有蜆、蝦、金菇、蛋，材料都幾多。呢個比較辣，雞收埋喺滿滿嘅粉絲入面，非常惹味！豬蹄味道濃郁，沾埋秘制醬汁就更惹味！不妨同葉一齊食，可以消消油膩感。呢個拌飯，有蝦、紫菜、蟹子同蛋，口感豐富，好有韓式味道。拿破崙真係超吸睛！有4分1個人咁高，每層都有唔同生果，士多啤梨、芒果、蜜瓜、藍莓，成 4-6人份量，用嚟做生日驚喜就夠晒創新！用葉包住嘅紅豆粿煙煙軔軔，入面有滿滿紅豆餡，充滿幸福感。…查看更多

由於喺媽咪正日生日嗰日Oppa要返工，所以我們一家四口就提早同媽咪慶祝，而我們就揀咗以前食過覺得出品相當唔錯喺旺角朗豪坊嘅「八月軒」食晚飯！我們叫咗海鮮炒鮮奶一上碟嗰陣我們見到出晒水已經覺得有啲怪怪，點知食第一啖就已經感覺到有一股臭味，而且啲鮮奶亦炒到過咗火，所以係比較老唔係好滑溜！洛神花黑豚骨嘅賣相表面睇落覺得無咩問題，但食落就知道同上次食嗰碟簡直係天淵之別，因上次係有經過「走油」，所以食落嘅質感係外脆內軟，但今日呢碟係炸到「無啲鑊氣」咁，所以食落非常肥膩，好似食緊一「嚿」沾滿酸酸甜甜洛神花醬嘅肥豬肉咁！松露醬香煎比目魚伴岩米嘅比目魚煎得都幾香口脆身，肉質亦都幾彈牙，但岩米就唔係好煙韌彈牙，質感相當腍身！極品醬油炒飯初頭睇到餐牌寫個名話係極品以為會係好好嘢，點知一上碟睇到個賣相已經覺得係一碟相當普普通通嘅醬油炒飯，因他們完全無加添任何嘅色彩去點綴一吓，而且食落亦都無咩特別嘅驚喜！金沙脆炸蕃薯表面睇落以為都幾大粒，但外層嘅炸粉係非常厚身，而蕃薯就係相當細件，感覺好似係有啲鹹蛋黃香味嘅炸粉先係主角咁！黑醋珠伴豚肉係將豚肉整成一個個豚肉丸，再加啲黑醋珠喺面，雖然黑醋珠有都算幾香濃嘅黑醋味，但豚肉丸就非常嚇人，因肉質係相當鬆散同一啲都唔爽滑彈牙，而且最衰仲要係霉嘅，真係⋯⋯唉⋯⋯之後我們諗著叫啲甜品，以為會比較好，點知情況都唔係好得幾多，蛋白杏仁茶個名係叫蛋白杏仁茶故名思義當然係要有蛋白啦，但我們「撈」極都見唔到有蛋白或蛋白絲，真係祇得杏仁茶，而且味道係極之淡同濃稠度係超級稀！至於101鮮果拿破崙就係全晚咁多樣出品之中，唯一可以叫做保持到水準！總括：今晚嘅食物出品比以前差咗好多，我們已經超級唔滿意，而且海鮮炒鮮奶有問題壞咗同臭咗，正常嘅人都會攞去換或退啦，但店員嘅態度係超級不滿我們要取消咁，仲要即刻對著我們黑口黑面咁，難度變壞咗我們都應該要照食嗎？真係荒天下之大謬呀！…查看更多

今晚我們喺旺角砵蘭街附近做完嘢之後，去咗朗豪坊睇吓有邊間店好食？行到去見到間「八月軒」，就諗起之前嚟食過覺得唔錯，兼且有信用卡優惠，所以我們就決定入去食飯！我們叫咗安格斯半熟牛肉沙律嘅牛肉因為係燒到半熟，所以肉質非常鮮嫩軟滑，牛肉味相當鮮味濃郁，而且有入口即溶嘅感覺，再夾埋啲鮮甜爽脆嘅洋蔥同彩椒一齊食，口感超豐富，食落感覺好清新，唔會食一兩件就好膩或好滯！洛神花黑豚骨嘅肉質非常鬆化軟滑，用洛神花嚟做嘅醬汁酸酸甜甜，相當醒胃，而且完全無膩同滯嘅感覺！松露醬香煎比目魚伴岩米嘅比目魚煎到好外脆內嫩，有淡淡嘅松露香味，最好係唔會太過濃郁，而岩米嘅質感亦好煙煙韌韌！荷香蟲草花蒸滑鷄蒸嘅時間火候控制得啱啱好，所以肉質超鬆軟嫩滑，完全無「嚡」嘅感覺，而且有淡淡嘅荷葉同蟲草花嘅香味！101鮮果拿破崙嘅造型賣相好似臺北嘅101大樓咁，所以個名就叫101，拿破崙嘅質感相當酥脆，而且每一層之間仲舖滿吉士醬同每一層都唔同嘅水果粒，分別係西瓜、哈密瓜、蜜瓜等等等等⋯⋯頂層仲有一塊長身嘅麥芽糖，令到賣相好似臺北101大樓咁，而旁邊亦擺放咗一嚿彩色拔絲，食落感覺好似棉花糖咁，真係好正呀！…查看更多

有一天，食友K傳了一條短訊，介紹一間甜品不錯的中菜廳。那天早上我們便是不斷討論中菜廳，而話題也是圍繞著我最愛的甜品。「擇日不如撞日」，既然大家討論得火紅火熱，那就乾脆選擇八月軒為是日晚飯的地點吧！沒有預先訂枱，所以六時多便到達朗豪坊。從四樓摩斯漢堡旁的電梯到下一層，八月軒便在身後了。到達時人客大多也只在門口看看餐牌，內裡的食客廖廖可數，我們便選了一張靠牆的四人方枱。枱與枱之間的分隔甚遠，不像一般的中菜廳把人客們都擠在一起。坐好之後便立即點了一份拿破崙，作為飯後甜品。甜品餐牌跟主餐牌是分開的，中西甜品的款式也不少，還是先將焦點放在主餐牌，容後再決定甜品。點了兩客「鮑翅。龍蝦套餐」($398)，再另加一些小菜。脆脆BB豬是八月軒的名物之一，旁邊還放了簡單的沙拉。沒有多餘的調味盤提供，脆皮下沒有多餘的脂肪層，跟一般惹味的脆皮豬似乎差天共地？其實是好戲在後頭。BB豬的表面在烹調時已掃上調味醬，咬一口脆皮便能感受到那種惹味。BB豬肉特別嫩，不用依靠脂肪層的油香，味道已經不錯了。紅燒大鮑翅的湯偏鹹，也許是不太習慣金華火腿那種鹹香味。至於翅，每一客的份量不少，口感比預期中偏硬。或許翅的份量不少，喝起來膠質甚重。蒜茸蒸龍蝦一客半隻，只淺嘗了一口。蝦肉並不爽口彈牙，蒜茸味更是淡薄。友人指龍蝦表面的蒜茸就像蒸好後才灑上的，製作過程相當馬虎。鮮菌翡翠苗是較清淡的一道菜，把不同的菇菌和菜苗拌起來，外表看起來相當青綠。各種新鮮的材料集起來，吃起來特別清新，而且沒有多餘的油，很快便被清空了。迷你桶仔飯加入了瑤柱，令飯香更突出。飯粒分明，不是吃得滿口子糊口，帶有荷葉的香味。加入雞肉和菇更惹味，大家的胃納快滿也把它清光。另外又點了一些點心和小菜，先來的是檸香叉燒焗餐包($60)。餐包每一個相當玲瓏，表面灑上少許的檸檬皮，充滿幽香。餐包是相當鬆軟，內裡的餡較少，吃起來不太滿足。雀籠點心($148)以精緻的點心籠裝飾，內裡放六款不同的點心。內裡的點心每款兩件，斗門鮮蝦餃樣子平平，內裡的蝦爽口彈牙，絕不欺場。鮑魚滑燒賣以鮑魚作為焦點的話，恐怕會令食客失望。鮑魚只是一般的罐頭鮑魚粒，不過以這價錢也不會奢求有高質素的鮑魚吧！反之，燒賣內裡有三隻小蝦，吃起來鮮味突出，這才是焦點所在。從雞絲脆春卷可以知道這兒的炸功不錯，略嫌餡料太少，每一口也被香脆的春卷皮搶盡風頭。娥姐素粉果的外型飽滿，蘿蔔爽脆。燕窩奶皇水晶包有別於一般的中式包點，由較煙韌外層包著少許燕窩和帶有蛋黃味的餡而成，平凡中帶出高貴。菠蘿鮑魚雞粒酥的酥皮相當香脆鬆化，不過略嫌雞粒餡料的份量較少。拔絲石榴咕嚕肉($88)的酸度剛好，而且每一件咕嚕肉都能微微帶出拔絲的效果。石榴沒有菠蘿強烈的酸味，吃起來反而更清新宜人。咕嚕肉雖然每件大小都不一樣，也不會超出一口一件的份量。101鮮果拿破崙($58)的份量絕不只適合二至三人，除非你只是來吃甜品或是你是一位甜魔。拿破侖以不同水果去分隔，每人都向著自己喜愛的水果進發，這個拿破侖很快就被「攻陷」了。那些薄薄的酥皮，一塊絕對吃不出什麼味道，要特意來吃便不用了。嘚嘚地甜薄罉($26)是質感跟糯米糍相當類似，熱烘烘送上時已令人食指大動。煎得香脆的糯米層表面灑上芝麻，香味倍增，加上花生和椰子，惹味指數已打消了糯米是很膩的念頭，意外地也能清空。嫲嫲朱古力餅配雲呢嗱雪糕($68)以五球雲呢嗱雪糕坐陣，朱古力餅急速地把雪糕代成水。朱古力餅是較硬身，香濃的朱古力加上朱古力粒，不時不喜愛甜品的家人也把朱古力餅掃空。…查看更多